IPL 2026: 3 દિગ્ગજ ખેલાડી 200 વિકેટના ક્લબમાં એન્ટ્રી માટે તૈયાર
IPLના દરેક સીઝનની જેમ આ વખતે પણ અનેક રેકોર્ડ તૂટશે, અનેક સિદ્ધિઓ પ્રાપ્ત થશે અને તેમાં સૌથી ખાસ છે 200 વિકેટનો મંચ, જે આજ સુધી આ લીગમાં માત્ર એક બોલર જ પહોંચી શક્યો છે. હવે 3 વધુ દિગ્ગજ ખેલાડી ત્યાં પહોંચી શકે છે.
નવા વર્ષે T20 ક્રિકેટની સૌથી મોટી લીગ શરૂ થવા જઈ રહી છે. 28 માર્ચથી દુનિયાની સૌથી જાણીતી T20 લીગ, IPLની 19મી સીઝનની શરૂઆત થઈ રહી છે અને પછી શરૂ થશે રોમાંચક અને ઉથલ-પાથલ ભરી લાંબી સફર. દરેક વર્ષની જેમ, આ વર્ષે પણ આ સફરમાં અનેક નવા રેકોર્ડ બનશે, અનેક નવી સિદ્ધિઓ પ્રાપ્ત થશે. કેટલાક નવા ચહેરા પોતાની ઓળખ બનાવશે તો કેટલાક અનુભવી દિગ્ગજ પોતાના દબદબાને જાળવવા પ્રયત્ન કરશે. આ અનુભવી ખેલાડીઓમાં 3 દિગ્ગજ એવા પણ છે, જે IPL 2026માં પોતાની વિકેટ લેવાની ડબલ સૅંચ્યુરી પૂર્ણ કરશે.
200 વિકેટના ક્લબમાં આ 3 દિગ્ગજ
IPLના નવા સીઝનમાં અનેક નવા રેકોર્ડ બનાવવાના છે. સામાન્ય રીતે T20 ક્રિકેટમાં વધારે રેકોર્ડ બેટ્સમેનના નામે જ નોંધાય છે અને તેમની જ ચર્ચા થાય છે, પરંતુ બોલિંગમાં પણ નવા રેકોર્ડ સર્જાય છે. આવો જ એક રેકોર્ડ છે 200 વિકેટનો, જે IPLમાં અત્યાર સુધી ખૂબ જ દુર્લભ રહ્યું છે, કારણ કે માત્ર એક બોલર જ આ મંચ સુધી પહોંચ્યો છે. તેનું નામ છે યુવેન્દ્ર ચહલ. પરંતુ IPL 2026 સીઝનમાં ચહલને 3 નવા સાથી મળી શકે છે – ભુવનેશ્વર કુમાર, સુનીલ નરેન અને જસપ્રીત બુમરાહ.
આ T20 લીગમાં ત્રણ સફળ અને ચેમ્પિયન બોલર્સમાં ભુવનેશ્વર કુમાર, જસપ્રિત બુમરાહ અને સુનિલ નરેનની પાસે આ સીજનમાં 200 વિકેટ લેવાનો મોકો છે.ત્રણેય પોત-પોતાની ટીમની બોલિંગનો સૌથી મહત્વપૂર્ણ હિસ્સો છે. આ સ્થિતિમાં, તેમના માટે આ મંચ હાંસલ કરવું વધારે મુશ્કેલ નહીં બનવાનું કારણ એ છે કે તેમને ફક્ત થોડી ગણતરીનાં વિકેટ્સની જરૂર છે.
કોણ વધારે નજીક, કોણ દૂર ?
સૌથી પહેલા ભુવનેશ્વર, ડિફેંડિંગ ચેમ્પિયન રોયલ ચેલેન્જર્સ બેંગલુરુના અનુભવી બોલર ભુવનેશ્વર કુમાર 200 વિકેટથી માત્ર 2 ડગલાં દૂર છે. ભુવનેશ્વરે 190 મેચમાં 198 વિકેટ લીધી છે, જેમાં 2 મેચમાં 5 વિકેટ લીધી છે. બીજી તરફ કોલકાતા નાઇટ રાઇડર્સના સ્ટાર સ્પિનર સુનિલને માત્ર 8 વિકેટની જરૂર છે. સુનિલે 189 મેચમાં 192 વિકેટ લીધી છે અને 7 મેચમાં 4 વિકેટ લઈ ચૂક્યો છે. વાત કરીએ બુમરાહની તો મુંબઈ ઈંડિયંસના દિગ્ગજ ઝડપી બોલર પણ આ કરી શકે છે. પરંતુ તે બંનેની તુલનામાં થોડો દૂર છે. બુમરાહને 200 વિકેટ સુધી પહોંચવા માટે 17 વીકટ ની જરૂર છે. તેના નામે 145 મેચ માં 183 વિકેટ્સ છે. બુમરાહએ 2 મેચમાં 5 વિકેટ લીધી છે. આ ત્રણ સિવાય બીજા કોઈ બોલર આ રેકોર્ડની નજીક નથી. જ્યાં સુધી નંબર-1 બોલરની વાત છે, તેમાં લેગ સ્પિનર યુવેન્દ્ર ચહલ 221 વિકેટ્સ સાથે ખૂબ આગળ છે.
Breaking News: IPL 2026 પહેલા વિરાટ કોહલીએ પસંદ કરી ઓલ ટાઈમ RCB પ્લેઈંગ 11, જાણો કોને-કોને મળ્યું ટીમમાં સ્થાન?
