Tech News: શું છે ડેટા સેન્ટર્સ? જે ભારતની ડિજિટલ અર્થવ્યવસ્થાને આપશે ઝડપ, જાણો ક્યાં થશે સ્થાપના?

Tech News: શું છે ડેટા સેન્ટર્સ? જે ભારતની ડિજિટલ અર્થવ્યવસ્થાને આપશે ઝડપ, જાણો ક્યાં થશે સ્થાપના?
Symbolic Image

JLLએ જણાવ્યું હતું કે ડેટા સેન્ટરો ડિજિટલ ટ્રાન્સફોર્મેશનને કારણે 2025 સુધીમાં ભારતને 1 ટ્રિલિયન ડોલર ડિજિટલ ઈકોનોમી બનાવવામાં મદદ કરશે. ભારતીય ડેટા સેન્ટર ઉદ્યોગ માટે કરોડરજ્જુ તરીકે કામ કરશે, જેથી ભારત એક વૈશ્વિક હબ તરીકે ઉભરી શકશે.

TV9 GUJARATI

| Edited By: Pankaj Tamboliya

Mar 22, 2022 | 2:40 PM

ભારતી એરટેલ (Airtel)ની ડેટા સેન્ટર પેટાકંપની નેક્સ્ટ્રા અને રિયલ એસ્ટેટ કન્સલ્ટન્સી જેએલએલ ઈન્ડિયાએ ‘ડેટા સેન્ટર્સઃ ધ બિલ્ડીંગ બ્લોક્સ ઓફ ડિજિટલ રિવોલ્યુશન ઈન ઈન્ડિયા’ નામનો અહેવાલ બહાર પાડ્યો છે. તે ભારતીય ડેટા સેન્ટર (Data Center) ઉદ્યોગ, તેની જરૂરિયાત અને વિસ્તરણ વિશે ઉલ્લેખ કરે છે. એરટેલ અને જેએલએલ દ્વારા નેક્સ્ટ્રાના અહેવાલ મુજબ કેબલ લેન્ડિંગ સ્ટેશનને કારણે મુંબઈ અને ચેન્નાઈને ડેટા સેન્ટર્સ માટે ઓળખવામાં આવ્યા છે. આ સિવાય એવો અંદાજ છે કે ડેટા પ્રોટેક્શન, ક્લાઉડ કમ્પ્યુટિંગ, કેપ્ટિવ ડેટા સેન્ટર્સથી ક્લાઉડ ડેટા સેન્ટર્સમાં ફેરફારની માંગ ચાલુ રહેશે.

ડેટા સેન્ટર્સ શું છે

ડેટા સેન્ટર એ એવી જગ્યા છે જ્યાં કંપનીની IT પ્રવૃત્તિઓ અને ડિવાઈસ માટે વિવિધ સુવિધાઓ પૂરી પાડવામાં આવે છે. આ સુવિધાઓમાં ડેટા સ્ટોરેજ, પ્રોસેસિંગ અને માહિતીનું પરિવહન અને કંપનીની એપ્લિકેશનના અન્ય સંબંધિત કાર્યોનો સમાવેશ થાય છે. તેને સર્વર તરીકે ગણી શકાય કે જ્યાંથી કંપનીનું આખું આઈટી ઓપરેટ થાય છે.

ડિજિટલ અર્થતંત્રમાં ડેટા સેન્ટરનું મહત્વનું યોગદાન

આ અભ્યાસ વિશે માહિતી આપતાં રચિત મોહન, હેડ, ડેટા સેન્ટર એડવાઈઝરી, ઇન્ડિયા, JLLએ જણાવ્યું હતું કે ડેટા સેન્ટરો ડિજિટલ ટ્રાન્સફોર્મેશનને કારણે 2025 સુધીમાં ભારતને 1 ટ્રિલિયન ડોલર ડિજિટલ ઈકોનોમી બનાવવામાં મદદ કરશે. ભારતીય ડેટા સેન્ટર ઉદ્યોગ માટે કરોડરજ્જુ તરીકે કામ કરશે, જેથી ભારત એક વૈશ્વિક હબ તરીકે ઉભરી શકશે. તેમની ભૌગોલિક સ્થિતિ અને ઈન્ફ્રાસ્ટ્રક્ચરને કારણે મુંબઈ અને ચેન્નાઈને ભારતમાં ડેટા સેન્ટર માર્કેટ તરીકે ઓળખવામાં આવ્યા છે.

આ ડેટા સેન્ટર બનશે

રાજેશ તાપડિયા, સીઈઓ, નેક્સ્ટ્રા બાય એરટેલએ જણાવ્યું હતું કે મુંબઈ બાદ ચેન્નઈ દેશમાં સૌથી વધુ ઈન્ટરનેટ સ્પીડ, દરિયાની અંદર કેબલ લેન્ડિંગ, ઈન્ફ્રાસ્ટ્રક્ચરની ઉપલબ્ધતા અને ઉદ્યોગ તરફી સરકારની નીતિઓ અને કાર્યક્ષમ માનવબળ જેવા ઈન્ફ્રાસ્ટ્રક્ચરના લાભો સાથે આગામી ડેટા સેન્ટર હબ તરીકે ઉભરી આવે છે. ડેટા સેન્ટરથી દિલ્હી NCR, હૈદરાબાદ, બેંગ્લોર, કોલકાતા અને પૂણે જેવા લેન્ડલોક શહેરોને ફાયદો થશે.

કોલકાતા, ભારતના ગીચ વસ્તીવાળા પૂર્વીય ક્ષેત્રમાં સ્થિત છે, આગામી થોડા વર્ષોમાં એક નવું કેબલ લેન્ડિંગ સ્ટેશન હોવાની અપેક્ષા છે અને તે એક મહત્વપૂર્ણ સ્થળ તરીકે ઉભરી આવશે. 2025 સુધીમાં એરટેલ વૈશ્વિક મેરીટાઈમ કેબલ નેટવર્ક અને લેન્ડિંગ સ્ટેશનો સાથે સંપૂર્ણ રીતે સંકલિત થઈ જશે. તે તેના 11 મોટા અને 120 એજ ડેટા સેન્ટરના સૌથી મોટા નેટવર્ક માટે રૂ. 5,000 કરોડનું રોકાણ પણ કરશે.

આ પણ વાંચો: Tech Tips: તમારો સ્માર્ટફોન વોટરપ્રુફ છે કે વોટર રેઝિસ્ટન્સ, આ રીતે ઓળખો અને તેનો અર્થ પણ જાણો

આ પણ વાંચો: Viral: મહિલાએ લગ્નમાં એવો ડાન્સ કર્યો કે લોકો ચોકી ગયા, યુઝર્સે કહ્યું ‘જબરદસ્તી કરાવો એટલે આવો જ ડાન્સ થાય’


Follow us on

Related Stories

Most Read Stories

Click on your DTH Provider to Add TV9 Gujarati