એક ભૂલ તમારું ખાતું કરી દેશે ખાલી ! સ્કેમર્સે શોધી કાઢી પૈસા પડાવવાની નવી રીત
આ નવી પદ્ધતિમાં સ્કેમર્સ (ઓનલાઈન સ્કેમ) ને પૈસા પડાવવા માટે OTP અથવા વ્યક્તિગત વિગતોની જરૂર નથી, બલ્કે તેઓ હવે આ કામ ફિંગરપ્રિન્ટ દ્વારા કરી રહ્યા છે. હવે તમે વિચારતા હશો કે ફિંગરપ્રિન્ટ સ્કેમર્સ સુધી કેવી રીતે પહોંચશે, તો સોશિયલ મીડિયાની મદદથી આ શક્ય છે.
આજકાલ ડિજિટલ વર્લ્ડમાં સાયબર ફ્રોડના કિસ્સાઓ પણ ઝડપથી વધી રહ્યા છે. સ્કેમર્સ લોકોને અવનવી રીતે લોકોને છેતરપિંડીનો શિકાર બનાવી રહ્યા છે. આવી સ્થિતિમાં ગુનેગારોએ એક નવો રસ્તો શોધી કાઢ્યો છે જેના દ્વારા તેઓ લોકોને પોતાનો શિકાર બનાવી રહ્યા છે.
આ નવી પદ્ધતિમાં સ્કેમર્સ (ઓનલાઈન સ્કેમ) ને પૈસા પડાવવા માટે OTP અથવા વ્યક્તિગત વિગતોની જરૂર નથી, બલ્કે તેઓ હવે આ કામ ફિંગરપ્રિન્ટ દ્વારા કરી રહ્યા છે. હવે તમે વિચારતા હશો કે ફિંગરપ્રિન્ટ સ્કેમર્સ સુધી કેવી રીતે પહોંચશે, તો સોશિયલ મીડિયાની મદદથી આ શક્ય છે.
છેતરપિંડી કરવાની નવી રીત
તમને જણાવી દઈએ કે સ્કેમર્સે હવે છેતરપિંડી માટે નવો રસ્તો અપનાવ્યો છે. હવે ઠગ સોશિયલ મીડિયાનો ઉપયોગ કરીને તમારી સાથે છેતરપિંડી કરી રહ્યા છે. ગુનેગારો તમને સોશિયલ મીડિયા એકાઉન્ટ્સ પર એવા ફોટા સાથે ટાર્ગેટ કરે છે જેમાં કેટલીક સંવેદનશીલ માહિતી હોય અથવા તમારી ફિંગરપ્રિન્ટ હોય. એટલે કે જો તમે તમારી ફિંગર સાથેનો ફોટો સોશિયલ મીડિયા પર અપલોડ કર્યો હશે તો તેનાથી ફિંગરપ્રિન્ટ ક્લોન કરીને ફ્રોડ કરી રહ્યા છે.
ગુનેગારો તમારી ફિંગરપ્રિન્ટ્સનું ક્લોનિંગ કરી રહ્યા છે અને આધાર સક્ષમ પેમેન્ટ સિસ્ટમ (AEPS) ની મદદથી તમારા ખાતામાંથી પૈસા ઉપાડી રહ્યા છે. તાજેતરમાં જ આવો એક કિસ્સો પ્રકાશમાં આવ્યો છે, જેમાં સાયબર ઠગે સોશિયલ મીડિયા એકાઉન્ટમાંથી ફિંગરપ્રિન્ટને ક્લોન કરીને એકાઉન્ટમાંથી પૈસા ઉપાડી લીધા હતા.
આ સાયબર ફ્રોડથી બચવાના ઉપાય
- હવે આ બધી પદ્ધતિઓથી બચવાના ઘણા રસ્તાઓ છે
- સાયબર છેતરપિંડીથી બચવા માટે, સોશિયલ મીડિયા એકાઉન્ટ્સ પર આંગળીઓના ફોટોગ્રાફ્સ અપલોડ કરશો નહીં
- લોકોએ કોઈપણ અજાણી લિંક પર ક્લિક કરવાનું ટાળવું જોઈએ, કારણ કે તમે લિંક પર ક્લિક કરતાની સાથે જ તમારા બેંક ખાતામાંથી પૈસા ગાયબ થઈ શકે છે
- તમારે સોશિયલ મીડિયાનો ઉપયોગ સાવધાની સાથે કરવો જોઈએ. કોઈપણ સોશિયલ મીડિયા એકાઉન્ટ પર તમારી કોઈપણ સંવેદનશીલ માહિતી પોસ્ટ કરવાનું ટાળો
- તમારા ફોનમાં નિયમિતપણે તમારું બેંક એકાઉન્ટ તપાસતા રહો
- સાયબર ફ્રોડના કિસ્સામાં તરત જ તમારી બેંકનો સંપર્ક કરો
