Surat: આ ગજબની ગ્રાન્ટ ! બાકડા જમીનની જગ્યાએ સીધા ધાબા પર દેખાયા, વિશ્વાસના આવતો હોય તો જુઓ Video
સુરતમાં ફરી એક વાર ગ્રાન્ટના બાંકડા ધાબા પર દેખાયા છે. રાંદેર વિસ્તારમાં બાંકડા ધાબા પર દેખાયા છે. સ્થાનિક કોર્પોરેટરની ગ્રાન્ટમાંથી બાંકડા ફાળવાયા હતા.
Surat: સરકારી ગ્રાન્ટમાંથી ફાળવાયેલા બાંકડા શેરીઓમાં જોવા મળે. જાહેર રસ્તા પર જોવા મળે. પરંતુ સુરતમાં આવા બાંકડા ધાબે જોવા મળે છે. ફરી સુરતમાં આ બાંકડા કૌભાંડ સામે આવ્યું છે. રાંદેર વિસ્તારમાં સ્થાનિક કોર્પોરેટરની ગ્રાન્ટમાંથી બાંકડા ફાળવાયા હતા. પરંતુ આ બાંકડા શેરીમાં કે સોસાયટીના કોમન પ્લોટમાં મુકવાને બદલે કોઈ એક મકાનના ધાબા પર મુકાયા છે. જેના ફોટો પણ સામે આવ્યા છે.
આ પણ વાંચો : ડ્રગ્સ પેડલરના નેટવર્કમાં મહિલાનું પ્રમાણ વધ્યું, 24 કલાકમાં બે મહિલા સહિત ચાર લોકોની ધરપકડ
એક ટેબલની બાજુમાં બે સરકારી બાંકડા ગોઠવી દેવાયા છે. અંબિકા સોસાયટીના આ ફોટોએ ફરી ચર્ચા જગાવી છે કે, સરકારી ગ્રાન્ટના બાંકડા ધાબે કેમ ચઢી જાય છે ? અગાઉ પણ વિવિધ વિસ્તારોમાં બાંકડા ધાબા પર જોવા મળ્યા હતા. ત્યારે સવાલ એ છે કે, ગ્રાન્ટમાંથી ફાળવાતી સુવિધા સાર્વજનિક છે કે, કોઈની ખાનગી. ?
