WITT : PM નરેન્દ્ર મોદીએ TV9 નેટવર્કના મંચ પરથી છેલ્લા 10 વર્ષમાં થયેલા વિકાસ કાર્યોની આપી માહિતી
PM મોદીએ TV9 નેટવર્કના મંચ પરથી કહ્યું કે આવનારા 5 વર્ષ ખૂબ જ મહત્વપૂર્ણ છે. અમારા ત્રીજા કાર્યકાળમાં આપણે ભારતની ક્ષમતાને નવી ઊંચાઈએ લઈ જવાની છે. વિકસિત ભારતની સંકલ્પ યાત્રામાં આવનારા 5 વર્ષ આપણા દેશ માટે પ્રગતિ અને પ્રશંસાના વર્ષો છે.
વડાપ્રધાન નરેન્દ્ર મોદીએ સોમવારે TV9 નેટવર્કની ગ્લોબલ સમિટ ‘What India Thinks Today’માં ભાગ લીધો હતો. જ્યાં પીએમ મોદીનું ઉષ્માભર્યું સ્વાગત કરવામાં આવ્યું હતું. આ ભવ્ય મંચ પર પીએમએ છેલ્લા 10 વર્ષમાં થયેલા વિકાસ કાર્યોની માહિતી આપી હતી. PMએ કહ્યું કે ભારત વિશ્વની ટોપ-5 અર્થવ્યવસ્થાઓમાં સામેલ થઈ ગયું છે. આજે મહત્વપૂર્ણ નીતિઓ ઝડપથી બનાવવામાં આવે છે અને નિર્ણયો પણ ઝડપથી લેવામાં આવે છે. 21મી સદીના ભારતે નાનું વિચારવાનું બંધ કરી દીધું છે.
પીએમ મોદીએ કહ્યું કે 2014 સુધી દેશમાં મ્યુચ્યુઅલ ફંડમાં 9 લાખ કરોડ રૂપિયાનું રોકાણ કરવામાં આવ્યું હતું. આજે આ આંકડો વધીને 52 લાખ કરોડ રૂપિયા થઈ ગયો છે. PMએ કહ્યું કે આવનારા 5 વર્ષ ખૂબ જ મહત્વપૂર્ણ છે. અમારા ત્રીજા કાર્યકાળમાં આપણે ભારતની ક્ષમતાને નવી ઊંચાઈએ લઈ જવાની છે. વિકસિત ભારતની સંકલ્પ યાત્રામાં આવનારા 5 વર્ષ આપણા દેશ માટે પ્રગતિ અને પ્રશંસાના વર્ષો છે.
