જેણે સસરા શાહિદ આફ્રિદીને છેતર્યા, હવે જમાઈ શાહિને તેની સાથે કરોડોનો કોન્ટ્રાક્ટ ફગાવી દીધો
શાહીન આફ્રિદીએ ઈંગ્લેન્ડની ધ હન્ડ્રેડ લીગ સાથેના સંબંધો તોડી નાખ્યા છે. તે છેલ્લી સિઝનમાં આ લીગમાં જોડાયો હતો અને વેલ્સ ફાયર ટીમ તરફથી રમતી વખતે તેણે 6 વિકેટ લીધી હતી. પરંતુ, આ વખતે તેણે પોતાના પરિવાર સાથે સમય પસાર કરવા માટે ધ હન્ડ્રેડમાં નહીં રમવાનો નિર્ણય કર્યો છે.
T20 વર્લ્ડ કપ 2024 વચ્ચે શાહીન આફ્રિદી સાથે જોડાયેલા એક સમાચાર સામે આવી રહ્યા છે. આ સમાચાર શાહીનના નવા કોન્ટ્રાક્ટના છે. પાકિસ્તાનના ફાસ્ટ બોલર કેનેડા ગ્લોબલ T20 લીગમાં રમી રહ્યા હોવાની ચર્ચા છે. ઈંગ્લેન્ડની લીગ ધ હન્ડ્રેડ સાથેનો કરાર સમાપ્ત કર્યા પછી શાહીન આફ્રિદી સાથે સંબંધિત આ નવો વિકાસ છે. શાહિને તેના પરિવાર સાથે સમય પસાર કરવાની જરૂરિયાત દર્શાવીને સતત બીજી સિઝનમાં ધ હન્ડ્રેડ સાથે રમવાનો ઈનકાર કર્યો હતો. તે ધ હન્ડ્રેડમાં વેલ્સ ફાયર ટીમનો ભાગ હતો.
શાહીન આફ્રિદી ‘ધ હન્ડ્રેડ’માં નહીં રમે
શાહીન આફ્રિદીએ ગયા વર્ષે ધ હન્ડ્રેડમાં તેની પ્રથમ સિઝન વેલ્સ ફાયર ટીમ સાથે રમી હતી. ત્યારબાદ તેણે 6 મેચમાં 6 વિકેટ ઝડપી હતી. પ્રથમ સિઝન રમ્યા બાદ, વેલ્સ ફાયર ટીમે તેને આ વર્ષની સિઝન માટે પણ રિટેન કર્યો હતો. આ માટે તેણે શાહીનને 1 કરોડ 66 લાખ રૂપિયાથી વધુનો પગાર પણ આપ્યો હતો. પરંતુ, શાહીને આ કરાર તોડવાનો અને વર્ષ 2024માં ધ હન્ડ્રેડ લીગમાં નહીં રમવાનો નિર્ણય લીધો છે. ECBએ પણ હવે ધ હન્ડ્રેડથી તેના અલગ થવાને મંજૂરી આપી દીધી છે.
વેલ્સ ફાયર સાથે ન રમવાનું દુઃખ વ્યક્ત કર્યું
ધ હન્ડ્રેડ છોડ્યા બાદ શાહીન આફ્રિદીએ નિવેદન જાહેર કર્યું છે. તેણે કહ્યું છે કે તે આ વર્ષે વેલ્સ ફાયર માટે નહીં રમવાથી દુઃખી છું. છેલ્લી સિઝન ખૂબ જ મજેદાર હતી. રમવાની મજા આવી. શાહીને પોતાના નિવેદનમાં ખાસ કરીને વેલ્સ ફાયર કોચ માઈક હસ્સીનો ઉલ્લેખ કર્યો હતો. અને 2024 સિઝન માટે ટીમને શુભેચ્છા પાઠવી હતી.
શાહીન કેનેડા ગ્લોબલ T20 લીગમાં જોડાઈ શકે
ધ હન્ડ્રેડથી અલગ થયા બાદ શાહીન શાહ આફ્રિદી હવે કેનેડા ગ્લોબલ T20 લીગની આગામી સિઝનમાં રમવાના અહેવાલ છે. આ માટે તેમની વાતચીત પણ ચાલી રહી છે. મતલબ તેના રમવા અંગે હજી કોઈ ઓફિશિયલ જાહેરાત નથી થઈ.
શાહિદ આફ્રિદીએ લગાવ્યો આરોપ
કેનેડા ગ્લોબલ T20 એ જ ક્રિકેટ લીગ છે જેના ફ્રેન્ચાઈઝી માલિકોએ શાહીનના સસરા એટલે કે શાહિદ આફ્રિદી પર બાકી રકમ ન ચૂકવવાનો આરોપ લગાવ્યો હતો. શાહિદ આફ્રિદીએ પોતાના એક્સ હેન્ડલ પર લખીને આ વાતને સાર્વજનિક કરી હતી, જેમાં તેણે ICCને ટેગ પણ કર્યું હતું. શાહિદ આફ્રિદીના જણાવ્યા અનુસાર, લીગ ફ્રેન્ચાઈઝીએ તેના સહિત ઘણા ખેલાડીઓના બાકી લેણાં ચૂકવ્યા નથી. આવી સ્થિતિમાં, તે જોવું ખૂબ જ રસપ્રદ છે કે તેનો જમાઈ એટલે કે શાહિન આફ્રિદી હવે આ લીગ સાથે જોડાય છે કે નહીં.
આ પણ વાંચો : T20 વર્લ્ડ કપ 2024: આતંકવાદી હુમલાની સંભાવના સહિત અનેક વાતો પર રોહિત શર્માનું મોટું નિવેદન
Latest News Updates
