દુર્ઘટનાગ્રસ્ત કારને જ બનાવી નાખ્યું સાઈનબોર્ડ, આવી યૂનિક ચેતવણી તમે ક્યારેય નહીં જોઈ હોય, જુઓ Viral Video
તમે જોયું જ હશે કે પોલીસ- વહીવટી તંત્ર ઘણીવાર લોકોને સાવચેત રહેવાની સલાહ આપે છે અને ક્યારેક અનોખી રીતે પણ ચેતવણી આપે છે. આવો જ એક વીડિયો આજકાલ સોશિયલ મીડિયા પર વાયરલ (Viral Video) થઈ રહ્યો છે, જે ખૂબ જ ખાસ અને અનોખો છે.
આજકાલ રસ્તાઓ પર ચાલવું એ ‘ જાન હથેળી પર લઈ ચાલવા’ જેવું થઈ ગયું છે, કારણ કે અકસ્માતો (Accident Viral Video)માં લોકો ક્યારે, ક્યાં, કેવી રીતે માર્ગ અકસ્માતનો ભોગ બની શકે છે તેનો ભરોસો નથી. રોડ પર વાહનો ચલાવનારા જ અકસ્માતનો ભોગ બને તે જરૂરી નથી, પરંતુ રાહદારીઓ પણ ક્યારેક અકસ્માતનો ભોગ બને છે. એટલા માટે દરેકે સાવચેત રહેવું જોઈએ. તમે જોયું જ હશે કે પોલીસ-પ્રશાસન ઘણીવાર લોકોને સાવચેત રહેવાની સલાહ આપે છે અને ક્યારેક અનોખી રીતે પણ ચેતવણી આપે છે. આવો જ એક વીડિયો આજકાલ સોશિયલ મીડિયા પર વાયરલ (Viral Video) થઈ રહ્યો છે, જે ખૂબ જ ખાસ અને અનોખો છે.
વીડિયોમાં તમે જોઈ શકો છો કે રસ્તાની બાજુના વળાંક પર એક પોલીસ બેનર લગાવવામાં આવ્યું છે, તેના પર સાવધાની ની ચેતવણી લખેલી છે અને તે જ ચેતવણી બોર્ડની ઉપર એક દુર્ઘટનાગ્રસ્ત કાર મૂકવામાં આવી છે, જેના પૈડા નીકળી ગયા છે, દરવાજો ખુલ્લો છે અને કાર અનેક બાજીથી ચેપાઈ ગઈ છે. આ અનોખી ચેતવણી બોર્ડ મધ્ય પ્રદેશના જબલપુરનું છે. તમે ઘણી જગ્યાએ ગયા હશો, ઘણા રસ્તાઓ પરથી પસાર થયા હશો, પરંતુ આવી ચેતવણી તમે ભાગ્યે જ ક્યાંય જોઈ હશે. આ એક ખૂબ જ અનોખી પ્રકારની ચેતવણી છે. વીડિયો જોયા પછી તમે ચોક્કસ હસી પડશો.
આ ફની વોર્નિંગ વીડિયોને ઝારખંડના ડેપ્યુટી કલેક્ટર સંજય કુમારે પોતાના ટ્વિટર હેન્ડલ પર શેર કર્યો છે અને કેપ્શનમાં લખ્યું છે કે, ‘અનોખા અંદાજમાં ચેતવણી..! સાવધાની હટી દુર્ઘટના ઘટી’. 8 સેકન્ડના આ વીડિયોને અત્યાર સુધીમાં 67 હજારથી વધુ વખત જોવામાં આવ્યો છે, જ્યારે 2 હજારથી વધુ લોકોએ વીડિયોને લાઈક પણ કર્યો છે.
अनोखे अंदाज में चेतावनी.. ! 😅👌#सावधानी_हटी_दुर्घटना_घटी pic.twitter.com/bICOHROd07
— Sanjay Kumar, Dy. Collector (@dc_sanjay_jas) September 9, 2022
લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. એક યુઝરે ફની રીતે લખ્યું છે કે, ‘આવો સીન જોઈને નજર તો હટશે’, જ્યારે બીજા યુઝરે લખ્યું છે કે, ‘હવે સમાચાર આવશે કે આ કારને જોવાના ચક્કરમાં આગળ ધ્યાન ન રહ્યું અને ટ્રક અંદર. એ જ રીતે, અન્ય એક યુઝરે કોમેન્ટ કરી છે કે, ‘એક લાશ અને હાથ-પગ સાથે ઘાયલ વ્યક્તિનું પૂતળું પણ તેની સાથે રાખવામાં આવ્યું હોત તો સારું હોત’.
