IPL 2024 PBKS vs MI: સૂર્યકુમાર યાદવે પંજાબ સામે ફટકાર્યા 78 રન, 5 વર્ષ પછી થયો આવો ‘કમાલ’

IPL 2024માં સૂર્યકુમાર યાદવની સફર થોડી વિચિત્ર છે. સૂર્યકુમાર યાદવ કાં તો 0 પર આઉટ થઈ રહ્યો છે અથવા તો તોફાની અડધી સદી ફટકારે છે. આ ટુર્નામેન્ટમાં રમાયેલી 4માંથી 2 મેચમાં 0 રને આઉટ થયેલા સૂર્યકુમાર યાદવે 2 અડધી સદી પણ ફટકારી છે. તેની બીજી અડધી સદી પંજાબ કિંગ્સ સામે આવી હતી. સૂર્યકુમાર યાદવે 53 બોલમાં 78 રન બનાવ્યા હતા. સૂર્યાએ પોતાની ઈનિંગમાં 7 ચોગ્ગા અને 3 છગ્ગા ફટકાર્યા હતા. રસપ્રદ વાત એ છે કે સૂર્યકુમાર યાદવે અડધી સદી ફટકારી હતી પરંતુ બોલના કારણે તેણે ખાસ સ્થાન હાંસલ કર્યું હતું.

5 વર્ષ પછી 50 થી વધુ બોલ રમ્યો

સૂર્યકુમાર યાદવે પંજાબ સામે 53 બોલ રમ્યા હતા. તમને જાણીને નવાઈ લાગશે કે તેની IPL કરિયરમાં માત્ર બીજી વખત તેણે 50 થી વધુ બોલ રમ્યા છે. સૂર્યકુમાર યાદવે વર્ષ 2019માં ચેન્નાઈ સામે 54 બોલનો સામનો કર્યો હતો અને હવે તે પંજાબ સામે પચાસથી વધુ બોલ રમી ચૂક્યો છે. સૂર્યકુમાર યાદવની આ 143મી IPL મેચ હતી અને તેણે માત્ર બે વખત 50થી વધુ બોલ રમ્યા હતા, જે ખરેખર આશ્ચર્યજનક છે.

Web Stories View more

કેનેડામાં વિદ્યાર્થીઓની વધી મુશ્કેલી, બદલાયો આ નિયમ

ઉનાળામાં કેરી ખાધા પછી શું ન ખાવું જોઈએ?

હવે આખું વર્ષ મોબાઈલ રિચાર્જની ઝંઝટ ખતમ, આ છે Jio અને Airtelના સૌથી સસ્તા વાર્ષિક પ્લાન

રિંકુ સિંહને કપિરાજે 6 વખત બચકા ભર્યા છે, જુઓ ફોટો

PAK ક્રિકેટરની સુંદર પત્નીનું ભારત કનેક્શન, જુઓ તસવીર

WhatsApp Tips : WhatsApp પર ડિલિટ કરેલા મેસેજ આ રીતે જુઓ, અલગ એપની જરુર નથી

34 બોલમાં પોતાની અડધી સદી પૂરી કરી

મુંબઈ ઈન્ડિયન્સની શરૂઆત સારી રહી ન હતી. ઈશાન કિશન વહેલો આઉટ થયો હતો અને આ પછી રોહિત શર્માને સૂર્યકુમાર યાદવે સપોર્ટ કર્યો હતો. આ જમણા હાથના બેટ્સમેને ક્રિઝ પર આવ્યા બાદ સેટ થવામાં થોડો સમય લીધો અને પછી સૂર્યાએ પોતાની શૈલીમાં શોટ રમ્યા. રબાડાના બોલ પર સૂર્યકુમાર યાદવે શાનદાર સિક્સર ફટકારી હતી. આ ખેલાડીએ 34 બોલમાં પોતાની અડધી સદી પૂરી કરી હતી.

SKY’s trademark maximum from one end..

..Tilak Varma’s muscular six from the other

Watch the match LIVE on @JioCinema and @StarSportsIndia #TATAIPL | #PBKSvMI pic.twitter.com/TetHORFPO6

— IndianPremierLeague (@IPL) April 18, 2024

સૂર્યકુમાર થોડો ધીમો રમ્યો

આ એક શાનદાર અડધી સદી છે, પરંતુ સૂર્યકુમાર યાદવના સ્તર મુજબ, તે તેના માટે ધીમી અડધી સદી હતી. સૂર્યકુમાર યાદવ અડધી સદી ફટકાર્યા બાદ પણ ક્રિઝ પર લાંબો સમય ટકી શક્યો નહિ અને 17મી ઓવરમાં પ્રભસિમરને સેમ કરનના બોલ પર શાનદાર કેચ પકડ્યો હતો અને સૂર્યાને પેવેલિયન પરત ફરવું પડ્યું હતું. જોકે, આ ઈનિંગના આધારે મુંબઈ ઈન્ડિયન્સ 192 રન સુધી પહોંચી શક્યું હતું.

આ પણ વાંચો : IPL 2024 PBKS vs MI : મુંબઈ-પંજાબ મેચના ટોસમાં થયું કંઈક અજુગતું, વિવાદ બાદ લીધો આ નિર્ણય!