IPL 2026 : બની ગયો મહા રેકોર્ડ, શુભમન ગિલે વિરાટ કોહલીને પછાડ્યો, જુઓ
IPL 2026 માં શુભમન ગિલે ઇતિહાસ રચ્યો, 118 ઇનિંગ્સમાં 4000 રન પૂરા કરીને વિરાટ કોહલીનો રેકોર્ડ તોડ્યો. ગુજરાત ટાઇટન્સના કેપ્ટને લખનૌ સામે શાનદાર અડધી સદી ફટકારી આ સિદ્ધિ મેળવી.
Shubman Gill 4000 IPL Runs: IPL 2026 ની 19મી મેચમાં ગુજરાત ટાઇટન્સના કેપ્ટન Shubman Gill એ લખનૌ સુપર જાયન્ટ્સ સામે શાનદાર અને જવાબદાર ઇનિંગ રમી. 165 રનના લક્ષ્યનો પીછો કરતા ગિલે અડધી સદી ફટકારી અને પોતાની ટીમને મજબૂત સ્થિતિમાં પહોંચાડી. આ ઇનિંગ દરમિયાન તેણે પોતાની IPL કારકિર્દીમાં 4,000 રનનો આંકડો પાર કરીને એક મહત્વપૂર્ણ સિદ્ધિ મેળવી.
આ સિદ્ધિ સાથે ગિલે Virat Kohli નો મોટો રેકોર્ડ પણ પાછળ છોડ્યો. ગિલે ફક્ત 118 ઇનિંગ્સમાં 4,000 રન પૂરા કર્યા, જ્યારે કોહલીએ આ મુકામ સુધી પહોંચવા માટે 128 ઇનિંગ્સ લીધી હતી. આથી ગિલ હવે ભારતીય બેટ્સમેનોમાં બીજા નંબરનો સૌથી ઝડપી ખેલાડી બની ગયો છે, જ્યારે પ્રથમ સ્થાને KL Rahul છે.
બોલની દ્રષ્ટિએ પણ ગિલનું પ્રદર્શન પ્રશંસનીય રહ્યું છે. તેણે માત્ર 2875 બોલમાં 4,000 રન પૂર્ણ કર્યા, જે ભારતીયોમાં બીજો શ્રેષ્ઠ રેકોર્ડ છે. આ યાદીમાં ટોચ પર Suryakumar Yadav છે, જેણે 2714 બોલમાં આ સિદ્ધિ હાંસલ કરી હતી. ગિલ પછી Suresh Raina અને MS Dhoni જેવા દિગ્ગજ ખેલાડીઓ આવે છે.
ગિલની આ સતત સારો પ્રદર્શન દર્શાવે છે કે તે આજના સમયમાં IPLના સૌથી વિશ્વસનીય અને પ્રતિભાશાળી બેટ્સમેનોમાંનો એક બની ગયો છે. તેની કેપ્ટનશીપ અને બેટિંગ બંને ગુજરાત ટાઇટન્સ માટે મહત્વપૂર્ણ સાબિત થઈ રહી છે, અને આવનારા મેચોમાં તેની પાસેથી વધુ મોટી ઇનિંગ્સની અપેક્ષા રહેશે.
Breaking News : IPL 2026માં Live મેચમાં Rajasthan Royals ના મેનેજરે ચલાવ્યો ફોન
