ગીરસોમનાથ: માંડવી ચેકપોસ્ટના ચકચારી તોડકાંડમાં પીઆઈ ગોસ્વામી બાદ હવે ASI નિલેશ મૈયાની કરાઈ ધરપકડ- Video
ગીરસોમનાથના ચકચારી તોડકાંડ કેસમાં ASI નિલેશ મૈયાની 4 મહિના કરતા વધુ સમય બાદ ધરપકડ કરાઈ છે. આ કેસમાં અગાઉ પીઆઈ ગોસ્વામીની ધરપકડ થઈ ચુકી છે. ઉના પોલીસના પીઆઈ ગોસ્વામી, તેમનો વચેટિયો અને એએસઆઈ નિલેશ મૈયાએ મળીને અનેક પ્રવાસીઓને રોકીને તેમની પાસેથી તોડપાણી કરતા હતા. લાંબા સમયથી ચાલતી આ ઘટનાનો વીડિયો સોશિયલ મીડિયામાં વાયરલ થયો હતો અને ઉના પોલીસના તોડકાંડનો પર્દાફાશ થયો હતો.
ગીરસોમનાથના ચકચારી માંડવી ચેકપોસ્ટના તોડકાંડમાં ACBએ ASI નિલેશ મૈય્યાની ધરપકડ કરી છે. આ કેસમાં અગાઉ પીઆઈ ગોસ્વામીની ધરપકડ થઈ ચુકી છે. ઉના પોલીસ પર દીવથી આવતા પ્રવાસીઓ સાથે તોડપાણી કરવાના અનેક આરોપ લાગ્યા હતા.
ઉના પોલીસના માંડવી ચેકપોસ્ટ પર તોડકાંડનો વીડિયો પણ સોશિયલ મીડિયામાં વાયરલ થયો હતો, પોલીસ તોડપાણી કરતી હોવાનો વીડિયો સામે આવ્યા બાદ પીઆઈ ગોસ્વામી અને ASI નિલેશ મૈયા ભૂગર્ભમાં ઉતરી ગયા હતા. ત્યારબાદ પીઆઈ નિલેશ ગોસ્વામી નાયકીય ઢબે રાજકોટમાં સરેન્ડર થતા તેમની ધરપકડ કરાઈ હતી. પીઆઈ નિલેશ ગોસ્વામી, તેમનો વચેટિયો નિલેશ તડવી અને ASI નિલેશ મૈયાએ 50થી વધુ પ્રવાસીઓ સાથે તોડ કર્યો હતો. આ તોડમાં પીઆઈનો ખાનગી માણસ નિલેશ તડવી પ્રવાસીઓ પાસેથી ઉઘરાણી કરતો હતો.
દીવથી આવતા પ્રવાસીઓને દારૂના કેસમાં ફસાવવાની ધમકી આપી મોટી રકમનો કરાતો હતો તોડ
આ કેસમા ACBએ અહેમદપુર માંડવી ચેકપોસ્ટ પર રેડ કરી હતી અને પોલીસ વતી લાંચ લેતા વહીવટદારને ઝડપી લીધો હતો. પોલીસની રેડનો ખ્યાલ આવી જતા ફરજ પરના પોલીસકર્મી, જીઆરડી સહિતના અન્ય લોકો ફરાર થઈ ગયા હતા. આ રેડને પગેલે અહેમદપુર માંડવી ચેકપોસ્ટ પર અફરાતફરી મચી ગઈ હતી. ઉના પોલીસના તોડકાંડનો વીડિયો વાયરલ થયો હતો જેમા પ્રવાસીઓ સાથે પોલીસ તોડ કરતી હોવાનુ સામે આવ્યુ હતુ. દીવથી આવતા પ્રવાસીઓને દારૂનો કેસ કરવાની ધમકી આપી મોટી રકમનો તોડ કરવામાં આવતો હતો. જો પ્રવાસી પાસે રોકડ ન હોય તો ATMમાં લઈ જઈને પૈસા પડાવવામાં આવતા હતા. ઓનલાઈન પૈસા ટ્રાન્સફર કર્યા હોવાનો પણ પ્રવાસીઓએ આરોપ લગાવ્યો છે.
ગીર સોમનાથ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
![રતન ટાટાએ આ કંપનીમાં કર્યું રોકાણ, કંપની કરે છે એકલતા દૂર કરવાનું કામ રતન ટાટાએ આ કંપનીમાં કર્યું રોકાણ, કંપની કરે છે એકલતા દૂર કરવાનું કામ](https://images.tv9gujarati.com/wp-content/uploads/2024/09/ratan-tata-invested-in-goodfellows-shantanu-naidu-startup.jpg?w=670&ar=16:9)
![જાણો કેમ પૂજામાં આસોપાલનના જ પાનનો થાય છે ઉપયોગ જાણો કેમ પૂજામાં આસોપાલનના જ પાનનો થાય છે ઉપયોગ](https://images.tv9gujarati.com/wp-content/uploads/2024/09/Ashok-Plant-News-6.jpg?w=670&ar=16:9)
![ભગવાન ગણેશજીના પ્રિય ઉકડીચે મોદક આ સરળ ટીપ્સથી બનાવો. ભગવાન ગણેશજીના પ્રિય ઉકડીચે મોદક આ સરળ ટીપ્સથી બનાવો.](https://images.tv9gujarati.com/wp-content/uploads/2024/09/ukadiche-modak-7.jpg?w=670&ar=16:9)
![ભૂલથી પણ Carના ડેશબોર્ડ પર આ વસ્તુઓ ક્યારેય ના રાખતા, નહીંતર લેવાના દેવા થઈ જશે ભૂલથી પણ Carના ડેશબોર્ડ પર આ વસ્તુઓ ક્યારેય ના રાખતા, નહીંતર લેવાના દેવા થઈ જશે](https://images.tv9gujarati.com/wp-content/uploads/2024/09/car-dashboard.jpg?w=670&ar=16:9)
![ક્યા સમયે બિલકુલ પાણી ન પીવુ જોઈએ, ચાણક્યએ કહી છે આ વાત ક્યા સમયે બિલકુલ પાણી ન પીવુ જોઈએ, ચાણક્યએ કહી છે આ વાત](https://images.tv9gujarati.com/wp-content/uploads/2024/09/water-10.jpg?w=670&ar=16:9)
![આજનું રાશિફળ તારીખ : 07-09-2024 આજનું રાશિફળ તારીખ : 07-09-2024](https://images.tv9gujarati.com/wp-content/uploads/2024/09/cropped-WEB-STORY-THUMBNAIL-2-3.jpg?w=670&ar=16:9)