Breaking News : ગુજરાત બોર્ડનું 10મું પરિણામ થયું જાહેર, આટલી રીતે કરી શકશો ચેક

ગુજરાત બોર્ડની 10મી પરીક્ષા આપનારા વિદ્યાર્થીઓની રાહ આજે એટલે કે 8મી મેના રોજ પૂરી થવા જઈ રહી છે. માધ્યમિક શાળા છોડવાના પ્રમાણપત્ર પરીક્ષા ધોરણ 10 (SSC) નું પરિણામ સવારે 8 વાગ્યે જાહેર થઈ ગયું છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે પરિણામની તારીખ અને સમય પહેલાથી જ જાહેર કરી દીધો હતો. ધોરણ 10ની બોર્ડ પરીક્ષા આપનારા ઉમેદવારો ગુજરાત બોર્ડની ઓફિશિયલ વેબસાઇટ gseb.org પર જઈને પોતાનું પરિણામ ચકાસી શકે છે.

રિઝલ્ટ જાહેર થઈ ગયું

ગુજરાત ધોરણ 10નું આજે રિઝલ્ટ જાહેર થઈ ગયું છે. તેથી ગુજરાત શિક્ષણ બોર્ડની ઓફિશિયલ વેબસાઈટ ઓપન કરવામાં મુશ્કેલી આવી શકે છે. વધારે પ્રમાણમાં એકસાથે વિદ્યાર્થીઓ સાઈટ ઓપન કરતા હોય છે તો બની શકે છે એ જ સમયે સાઈટ ઓપન ન થઈ શકે.

જો વિદ્યાર્થીઓ GSEB વેબસાઇટ ખોલવામાં અસમર્થ હોય તો તેમને સલાહ આપવામાં આવે છે કે થોડીવાર રાહ જુઓ અને પછીથી ફરી પ્રયાસ કરો. સાઇટ પર ભારે ટ્રાફિકને કારણે વેબસાઇટ ધીમી થઈ શકે છે. બીજો રસ્તો એ છે કે તમને આપવામાં આવેલા વોટ્સએપ નંબર પર ઝડપથી રિઝલ્ટ જોઈ શકશો. (વોટ્સએપ નં – 6357300971)

આટલી રીતે રિઝલ્ટ ચેક કરી શકશો

વિદ્યાર્થીઓ ઓફિશિયલ વેબસાઇટ પર પોતાનો સીટ નંબર દાખલ કરીને અથવા 6357300971 નંબર પર વોટ્સએપ નંબર મોકલીને પોતાનું પરિણામ મેળવી શકે છે. ગુજરાત બોર્ડની ધોરણ 10માની બોર્ડ પરીક્ષા 27 ફેબ્રુઆરીથી 10 માર્ચ 2025 દરમિયાન લેવામાં આવી હતી.

GSEB 10મું પરિણામ 2025: તમે પરિણામ કેવી રીતે ચકાસી શકો છો?

• સૌ પ્રથમ ગુજરાત બોર્ડની ઓફિશિયલ વેબસાઇટ gseb.org પર જાઓ.
• પછી હોમપેજ પર ઉપલબ્ધ GSEB SSC પરિણામ 2025 લિંક પર ક્લિક કરો.
• તે પછી એક નવું પેજ ખુલશે જ્યાં વિદ્યાર્થીઓએ લોગિન વિગતો દાખલ કરવાની રહેશે.
• હવે સબમિટ પર ક્લિક કરો અને તમારું પરિણામ સ્ક્રીન પર દેખાશે.
• તમારું પરિણામ ચેક અને પેજ ડાઉનલોડ કરો.
• ભવિષ્યના ઉપયોગ માટે આની એક હાર્ડ કોપી તમારી પાસે રાખો.

વિદ્યાર્થીઓ ગુજરાત બોર્ડની ઓફિશિયલ વેબસાઇટ પરથી પણ તેમની માર્કશીટ ડાઉનલોડ કરી શકે છે. જો કે આ માર્કશીટ કામચલાઉ રહેશે. મૂળ માર્કશીટ મેળવવા માટે વિદ્યાર્થીઓએ તેમની શાળામાં જવું પડશે, જે બોર્ડ પરિણામ જાહેર થયાના થોડા દિવસો પછી શાળાઓને મોકલશે.

DigiLockerથી કરો ચેક

1. ગુજરાત બોર્ડના 10મા ધોરણનું પરિણામ જોવા માટે સૌપ્રથમ DigiLocker વેબસાઇટ digilocker.gov.in પર જાઓ.
2. પછી તમારો આધાર નંબર અને અન્ય વિગતો દાખલ કરીને નોંધણી કરાવો.
3. ત્યારબાદ તમારા મોબાઈલ નંબર અને સિક્યોરિટી પિનની મદદથી લોગિન કરો.
4. હવે શિક્ષણ ટેબ હેઠળ ડ્રોપડાઉનમાંથી ગુજરાત બોર્ડ પસંદ કરો અને પછી 10મા પરિણામની માર્કશીટ પસંદ કરો.
5. પછી તમારો નોંધણી નંબર દાખલ કરો અને વર્ષ 2025 પસંદ કરો.
6. હવે તમારી માર્કશીટ દેખાશે જેને તમે ડાઉનલોડ કરી શકો છો.