સુરત : કુડસદ જીઆઈડીસીમાં આગની ઘટના બનતા દોડધામ મચી હતી, જુઓ વીડિયો

સુરત : ઓલપાડના કુડસદ જીઆઈડીસી આગની ઘટના બનતા દોડધામ મચી ગઈ હતી. મિલના ધાબા પર મૂકેલ ઓઇલ ટેન્કમાં આગ લાગી હતી જેને ભારે જહેમત બાદ બુઝાવવામાં આવી હતી

સૂત્રો અનુસાર ટેન્ક માંથી ઓઇલ લીકેજ થતા ગરમીના કારણે અચાનક આગ ભભૂકી ઉઠી હતી. ધાબા પર આગ લાગતા મિલ કામદારોમાં  ફફડાટ ફેલાયો હતો. સલામતીના ભાગરૂપે કામદારોને મિલની બહાર કાઢવામાં આવ્યા હતા.

મીલના કામદારોએ પાણીનો મારો ચલાવી આગ બુઝાવી હતી. સુમિલોન ફાયર પણ ઘટના સ્થળે પહોંચ્યું  હતું. ગરમીનો સમય અને ઓઇલમાં આગ લાગી હોવાથી કુલિંગ પ્રક્રિયા હાથ ધરાઈ હતી. સદનસીબે આગમાં જાનમાલને કોઈ નુકશાન નોંધાયું નથી.

Input Credit : – Mehul Bhokalva, Olpad