Tataએ લોન્ચ કરી શાનદાર EV, સિંગલ ચાર્જ પર દોડશે 585 કિમી, જાણો કેટલી છે કિંમત
Tataએ વધુ એક શાનદાર ઈલેક્ટ્રિક કાર લોન્ચ કરી છે. ટાટાની આ કારને એક વખત ચાર્જ કર્યા પછી તે 585 કિમી સુધીનું અંતર કાપી શકે છે. આ ઇલેક્ટ્રિક એસયુવીમાં 18 ઇંચના એલોય વ્હીલ્સ આપવામાં આવ્યા છે. તેનું ગ્રાઉન્ડ ક્લિયરન્સ 190mm છે. આ ઉપરાંત આ SUVમાં 500 લિટરની બૂટ સ્પેસ છે.
Tataની ઇલેક્ટ્રિક Curveએ ભારતમાં એન્ટ્રી કરી લીધી છે અને તેની કિંમતો પણ જાહેર કરવામાં આવી છે. Curve EV પાંચ કલરમાં લોન્ચ કરવામાં આવી છે. જેમાં પ્રિસ્ટીન વ્હાઇટ, ફ્લેમ રેડ, એમ્પાવર્ડ વ્હાઇટ, વર્ચ્યુઅલ સનરાઇઝ અને પ્યોર ગ્રેનો સમાવેશ થાય છે. આ કારને Acti.ev આર્કિટેક્ચર પર બનાવામાં આવી છે. આ ઇલેક્ટ્રિક એસયુવીમાં 18 ઇંચના એલોય વ્હીલ્સ આપવામાં આવ્યા છે. તેનું ગ્રાઉન્ડ ક્લિયરન્સ 190mm છે. આ ઉપરાંત આ SUVમાં 500 લિટરની બૂટ સ્પેસ છે.
આ ઈલેક્ટ્રિક એસયુવીમાં 6 એરબેગ્સ, ઈલેક્ટ્રોનિક સ્ટેબિલિટી પ્રોગ્રામ, લેવલ 2 એડવાન્સ ડ્રાઈવર આસિસ્ટન્સ સિસ્ટમ, લેન કીપ આસિસ્ટ, ક્રૂઝ કંટ્રોલ, બ્લાઈન્ડ વ્હીલ મોનિટર, ફ્રન્ટ પાર્કિંગ સેન્સર, રીઅર પાર્કિંગ સેન્સર અને તમામ વ્હીલ ડિસ્ક બ્રેક્સ જેવા સેફ્ટી ફીચર્સ આપવામાં આવ્યા છે.
Tata Curvv EV ના ફીચર્સ
Tata Curve EV બે બેટરી પેક વિકલ્પો સાથે ખરીદી શકો છો. એક 45kWh બેટરી પેક અને બીજું 55kWh બેટરી પેક છે. તેનું નાનું બેટરી પેક 502 કિલોમીટર સુધીની રેન્જ આપી શકે છે. મોટું બેટરી પેક 585 કિલોમીટર સુધીની રેન્જ આપી શકે છે. આ ઇલેક્ટ્રિક કાર માત્ર 8.6 સેકન્ડમાં 0 થી 100 કિલોમીટર પ્રતિ કલાકની ઝડપ પકડી શકે છે. જ્યારે તેની ટોપ સ્પીડ 160 kmph છે.
Curve EVનો ચાર્જિંગ રેટ 1.2C છે, જેની મદદથી તેને માત્ર 15 મિનિટના ચાર્જિંગમાં 150 કિલોમીટર સુધી ચલાવી શકાય છે.
Tata Curvv ICE ની ખાસિયતો
Tata Curve ત્રણ એન્જિન વિકલ્પોમાં લોન્ચ થઈ છે. જેમાં 1.2 લીટર, 3-સિલિન્ડર TGDi Heparion ટર્બો પેટ્રોલ એન્જિન છે, જે 123bhp પાવર અને 225Nm ટોર્ક જનરેટ કરે છે. બીજું 1.2 લિટર ટર્બો પેટ્રોલ એન્જિન છે, જે 118bhpનો પાવર અને 170Nmનો ટોર્ક જનરેટ કરે છે. ત્રીજું 1.5 લિટર ડીઝલ એન્જિન છે, જે 113bhpનો પાવર અને 260Nmનો ટોર્ક જનરેટ કરે છે.
Curvv EV ની કિંમત
Tata Curve EVની કિંમત 17.49 લાખ રૂપિયાથી શરૂ થાય છે. જ્યારે તેના ટોપ વેરિઅન્ટની કિંમત 21.99 લાખ રૂપિયા છે. આ કિંમતો એક્સ-શોરૂમ પ્રમાણે છે. Curveના પેટ્રોલ/ડીઝલ મોડલની કિંમત 2 સપ્ટેમ્બરે જાહેર કરવામાં આવશે.
