MI vs CSK: IPL ના ઈતિહાસમાં મુંબઈ ઈન્ડિયન્સની આટલી ખરાબ હાલત ક્યારેય નથી થઈ, CSK એ બતાવ્યો સૌથી ખરાબ દિવસ

IPL 2026માં રનોના હિસાબે સૌથી મોટી જીતનો રેકોર્ડ મુંબઈ ઈન્ડિયન્સના નામે છે. 2017માં મુંબઈએ દિલ્હીને 146 રનથી હરાવી હતી. ટીમ લીગમાં ત્રણવાર 100 થી વધુ રનોના અંતરથી જીતી હતી. અત્યાર સુધી એવુ હતુ કે મુંબઈની ટીમ લીગમાં ક્યારેય પણ 100 થી વધુ રનોના અંતરથી હારી ન હતી. IPL 2026 માં આ રેકોર્ડ પણ તૂટી ગયો. ચેન્નાઈ સુપર કિંગ્સે મુંબઈ ઈન્ડિયન્સને તેના જ હોમગ્રાઉન્ડ વાનખેડે સ્ટેડિયમમાં 103 રનના મોટા અંતરથી હરાવી છે.

આ IPL ના ઈતિહાસમાં રનોના હિસાબે મુંબઈ ઈન્ડિયન્સની આ સૌથી મોટી હાર છે. સાથે જ ચેન્નાઈ સુપર કિંગ્સ ની સૌથી જીત પણ છે. આ પહેલા મુંબઈ ઈન્ડિયન્સની સૌથી મોટી હાર 87 રનની હતી. વર્ષ 2013માં જયપુરમાં રમાયેલા મુકાબલામાં રાજસ્થાન રોયલ્સે તેને 87 રનથી હરાવી હતી. જ્યારે તેના હોમગ્રાઉન્ડ વાનખેડે સ્ટેડિયમ પર મુંબઈની સૌથી મોટી હાર માત્ર 39 રનોની હતી. વર્ષ 2015ની સીઝનમાં RCB એ તેને આ હાર આપી હતી.

IPL માં રનોના હિસાબે મુંબઈ ઈન્ડિયન્સની સૌથી મોટી હાર

• 103 vs CSK, વાનખેડે, 2026
• 87 vs RR, જયપુર, 2013
• 85 vs SRH, વિશાખાપટ્ટનમ, 2016
• 76 vs KXIP, મોહાલી, 2011
• 66 vs KXIP, મોહાલી, 2008

ચેન્નાઈ સુપર કિંગ્સની ટીમ પ્રથમવાર 100 થી વધુ રનોથી IPL માં જીતી છે. વર્ષ 2015 ની સીઝનમાં પંજાબ વિરુદ્ધ ચેન્નાઈને તેના ઘરેલુ મેદાન ચેપૉક સ્ટેડિયમમાં 97 રનોથી જીત મળી હતી.

ચેન્નાઈ સુપર કિંગ્સની IPL માં સૌથી વધુ રનોથી જીત

• 103 vs MI, વાનખેડે, 2026
• 97 vs KXIP, ચેન્નાઈ, 2015
• 93 vs DD, અબૂધાબી, 2014
• 92 vs RCB, ગકેબેર્હા, 2009
• 91 vs DC, DY પાટિલ, 2022

મુંબઈ સામે CSK સૌથી સફળ ટીમ

વાનખેડેના મેદાન પર મળેલી ધમાકેદાર જીત સાથે જ CSK IPLમાં MI સામે સર્વાધિક જીત નોંધાવનારી ટીમ બની ગઈ છે. ચેન્નાઈ સુપર કિંગ્સે મુંબઈ ઈન્ડિયન્સ વિરુદ્ધ આ 40 માં મુકાબલામાં 19 મી જીત મેળવી છે. ઋતુરાજ ગાયકવાડની કેપ્ટન્સીમાં CSK એ પંજાબ કિંગ્સન રેકોર્ડ તોડી નાખ્યો છે. પંજાબ કિંગ્સે MI વિરુદ્ધ 35 મુકાબલામાં 18 માં જીત મેળવી છે. ચેન્નાઈ સુપર કિંગ્સને મળેલા 208 રનોવા લક્ષ્યને ચેઝ કરતા મુંબઈ ઈન્ડિયન્સની પુરી ટીમ 19 ઓવરમાં 104 રન બનાવીને જ ઓલઆઉટ થઈ ગઈ.

ભારતને નર્ક કહેવાની ટ્રમ્પની લવારીનો ઈરાને આપ્યો જવાબ, કહ્યુ “ક્યારેક ભારત આવીને જુએ પછી…..”