Breaking News : IPL 2026માં Live મેચમાં Rajasthan Royals ના મેનેજરે ચલાવ્યો ફોન, શું થશે સજા ? BCCI એ જણાવ્યું

IPL 2026 દરમિયાન Rajasthan Royals ના મેનેજર રોમી ભીંડર એક મોટા વિવાદમાં ફસાયા છે. લાઈવ મેચ દરમિયાન તેઓ ટીમના ડગઆઉટમાં મોબાઈલ ફોનનો ઉપયોગ કરતા જોવા મળ્યા હતા. આ ઘટના ટીવી કેમેરામાં કેદ થઈ ગઈ હતી અને ત્યારબાદ સોશિયલ મીડિયા પર તેનો વીડિયો ઝડપથી વાયરલ થયો હતો.

આ ઘટના Indian Premier League 2026 માં Royal Challengers Bangalore સામે રમાયેલી મેચ દરમિયાન બની હતી, જેમાં રાજસ્થાન રોયલ્સે શાનદાર જીત મેળવી હતી. જોકે, જીત છતાં આ ઘટનાએ નવા વિવાદને જન્મ આપ્યો છે.

ડગઆઉટમાં ફોન રાખવાની મંજૂરી હોય

આ મામલે Board of Control for Cricket in India ના સેક્રેટરી દેવજીત સાઈકિયાએ જણાવ્યું છે કે ઘટનાની સંપૂર્ણ તપાસ કરવામાં આવશે. તેમણે કહ્યું કે કેટલીક ટીમ અધિકારીઓને ડગઆઉટમાં ફોન રાખવાની મંજૂરી હોય છે, પરંતુ તેનો ઉપયોગ કરવાની મંજૂરી નથી. તેમણે સ્પષ્ટતા કરી કે કોઈપણ કાર્યવાહી કરતાં પહેલા સમગ્ર મામલાની આંતરિક તપાસ જરૂરી છે.

હાલમાં આ મુદ્દો IPL ગવર્નિંગ કાઉન્સિલ સુધી પહોંચ્યો નથી, પરંતુ BCCI દ્વારા તપાસ ઝડપી ગતિએ આગળ વધી રહી છે. આવનારા દિવસોમાં રાજસ્થાન રોયલ્સનો મુકાબલો Sunrisers Hyderabad સામે થવાનો હોવાથી બોર્ડ ટૂંક સમયમાં નિર્ણય લે તેવી શક્યતા છે.

યુવા ખેલાડી વૈભવ સૂર્યવંશી પણ ફોન સ્ક્રીન તરફ જોતા નજરે પડ્યા

આ વિવાદનું મુખ્ય કારણ PMOA (Players and Match Officials Area) પ્રોટોકોલ છે, જે ડગઆઉટ વિસ્તારમાં મોબાઈલ ફોનના ઉપયોગ પર સખત પ્રતિબંધ મૂકે છે. આ નિયમ ભ્રષ્ટાચાર વિરોધી દ્રષ્ટિએ ખૂબ જ મહત્વપૂર્ણ માનવામાં આવે છે. વીડિયોમાં રોમી ભીંડર ફોન વાપરતા જોવા મળ્યા હતા અને તેમની નજીક યુવા ખેલાડી વૈભવ સૂર્યવંશી પણ ફોન સ્ક્રીન તરફ જોતા નજરે પડ્યા હતા.

હવે મેચ રેફરીના રિપોર્ટ અને એન્ટી કરપ્શન યુનિટ (ACU) ના ઇનપુટના આધારે તપાસ આગળ વધશે. BCCI ફોન જપ્ત કરીને તેની તપાસ કરી શકે છે, નજીકના ખેલાડીઓની પૂછપરછ કરી શકે છે અને અન્ય પુરાવાઓ પણ ચકાસી શકે છે. ઉલ્લંઘનની ગંભીરતા મુજબ દંડ, સસ્પેન્શન અથવા અન્ય કાર્યવાહી થઈ શકે છે.

15 વર્ષીય સ્ટાર બેટ્સમેન વૈભવ સૂર્યવંશી એક મેચના કેટલા રૂપિયા લે છે?