Union Budget 2024: સોનું અને ચાંદી થશે સસ્તું, સરકારે કસ્ટમ ડ્યુટીમાં કર્યો ઘટાડો
Union Budget 2024: નાણામંત્રી નિર્મલા સીતારમણે આજે બજેટ રજૂ કર્યું. બજેટમાં સામાન્ય માણસ માટે ઘણી રાહતની જાહેરાતો કરવામાં આવી છે. બજેટમાં સરકારે સોના-ચાંદી પરની કસ્ટમ ડ્યૂટીમાં ઘટાડો કર્યો છે. આનાથી સોના અને ચાંદીના ભાવમાં ઘટાડો થશે એટલે કે સોના-ચાંદીની ખરીદી સસ્તી થશે.
![Union Budget 2024: સોનું અને ચાંદી થશે સસ્તું, સરકારે કસ્ટમ ડ્યુટીમાં કર્યો ઘટાડો](https://images.tv9gujarati.com/wp-content/uploads/2024/07/GOLD-1.jpg?w=1280)
સોનું અને ચાંદી ખરીદનારાઓ માટે સારા સમાચાર છે. સરકારે સોના અને ચાંદી પરની કસ્ટમ ડ્યુટીમાં ઘટાડો કર્યો છે. હાલમાં તે 15 ટકા છે જે ઘટાડીને 6 ટકા કરવામાં આવ્યું છે. નાણામંત્રી નિર્મલા સીતારમણે બજેટ રજૂ કરતી વખતે આ જાહેરાત કરી હતી. કસ્ટમ ડ્યુટી ઘટવાને કારણે સોનું અને ચાંદી ખરીદવી સસ્તી થશે. સરકારે આ વર્ષે જાન્યુઆરીમાં કસ્ટમ ડ્યુટી વધારીને 15 ટકા કરી હતી. મંગળવારે સોનાની કિંમતમાં ઘટાડો જોવા મળ્યો હતો. તે ઘટીને 2 હજાર રૂપિયા પ્રતિ 10 ગ્રામ પર આવી ગયો. બજેટ સમાપ્ત થયા પછી તરત જ સોનાની કિંમત ઘટીને 1988 રૂપિયા પ્રતિ 10 ગ્રામ થઈ ગઈ છે. આ ઘટાડાને કારણે સોનું 70730 રૂપિયા પ્રતિ 10 ગ્રામ પર આવી ગયું.
બજેટના અંત પછી ચાંદીના ભાવમાં પણ ધરખમ ઘટાડો થયો હતો. તે ઘટીને રૂ.2429 પ્રતિ કિલો થઈ ગયો હતો. બજેટ સમાપ્ત થયા બાદ ચાંદીની કિંમત 86774 રૂપિયા પ્રતિ કિલો થઈ ગઈ છે. સોનું અને ચાંદી હવે સસ્તું થશે એટલે તેને ખરીદનારા લોકોની સંખ્યા વધી શકે છે. જો માંગ વધે છે, તો તેમની કિંમતોમાં ફેરફાર શક્ય છે.