IPL 2024 DC vs SRH: હૈદરાબાદે દિલ્હીને 67 રનથી હરાવ્યું, નટરાજનને ચાર વિકેટ મળી
ઈન્ડિયન પ્રીમિયર લીગની 17મી સિઝનમાં આજે 35માં મુકાબલામાં દિલ્હી કેપિટલ્સનો સામનો સનરાઈઝર્સ હૈદરાબાદ સામે છે. મેચ પહેલા બંને ટીમના કપ્તાનો વચ્ચે ટોસ યોજાયો હતો, જેમાં દિલ્હીના કેપ્ટન રિષભ પંતે ટોસ જીતી બોલિંગ પસંદ કરી હતી અને હૈદરાબાદને પહેલા બેટિંગ કરવાનું આમંત્રણ આપ્યું હતું.
ઈન્ડિયન પ્રીમિયર લીગની 17મી સિઝનમાં આજે 35માં મુકાબલામાં દિલ્હી કેપિટલ્સનો સામનો સનરાઈઝર્સ હૈદરાબાદ સામે છે. મેચ પહેલા બંને ટીમના કપ્તાનો વચ્ચે ટોસ યોજાયો હતો, જેમાં દિલ્હીના કેપ્ટન રિષભ પંતે ટોસ જીતી બોલિંગ પસંદ કરી હતી અને હૈદરાબાદને પહેલા બેટિંગ કરવાનું આમંત્રણ આપ્યું હતું.
LIVE NEWS & UPDATES
-
હૈદરાબાદ સામે દિલ્હીની 67 રનથી હાર
સનરાઈઝર્સ હૈદરાબાદે બોલરો અને બેટ્સમેનોના શાનદાર પ્રદર્શનને કારણે દિલ્હી કેપિટલ્સને 67 રનથી હરાવ્યું હતું. પ્રથમ બેટિંગ કરતા હૈદરાબાદે ટ્રેવિસ હેડના 32 બોલમાં 89 રન, અભિષેક શર્માના 12 બોલમાં 46 રન અને શાહબાઝ અહેમદના 29 બોલમાં અણનમ 59 રનની મદદથી 20 ઓવરમાં સાત વિકેટે 266 રન બનાવ્યા હતા. જવાબમાં દિલ્હી માટે જેક ફ્રેઝર મેકગર્કે તોફાની ઇનિંગ રમી હતી અને 18 બોલમાં 65 રન બનાવ્યા હતા, પરંતુ તેના આઉટ થયા બાદ દિલ્હીનો દાવ ખોરવાઈ ગયો હતો અને ટીમ 19.1 ઓવરમાં 199 રન બનાવીને ઓલઆઉટ થઈ ગઈ હતી. દિલ્હી માટે કેપ્ટન રિષભ પંતે 35 બોલમાં 44 રન બનાવ્યા હતા. હૈદરાબાદ માટે ટી. નટરાજને ચાર ઓવરમાં 19 રન આપીને ચાર વિકેટ લીધી હતી.
-
નટરાજનને મળી ચોથી વિકેટ
દિલ્હી કેપિટલ્સનો દાવ ખોરવાઈ ગયો છે અને ટીમે 199 રનમાં નવ વિકેટ ગુમાવી દીધી છે. નટરાજને કુલદીપ યાદવને આઉટ કરીને દિલ્હીને નવમો ઝટકો આપ્યો હતો. કુલદીપ ખાતું ખોલાવ્યા વિના જ આઉટ થઈ ગયો હતો.
-
-
નટરાજને નોર્ટજેને પેવેલિયનમાં મોકલ્યો
ટી. નટરાજને શાનદાર બોલિંગ કરી અને એનરિચ નોર્ટજેને આઉટ કર્યો. આ રીતે દિલ્હીને આઠમો ઝટકો લાગ્યો છે. આ મેચમાં નટરાજનની આ ત્રીજી વિકેટ છે.
-
અક્ષર પટેલ આઉટ
ટી. નટરાજને અક્ષર પટેલને આઉટ કરીને દિલ્હી કેપિટલ્સને સાતમો ઝટકો આપ્યો હતો. અક્ષર આઠ બોલમાં છ રન બનાવીને આઉટ થયો હતો. જોકે પંત ક્રિઝ પર હાજર છે.
