IPL 2024 : MI માં રોહિત શર્માની છેલ્લી સિઝન? આ ખેલાડીએ અંતિમ મેચ પહેલા માંગ્યો ઓટોગ્રાફ, ફેન્સની વધી ચિંતા
મુંબઈ ઈન્ડિયન્સના ચાહકોને ડર છે કે રોહિત શર્મા IPLની આગામી સિઝનમાં ટીમનો ભાગ નહીં બને. લખનૌ સુપર જાયન્ટ્સ સામેની મેચ પહેલા બનેલી એક ઘટનાએ મુંબઈ ઈન્ડિયન્સના ફેન્સનો ડર વધારી દીધો છે. સિઝનની મુંબઈની આ અંતિમ મેચ છે અને તે પણ તેમના હોમ ગ્રાઉન્ડ પર હોમ ક્રાઉડ સામે. એવામાં MIના જ એક ખેલાડીનો રોહિત શર્માનો ઓટોગ્રાફ માંગતો વીડિયો વાયરલ થતા ફેન્સની ચિંતા વધી ગઈ હતી.
મુંબઈ ઈન્ડિયન્સ શુક્રવારે 17 મેના રોજ IPL 2024ની તેમની છેલ્લી મેચ રમવા માટે વાનખેડે આવી હતી. લખનૌ સુપર જાયન્ટ્સ સામેની આ મેચ પહેલા કંઈક એવું થયું જેણે MI ચાહકોને દુઃખી કરી દીધા. વાસ્તવમાં, મેચ શરૂ થતા પહેલા મુંબઈ ઈન્ડિયન્સના એક ખેલાડીએ રોહિતનો ઓટોગ્રાફ માંગ્યો હતો. આ ઘટનાએ ફરી એકવાર તેના મુંબઈ ઈન્ડિયન્સ છોડવાના સમાચારને વેગ આપ્યો છે. જેના કારણે મુંબઈના ફેન્સ ખૂબ જ ઉદાસ દેખાઈ રહ્યા છે.
રોમારિયો શેફર્ડે રોહિત શર્માનો ઓટોગ્રાફ માંગ્યો
રોહિત શર્મા માટે મુંબઈ ઈન્ડિયન્સના ચાહકોની ભાવનાઓ ખૂબ જ મજબૂત છે. રોહિતે પોતાની કેપ્ટનશિપ હેઠળ ટીમ માટે 5 ટ્રોફી જીતીને ચાહકોની ખુશીઓ ભરી દીધી. બદલામાં, ચાહકોએ તેને ઘણો પ્રેમ અને સન્માન આપ્યું. ‘હિટમેન’એ માત્ર ચાહકોમાં જ નહીં પરંતુ તેના ખેલાડીઓમાં પણ આ પ્રેમ અને સન્માન મેળવ્યું છે. એટલા માટે ફેન્સની સાથે મુંબઈના ખેલાડીઓ પણ તેના ઓટોગ્રાફ માટે બેતાબ છે. IPL 2024માં પોતાની છેલ્લી મેચ રમી રહેલા રોમારીયો શેફર્ડે તેને એક નાનું બેટ આપ્યું અને તેના ઓટોગ્રાફ માટે વિનંતી કરી. રોહિતે તરત જ બેટ પર સહી કરી લીધી.
MI માં રોહિતની છેલ્લી સિઝન?
રોમારિયો શેફર્ડ વેસ્ટ ઈન્ડિઝનો ઓલરાઉન્ડર છે. તેની T20 વર્લ્ડ કપની ટીમમાં પણ પસંદગી કરવામાં આવી છે. આવી સ્થિતિમાં તેને ઓટોગ્રાફ માંગતો જોઈને ફેન્સ ફરી એક વખત અટકળો લગાવવા લાગ્યા છે. તેમને એવું લાગવા લાગ્યું છે કે મુંબઈ ઈન્ડિયન્સમાં પૂર્વ કેપ્ટન માટે આ છેલ્લી સિઝન છે અને તે આ ટીમ માટે છેલ્લી સિઝન રમી રહ્યો છે. આ કારણે તે એકદમ ઉદાસ પણ દેખાઈ રહ્યો હતો.
Romario Shepherd taking Autograph from Rohit Sharma. pic.twitter.com/Yawe3d6yqw
— Jon | Michael | Tyrion (@tyrion_jon) May 17, 2024
રોહિતના KKRમાં જોડાવાની અફવા
આખી સિઝનમાં રોહિત વિશે સમાચાર આવ્યા છે. ઘણી વખત એવો દાવો કરવામાં આવ્યો છે કે હાર્દિક અને મુંબઈ ઈન્ડિયન્સના મેનેજમેન્ટ વચ્ચે કંઈક સારું નથી ચાલી રહ્યું અને તે આગામી સિઝનમાં કોઈ અન્ય ફ્રેન્ચાઈઝી માટે રમશે. કોલકાતા નાઈટ રાઈટર્સના વીડિયો પર સૌથી વધુ હોબાળો થયો હતો, જેને શેર કરતી વખતે ચાહકો દાવો કરી રહ્યા હતા કે રોહિત KKRમાં જોડાવાની વાત કરી રહ્યો હતો. હવે આ ઘટનાએ ફરી એકવાર આ ડર વધારી દીધો છે.
આ પણ વાંચો : IPL 2024 RCB vs CSK : વરસાદ પડે તો પણ બેંગલુરુ પ્લેઓફમાં કેવી રીતે પહોંચશે? અહીં સમજો આખું સમીકરણ
