ચીન અને એલોન મસ્કને ટક્કર આપશે Mahindra, બનાવ્યો 16000 કરોડનો પ્લાન
Mahindra XEV 9e અને BE 6ના ટોપ મોડલ લોન્ચ સાથે મહિન્દ્રા વૈશ્વિક બજારમાં બિઝનેસનું વિસ્તરણ કરશે. કંપની પહેલાથી જ દક્ષિણ આફ્રિકા અને ઓસ્ટ્રેલિયામાં Mahindra XUV700નું વેચાણ કરે છે. હવે કંપની ચીનની BYD અને એલોન મસ્કની ટેસ્લા સાથે સ્પર્ધા કરવા માટે જુદા જુદા દેશોમાં બિઝનેસનું વિસ્તરણ કરશે.
ભારતની અગ્રણી SUV ઉત્પાદક મહિન્દ્રાએ તાજેતરમાં Mahindra XEV 9e અને BE 6 ના ટોપ મોડલ લોન્ચ કર્યા છે. Mahindra XEV 9eની એક્સ-શોરૂમ કિંમત રૂ. 21.90-30.50 લાખ છે અને BE 6ની એક્સ-શોરૂમ કિંમત રૂ. 18.90-26.90 લાખ છે. ભારતમાં મહિન્દ્રાની સ્થિતિ ઘણી મજબૂત છે અને હવે કંપનીની નજર વૈશ્વિક બજાર પર છે.
Mahindra XEV 9e અને BE 6ના ટોપ મોડલ લોન્ચ સાથે મહિન્દ્રા વૈશ્વિક બજારમાં બિઝનેસનું વિસ્તરણ કરશે. કંપની પહેલાથી જ દક્ષિણ આફ્રિકા અને ઓસ્ટ્રેલિયામાં Mahindra XUV700નું વેચાણ કરે છે. હવે કંપની ચીનની BYD અને એલોન મસ્કની ટેસ્લા સાથે સ્પર્ધા કરવા માટે જુદા જુદા દેશોમાં બિઝનેસનું વિસ્તરણ કરશે.
જો મહિન્દ્રા ઈન્ટરનેશનલ માર્કેટમાં ઈલેક્ટ્રિક કાર લાવશે તો એલોન મસ્કની ટેસ્લા અને ચીનની BYD જેવી ઈવી કંપનીઓ માટે પડકાર વધશે. મહિન્દ્રાએ EV માટે રૂ. 16,000 કરોડ ખર્ચવાનો પ્લાન પણ બનાવી લીધો છે.
મહિન્દ્રા તબક્કાવાર વિવિધ દેશોમાં તેની હાજરી વધારશે. સૌપ્રથમ કંપની આંતરરાષ્ટ્રીય બજારમાં વિતરણ ચેનલનું વિસ્તરણ કરશે. કંપનીનું ધ્યાન લાઈફસ્ટાઈલ પિકઅપ ટ્રક અને નવી કેટેગરીની ઇલેક્ટ્રિક કાર બનાવવા પર છે. આ રીતે ટેસ્લા અને BYD જેવી વૈશ્વિક સ્તરની EV કંપનીઓને સ્પર્ધાનો સામનો કરવો પડશે.
મહિન્દ્રા SUV આ દેશોમાં લોન્ચ કરવામાં આવશે
મહિન્દ્રા દક્ષિણ આફ્રિકા, ઓસ્ટ્રેલિયા, ન્યુઝીલેન્ડ, મોરોક્કો અને ચિલી જેવા દેશોમાં પહેલેથી જ મજબૂત હાજરી ધરાવે છે. કંપનીનું ડિસ્ટ્રિબ્યુશન નેટવર્ક પણ અહીં સારું છે. મહિન્દ્રાએ કેટલાક બજારોમાં સ્કોર્પિયો પિક-અપનું વેચાણ શરૂ કર્યું છે. એજન્સી અનુસાર, કંપનીને લાગે છે કે હવે આ બજારો XUV700, Scorpio N અને XUV 3XO જેવા મોડલના લોન્ચ માટે તૈયાર છે.