-
પંત ક્રિઝ પર ટક્યો
દિલ્હીનો કેપ્ટન ઋષભ પંત સનરાઇઝર્સ હૈદરાબાદ સામે સતત રમી રહ્યો છે. જોકે, દિલ્હીને 18 બોલમાં 79 રન કરવાના છે અને તેની ચાર વિકેટ બાકી છે. પંત 30 બોલમાં 35 રન અને અક્ષર પટેલ પાંચ બોલમાં ચાર રન બનાવીને રમી રહ્યો છે.
-
-
લલિત યાદવ પેવેલિયન પરત ફર્યો
ટી. નટરાજને લલિત યાદવને બોલ્ડ કરીને દિલ્હી કેપિટલ્સને છઠ્ઠો ઝટકો આપ્યો હતો. લલિત આઠ બોલમાં સાત રન બનાવીને આઉટ થયો હતો. 15 ઓવરના અંતે દિલ્હીએ છ વિકેટે 166 રન બનાવી લીધા છે અને તેને 30 બોલમાં 101 રન બનાવવાની જરૂર છે. હાલમાં, પંત 23 બોલમાં 19 રન બનાવીને ક્રિઝ પર હાજર છે.
-
દિલ્હીની પાંચમી વિકેટ પડી
13મી ઓવરમાં નીતીશ રેડ્ડીએ ટ્રસ્ટન સ્ટબ્સને આઉટ કરીને દિલ્હીને પાંચમો ઝટકો આપ્યો હતો. મેચ હવે સંપૂર્ણપણે હૈદરાબાદના ખોળામાં છે. અહીંથી દિલ્હીને હવે ચમત્કારની આશા છે, કારણ કે જરૂરી રન રેટ 15ને પાર કરી ગયો છે.
-
દિલ્હીનો સ્કોર 150ને પાર
દિલ્હી કેપિટલ્સનો સ્કોર 12 ઓવરમાં 4 વિકેટે 153 રન છે. દિલ્હીને હવે 48 બોલમાં જીતવા માટે 114 રન બનાવવાના છે. એટલે કે તેણે અહીંથી દરેક ઓવરમાં લગભગ 14 રન બનાવવા પડશે. ઋષભ પંત 14 બોલમાં 13 રન અને ટ્રુસ્ટન સ્ટબ્સ 10 બોલમાં 10 રન બનાવીને રમતમાં છે.
-
પોરેલ પેવેલિયન પરત ફર્યો
મયંક માર્કંડેએ અભિષેક પોરેલને આઉટ કરીને હૈદરાબાદને ચોથી સફળતા અપાવી હતી. પોરેલ 22 બોલમાં 42 રન બનાવીને આઉટ થયો હતો. આ મેચમાં માર્કંડેની આ બીજી વિકેટ છે. હવે કેપ્ટન ઋષભ પંત ક્રિઝ પર આવ્યો છે અને તેની સાથે ટ્રિસ્ટન સ્ટબ્સ હાજર છે. દિલ્હીએ નવ ઓવરના અંતે ચાર વિકેટે 136 રન બનાવ્યા છે. હવે તેણે 66 બોલમાં 131 રન બનાવવાના છે.
-
મેકગર્ક પેવેલિયન પરત ફર્યો
મયંક માર્કંડેએ મેકગર્કને આઉટ કરીને દિલ્હી કેપિટલ્સને ત્રીજો ઝટકો આપ્યો હતો. મેકગર્ક 18 બોલમાં 65 રન બનાવીને આઉટ થયો હતો. તેણે માત્ર 15 બોલમાં અડધી સદી ફટકારી હતી, જે આ IPLની સૌથી ઝડપી અડધી સદી છે. પોતાની ફિફ્ટી પૂરી કર્યા પછી મેકગર્કે મયંક માર્કન્ડેને નિશાન બનાવ્યો અને તેની ઓવરમાં ત્રણ સિક્સર ફટકારી, પરંતુ આ ઓવરના છેલ્લા બોલે તેની વિકેટ ગુમાવી દીધી.
-
મેકગર્કે અડધી સદી ફટકારી
દિલ્હી કેપિટલ્સના બેટ્સમેન મેકગર્કે શાનદાર બેટિંગ કરી અને 15 બોલમાં પોતાની અડધી સદી પૂરી કરી.
-
દિલ્હીની ઝડપી શરૂઆત
પ્રારંભિક આંચકો વચ્ચે, જેક ફ્રેઝર મેકગર્ક અને અભિષેક પોરેલે દિલ્હીની કમાન સંભાળી અને પાવરપ્લેમાં બંને બેટ્સમેનોએ જોરદાર બેટિંગ કરી. પાવરપ્લે સમાપ્ત થયા બાદ દિલ્હીએ બે વિકેટે 88 રન બનાવી લીધા છે. મેકગર્ક 13 બોલમાં 46 રન બનાવીને રમી રહ્યો છે.
