Padma Awards 2024 Sports: ભારતની પ્રાચીન રમતને ઉડાન આપનાર ‘ગુરુ’ને મોદી સરકારે આપ્યો પદ્મ પુરસ્કાર
મોદી સરકારે મલખમના ગુરુ ઉદય વિશ્વનાથ દેશપાંડેને પદ્મશ્રી એવોર્ડથી સન્માનિત કર્યા છે. મલખમ એ ભારતીય સંસ્કૃતિની જૂની રમત છે, જેને પુનઃજીવિત કરવામાં આવી રહી છે અને તેમાં ઉદય વિશ્વનાથ દેશપાંડેનું મોટું યોગદાન છે.
ગણતંત્ર દિવસની પૂર્વ સંધ્યાએ દર વર્ષની જેમ આ વખતે પણ ભારત સરકારે પદ્મ પુરસ્કારોની જાહેરાત કરી છે. આ વખતે કુલ 132 હસ્તીઓને પદ્મ પુરસ્કાર આપવામાં આવ્યા છે, જેમાં ડઝનબંધ અજાણ્યા ચહેરાઓ સામેલ છે. તેમાંથી એક સ્પોર્ટ્સ પર્સનાલિટી છે, જેમણે વર્ષો જૂની પ્રાચીન રમતને પ્રોત્સાહન આપવા માટે કામ કર્યું છે.
ઉદય વિશ્વનાથને પદ્મશ્રી એવોર્ડ
વાસ્તવમાં મોદી સરકારે 70 વર્ષના ઉદય વિશ્વનાથ દેશપાંડેને પદ્મશ્રી એવોર્ડથી સન્માનિત કર્યા છે. મહારાષ્ટ્રથી આવેલા ઉદય વિશ્વનાથ મલખમ સ્પોર્ટ્સ ગુરુ છે અને હજારો યુવાનોને શીખવે છે. ભારતીય સંસ્કૃતિની આ જૂની રમતને યુવાનોમાં લોકપ્રિય બનાવવામાં અને આ શિક્ષણને આગળ વધારવામાં તેમના યોગદાનને કારણે મોદી સરકારે ઉદય વિશ્વનાથ દેશપાંડેનું સન્માન કર્યું છે.
ઉદય વર્લ્ડ મલખમ ફેડરેશનના ડાયરેક્ટર
ઉદય વિશ્વનાથે વિશ્વના લગભગ 50 દેશોના 5 હજારથી વધુ યુવાનોને આ ગેમની ટ્રિક્સ શીખવી છે. આ સમયગાળા દરમિયાન, તેણે આ રમતની તાલીમ ફક્ત યુવાનોને જ નહીં પરંતુ મહિલાઓ, અનાથ, અપંગ અને વરિષ્ઠ નાગરિકોને પણ આપી છે. હાલમાં ઉદય વર્લ્ડ મલખમ ફેડરેશનના ડાયરેક્ટર પણ છે, આથી તે અલગ-અલગ દેશોમાં પણ આ ગેમનો પ્રચાર કરે છે.
મલખંભ ભારતની એક પ્રાચીન રમત
એટલું જ નહીં, તેમણે આ રમતને લગતી એક રૂલ બૂક (નિયમોની પુસ્તક) બનાવવાની પહેલ કરી છે, જેમાં સ્પર્ધાઓ અને નિર્ણયો સંબંધિત વિગતવાર માહિતી આપવામાં આવી છે. આ નિયમ પુસ્તકને આંતરરાષ્ટ્રીય ઓલિમ્પિક સંઘ દ્વારા પણ માન્યતા આપવામાં આવી છે. તમને જણાવી દઈએ કે મલખંભ ભારતની એક પ્રાચીન રમત છે, જેમાં દોરડા અથવા લાકડાના થાંભલા પર કરતબ બતાવવામાં આવે છે. આ પણ એક પ્રકારનો એરિયલ યોગ છે, જેને ઓલિમ્પિકમાં પણ સામેલ કરવામાં આવ્યો છે.
રમતગમતમાં પદ્મ એવોર્ડ મેળવનાર ખેલાડીઓ:
- રોહન બોપન્ના, કર્ણાટક
- જે. ચિન્નાપા, તમિલનાડુ
- ઉદય વિશ્વનાથ દેશપાંડે, મહારાષ્ટ્ર
- ગૌરવ ખન્ના, ઉત્તર પ્રદેશ
- સતેન્દ્ર સિંહ લોહિયા, મધ્યપ્રદેશ
- પૂર્ણિમા મહતો, ઝારખંડ
- હરબિન્દર સિંઘ, દિલ્હી
આ પણ વાંચો : અંડર 19 વર્લ્ડ કપમાં ભારતની સતત બીજી જીત, આયર્લેન્ડને 201 રનથી હરાવ્યું
