Surat Video : ગોથાણ ગામ પાસેના નાળા પાસે ટેન્કર ચાલકે પાછળથી કન્ટેનરને ટક્કર મારી, એકનું મોત

રાજ્યમાં અવારનવાર અકસ્માતની ઘટના સામે આવતી હોય છે. ત્યારે સુરતમાં ફરી એક વાર અકસ્માતની ઘટના સામે આવ્યો છે. સુરતના ગોથાણ ગામ પાસેના નાળા પર અકસ્માતની ઘટના બની છે. ટેન્કર ચાલકે પાછળથી કન્ટેનરને ટક્કર મારી છે. ટક્કર બાદ કન્ટેનર નાળા પરથી નહેરમાં ખાબક્યુ હતુ. અકસ્માતમાં કન્ટેનર ચાલકનું ઘટનાસ્થળે મોત થયુ છે.

નહેરનાં સાંકડા નાળા પર છાશવારે અકસ્માત સર્જાય છે. માર્ગ મકાન વિભાગ અને મનપાની લડાઈમાં નાળાનું કામ બાકી હોવાથી નિર્દોષ લોકોએ જીવ ગુમાવાનો વારો આવ્યો છે. વાહનચાલકો જોખમી નાળા પરથી પસાર થવા માટે મજબૂર બન્યા છે.

બીજી તરફ આ અગાઉ ચોટીલા પાસે એમ્બ્યુલન્સ અને ટ્રક વચ્ચે અકસ્માતની ઘટના બની હતી. એમ્બ્યુલન્સ ચોટીલાથી રાજકોટ આવી રહી હતી તે દરમિયાન અકસ્માતની ઘટના બની હતી. જેમાં 3 લોકોનાં મોત નિપજ્યા હતા.