એશિયા કપ 2025 પહેલા રોહિત-શુભમન સહિત આ ખેલાડીઓ ફિટનેસ ટેસ્ટ માટે બેંગલુરુ પહોંચ્યા
ટીમ ઈન્ડિયાના ઘણા ખેલાડીઓ ફિટનેસ ટેસ્ટ માટે બેંગલુરુના BCCI સેન્ટર ઓફ એક્સેલન્સ (CoE) પહોંચ્યા છે. આ યાદીમાં રોહિત શર્મા, શુભમન ગિલ અને જસપ્રીત બુમરાહ જેવા સ્ટાર ખેલાડીઓના નામ શામેલ છે. આગામી દિવસોમાં આ સ્ટાર ખેલાડીઓના ફિટનેસ ટેસ્ટનું રિઝલ્ટ આવશે.
ભારતીય ટેસ્ટ કેપ્ટન અને T20 વાઈસ-કેપ્ટન શુભમન ગિલ એશિયા કપ 2025ની તૈયારીઓ અને ફિટનેસ ટેસ્ટ માટે બેંગલુરુમાં BCCI સેન્ટર ઓફ એક્સેલન્સ (CoE) પહોંચ્યા છે. ગિલની સાથે, ODI કેપ્ટન રોહિત શર્મા અને ફાસ્ટ બોલર મોહમ્મદ સિરાજ પણ પ્રી-સિઝન ફિટનેસ ટેસ્ટ માટે CoE પહોંચ્યા છે. ભારતીય ટીમના સભ્યો 9 સપ્ટેમ્બરે UAE સામે ટુર્નામેન્ટના પ્રથમ મેચની તૈયારી માટે 4 સપ્ટેમ્બરે દુબઈમાં ભેગા થશે.
રોહિત શર્માએ ફિટનેસ ટેસ્ટ આપ્યો
T20 અને ટેસ્ટ ક્રિકેટમાંથી નિવૃત્તિ લઈ ચૂકેલો 38 વર્ષીય રોહિત શર્મા પણ ફિટનેસ ટેસ્ટ માટે CoE પહોંચ્યો છે. આ પ્રક્રિયા રવિવાર સુધીમાં પૂર્ણ થઈ શકે છે, અને એ જોવું રસપ્રદ રહેશે કે રોહિત, જે હવે ફક્ત ODI ફોર્મેટમાં રમે છે, નવી સિઝન કેવી રીતે શરૂ કરે છે. રોહિત ઓક્ટોબરમાં ઓસ્ટ્રેલિયા સામેની ODI શ્રેણી માટે ઓસ્ટ્રેલિયાનો પ્રવાસ કરી શકે છે. આ ફિટનેસ ટેસ્ટ દરમિયાન, ખેલાડીઓએ બ્રોન્કો ટેસ્ટ અને યો-યો ટેસ્ટમાંથી પસાર થવું પડશે. અહેવાલો અનુસાર, ખેલાડીઓના પહેલા દિવસના ટેસ્ટ કરવામાં આવ્યા છે. બીજા દિવસના ટેસ્ટ રવિવારે લેવામાં આવશે અને ત્યારબાદ પરિણામો બહાર આવશે.
ગિલ-બુમરાહ બેંગલુરુ પહોંચ્યા
ગિલને તાજેતરમાં વાયરલ ફીવરને કારણે ચાલી રહેલી દુલીપ ટ્રોફી ક્વાર્ટર ફાઈનલમાં ઈસ્ટ ઝોન સામે નોર્થ ઝોનની કેપ્ટનશીપ છોડી દેવી પડી હતી. તે ચંદીગઢમાં તેના ઘરે આ બીમારીમાંથી સ્વસ્થ થઈ રહ્યો હતો અને હવે સંપૂર્ણ સ્વસ્થ થયા પછી બેંગલુરુ પહોંચી ગયો છે. આ વખતે ખેલાડીઓ અલગ-અલગ જગ્યાએથી દુબઈ પહોંચશે, જે પહેલાની પરંપરાથી અલગ છે. પહેલા આખી ટીમ મુંબઈથી એકસાથે મુસાફરી કરતી હતી. એવી શક્યતા છે કે ગિલ બેંગલુરુથી સીધો દુબઈ જઈ શકે છે. બીજી તરફ, એશિયા કપ રમવા જઈ રહેલો ફાસ્ટ બોલર જસપ્રીત બુમરાહ પણ ટેસ્ટ માટે પહોંચી ગયા છે.
આ ખેલાડીઓ પણ CoE પહોંચ્યા
ગિલ ઉપરાંત, વિકેટકીપર-બેટ્સમેન જીતેશ શર્મા પણ ટુર્નામેન્ટ પહેલાની તૈયારીઓ માટે CoE પહોંચી ગયો છે. શાર્દુલ ઠાકુર પણ ટૂંક સમયમાં પ્રી-સિઝન ટેસ્ટ માટે CoE ગયો છે. શાર્દુલ ઠાકુર દુલીપ ટ્રોફી સેમિફાઈનલમાં વેસ્ટ ઝોનનું નેતૃત્વ કરશે, જ્યારે એશિયા કપ માટે સ્ટેન્ડબાય લિસ્ટમાં રહેલા જયસ્વાલ અને સુંદર પણ ઘરેલુ સિઝનની છેલ્લી ચાર મેચોમાં ભાગ લેશે.
આ પણ વાંચો: ICC Rule Book EP 32: ક્રિકેટમાં બોલ્ડ અંગે શું છે ICCનો નિયમ?
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
