મોબાઈલમાં આટલા બધા કલર પરંતુ ચાર્જર માત્ર 2 રંગના જ કેમ ? જાણો તેની પાછળનું કારણ
માર્કેટમાં માત્ર બ્લેક એન્ડ વ્હાઇટ કલરનાં ચાર્જર જ ઉપલબ્ધ છે. જ્યારે ગ્રાહકોને અનેક રંગોના મોબાઈલ કંપનીઓ આપે છે, તો પછી રંગબેરંગી ચાર્જર કંપની કેમ નથી આપતી ? આવો જાણીએ શું છે તેનું કારણ.
બજારમાં ઘણા કલરના મોબાઈલ ઉપલબ્ધ છે પરંતુ તમને પણ ક્યારેક આ સવાલ મનમાં થયો હશે કે ચાર્જર માત્ર બે જ કલરના કેમ આવે છે ? આપને જણાવી દઈએ કે બજારમાં, તમને વિવિધ કદ, વજન અથવા ક્ષમતાના મોબાઇલ ચાર્જર મળશે. આ સાથે, તમને ઘણા રંગોના ફોન પણ મળશે. બજારમાં વિવિધ સ્ટાઈલના ચાર્જર પણ ઉપલબ્ધ છે. પરંતુ, શું તમે નોંધ્યું છે કે તમારા મનપસંદ રંગનું ચાર્જર મેળવવું શક્ય નથી. માર્કેટમાં માત્ર બ્લેક એન્ડ વ્હાઇટ કલરનાં ચાર્જર જ ઉપલબ્ધ છે. જ્યારે ગ્રાહકોને અનેક રંગોના મોબાઈલ કંપનીઓ આપે છે, તો પછી રંગબેરંગી ચાર્જર કંપની કેમ નથી આપતી? આવો જાણીએ શું છે તેનું કારણ.
આ પણ વાંચો: ઇલેક્ટ્રિક સ્વીચ બોર્ડ 2 પોઇન્ટથી પણ કામ કરી શકે છે, તો પછી ત્રીજા મોટા છિદ્રની કેમ છે જરૂર ? જાણો અહી…
જો તમને લાગે છે કે તેની પાછળ કોઈ કારણ નથી, તો તમે બિલકુલ ખોટા છો. કારણ કે એક ખાસ કારણથી કંપનીઓ સ્માર્ટફોન ચાર્જર બ્લેક એન્ડ વ્હાઇટ કલરમાં જ બનાવે છે. મોબાઈલ કંપનીઓ લાલ-પીળા કે વાદળી ચાર્જર નથી બનાવતી તેનું કારણ ટકાઉપણું અને કિંમત છે. કાળો અને સફેદ રંગ ચાર્જરની લાઈફ વધારે છે, ખાસ કરીને કાળો રંગ કે સફેદ રંગનું ચાર્જર બનાવવામાં કંપનીઓને ખર્ચ પણ અન્ય રંગોના ચાર્જર બનાવવાની સરખામણીમાં ઓછો આવે છે.
કાળા રંગનો ફાયદો
થોડા વર્ષો પહેલા સુધી, સ્માર્ટફોનના ચાર્જર માત્ર કાળા રંગના હતા. કાળા રંગની વિશેષતા એ છે કે તે અન્ય રંગો કરતાં વધુ સારી રીતે ગરમીને શોષી લે છે. કાળો રંગ પણ આદર્શ ઉત્સર્જક માનવામાં આવે છે. તેનું ઉત્સર્જન મૂલ્ય 1 છે. તે ચાર્જરને ચાર્જિંગ દરમિયાન પેદા થતી ગરમીથી બચાવે છે. ચાર્જરનો કાળો રંગ પણ બહારની ગરમીને ચાર્જરની અંદર જવાથી અટકાવે છે. બીજું, કારણ એ છે કે કાળો પદાર્થ અન્ય રંગો કરતાં સસ્તો છે. તેનાથી ચાર્જર બનાવવાનો ખર્ચ પણ ઓછો થાય છે.
સફેદ રંગના ચાર્જર
હવે કંપનીઓ મોબાઈલ સાથે સફેદ ચાર્જર આપી રહી છે. સફેદ ચાર્જરને અપનાવવાના ત્રણ કારણો છે. પ્રથમ, સફેદ રંગ બાહ્ય ગરમીને ચાર્જરની અંદર પ્રવેશવા દેતો નથી. દરેક વ્યક્તિ જાણે છે કે સફેદ રંગ વધુ ઉષ્મા ઊર્જાને પ્રતિબિંબિત કરે છે અને ઓછી ઉષ્મા ઊર્જાને શોષે છે. આ કારણે ચાર્જર ઓછું ગરમ થાય છે અને લાંબો સમય ચાલે છે. કાળા રંગના ચાર્જરમાં એક સમસ્યા એ પણ છે કે રાતના અંધકારમાં તેને શોધવું મુશ્કેલ છે. સફેદ રંગનું ચાર્જર અંધારામાં પણ સરળતાથી જોઈ શકાય છે. સફેદ રંગ પણ સૌમ્યતાનું પ્રતીક છે અને લગભગ દરેક વ્યક્તિને પસંદ આવે છે. એટલા માટે હવે કંપનીઓએ વધુ સફેદ રંગના ચાર્જર બનાવવાનું શરૂ કર્યું છે.
