IPL 2024 : RCBએ છેલ્લી મેચ પહેલા ધોનીને આપ્યો ‘કપ’, માહીએ માંગી ‘ચા’

IPL 2024માં ચેન્નાઈ સુપર કિંગ્સ અને રોયલ ચેલેન્જર્સ બેંગલુરુ વચ્ચે 18 મેના રોજ મોટી મેચ રમાશે. બંને ટીમો પ્લેઓફની રેસમાં છે અને આ મેચને નોકઆઉટ તરીકે જોવામાં આવી રહી છે. આ સિવાય CSK અને RCB વચ્ચેની હરીફાઈની સાથે ભારતના બે મોટા ક્રિકેટ સ્ટાર મહેન્દ્ર સિંહ ધોની અને વિરાટ કોહલી પણ આમને-સામને થશે. આવી સ્થિતિમાં ચાહકો આ મેચની આતુરતાથી રાહ જોઈ રહ્યા છે. પરંતુ આ મેચ પહેલા ધોની બેંગલુરુના ડ્રેસિંગ રૂમમાં આવ્યો હતો. ત્યારે RCB સ્ટાફે તેનું ખાસ ‘કપ’ સાથે સ્વાગત કર્યું હતું, જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

ધોની RCB ડ્રેસિંગ રૂમમાં કેમ ગયો?

ચાહકોના મનમાં આ સવાલ ઉઠતો જ હશે કે ધોનીને RCBએ કયો કપ આપ્યો છે. 18 મેના રોજ ચેન્નાઈ સુપર કિંગ્સ અને રોયલ ચેલેન્જર્સ બેંગલુરુ IPL 2024માં ગ્રુપ સ્ટેજની તેમની છેલ્લી મેચ રમશે. આ માટે ધોની સહિત CSKની આખી ટીમ બેંગલુરુ પહોંચી ગઈ છે. હવે RCBએ ધોનીના સ્વાગતનો એક વીડિયો શેર કર્યો છે, જેમાં ચેન્નાઈ સુપર કિંગ્સનો પૂર્વ કેપ્ટન રોયલ ચેલેન્જર્સ બેંગલુરુ પાસેથી ચા માંગતો જોવા મળે છે. ચા પ્રત્યેનો આ પ્રેમ અને સાદગી જોઈને આસપાસના બધા હસવા લાગે છે. RCB સ્ટાફ તેને ચાનો કપ આપે છે અને ‘માહી’ પરત ફરે છે. મહેન્દ્ર સિંહ ધોનીના ફેન્સને ખબર જ હશે કે તેને ચા પીવી કેટલી પસંદ છે. આ પસંદગીનો ઉલ્લેખ તે પહેલા પણ અનેક ઈન્ટરવ્યુમાં કરી ચૂક્યો છે.

ચાહકોએ આ રીતે પ્રતિક્રિયા આપી

મહેન્દ્ર સિંહ ધોનીનો આ વીડિયો જોયા બાદ વિરાટ કોહલી અને મહેન્દ્ર સિંહ ધોનીના ફેન્સ ખૂબ જ ખુશ દેખાતા હતા. બધા ધોની અને વિરાટને ફરી એકવાર મેદાન પર જોવા માટે 18 મેની રાહ જોઈ રહ્યા છે. બેંગલુરુના ચાહકોએ ધોનીનું સ્વાગત કર્યું પરંતુ કહ્યું કે આ વખતે ‘માહી’ માત્ર એક કપ ચા સાથે જ મેનેજ કરે.

View this post on Instagram

A post shared by Royal Challengers Bengaluru (@royalchallengers.bengaluru)

18મી મેના રોજ RCB અને CSK વચ્ચે ટક્કર

બેંગલુરુના ચાહકો તેમની ટીમને આ શાનદાર મેચ જીતીને પ્લેઓફમાં પ્રવેશતા જોવા માંગે છે. આ સિવાય તેને વિરાટ પાસેથી મોટી ઈનિંગની પણ આશા છે. આંકડાઓ જોતા લાગે છે કે વિરાટ ફેન્સને નિરાશ નહીં કરે. તમને જણાવી દઈએ કે 18 મેના રોજ RCBએ CSK સામે બે મેચ રમી હતી અને બંનેમાં જીત મેળવી હતી. આ સિવાય વિરાટે આ તારીખે 3 ઈનિંગ્સ રમી છે, જેમાં તેણે 2 સદી અને એક અડધી સદી ફટકારી છે. આ સિઝનમાં તે શાનદાર ફોર્મમાં છે અને તેણે 661 રન બનાવ્યા છે. પરંતુ બેંગલુરુ સામે ધોનીનો રેકોર્ડ પણ ઓછો નથી. તેણે RCB સામે 35 મેચમાં 140ના સ્ટ્રાઈક રેટથી 839 રન બનાવ્યા છે. આવી સ્થિતિમાં તે ફરી એકવાર સિક્સરનો વરસાદ કરી શકે છે.

આ પણ વાંચો : શિખર ધવનને મળ્યું નવું કામ, 50 સેકન્ડના વીડિયોમાં થયો મોટો ખુલાસો