-
પેટ કમિન્સે ઓવરમાં 20 રન બનાવ્યા
પેટ કમિન્સ પાંચમી ઓવર નાખવા આવ્યો હતો. આ ઓવરમાં ત્રણ ફોર અને એક સિક્સર આવી હતી. અભિષેક પોરેલ 9 બોલમાં ત્રણ ચોગ્ગાની મદદથી 15 રન અને જેક ફ્રેઝર મેકગર્ક 13 બોલમાં 46 રન બનાવીને રમી રહ્યો છે. તેણે 5 ફોર અને 4 સિક્સર ફટકારી છે. દિલ્હીને હવે 90 બોલમાં 186 રન બનાવવાના છે.
-
વોશિંગ્ટન સુંદરની ઓવરમાં 30 રન
જેક ફ્રેઝર-મેકગર્કે વોશિંગ્ટન સુંદરની ઓવરમાં 3 સિક્સ અને 3 ફોર ફટકારી હતી. તે 10 બોલમાં 35 રન સુધી પહોંચી ગયો છે. 3 ઓવર પછી દિલ્હી કેપિટલ્સનો સ્કોર 2 વિકેટે 55 રન છે.
-
દિલ્હીની બીજી વિકેટ પડી
આ મેચમાં ઈજા બાદ પરત ફરી રહેલા ડેવિડ વોર્નરના રૂપમાં દિલ્હીને બીજો ઝટકો લાગ્યો હતો. તે માત્ર એક રન બનાવી શક્યો હતો. અભિષેક પોરેલ ચોથા નંબર પર બેટિંગ કરવા આવ્યો હતો. જેક ફ્રેઝર મેકગર્ક તેને સપોર્ટ કરવા માટે ક્રિઝ પર હાજર છે.
-
પૃથ્વી શૉ 4 ચોગ્ગા ફટકારીને આઉટ
સનરાઇઝર્સ હૈદરાબાદ તરફથી વોશિંગ્ટન સુંદર પ્રથમ ઓવર નાખવા આવ્યો હતો. પૃથ્વી શૉએ આ ઓવરના પહેલા ચાર બોલ પર 4 ચોગ્ગા ફટકાર્યા હતા. જોકે તે પછી તે આઉટ થઈ ગયો હતો. અબ્દુલ સમદે તેનો કેચ પકડ્યો હતો. એક ઓવર પછી દિલ્હી કેપિટલ્સનો સ્કોર એક વિકેટે 16 રન છે.
-
દિલ્હીને જીતવા 267 રનનો ટાર્ગેટ
શાહબાઝ અહેમદે અંતિમ બે બોલમાં 10 રન ફટકાર્યા, અંતિમ બોલ પર જોરદાર સિક્સર ફટકારી, સૌથી વધુ સિક્સરની ટીમનો રેકોર્ડ બન્યો, દિલ્હીને જીતવા 267 રનનો ટાર્ગેટ
-
અબ્દુલ સમદ આઉટ
અબ્દુલ સમદ 13 રન બનાવી આઉટ, મુકેશ કુમારે લીધી વિકેટ
-
19 મી ઓવરમાં 200 નો સ્કોર પાર
દિલ્હીમાં હૈદરાબાદની આતિશબાજી, 19 મી ઓવરમાં 200 નો સ્કોર પાર, શાહબાઝ અહેમદે જોરદાર સિક્સર ફટકારી
-
કુલદીપ યાદવની ચોથી વિકેટ
દિલ્હીમાં હૈદરાબાદની આતિશબાજી, નીતિશ રેડ્ડી 37 રન બનાવી થયો આઉટ, કુલદીપ યાદવની ચોથી વિકેટ
-
15 ઓવરમાં 200 રન પૂર્ણ
દિલ્હીમાં હૈદરાબાદની આતિશબાજી, 15 ઓવરમાં 200 રન પૂર્ણ, શાહબાઝ અહેમદે અક્ષર પટેલને જોરદાર સિક્સર ફટકારી
-
અક્ષર પેટેલે લીધી વિકેટ
અક્ષર પેટેલે લીધી ક્લાસેનની વિકેટ, બે બોલમાં બે ખતરનાક બેટ્સમેન થયા આઉટ
-
ટ્રેવિસ હેડ સદી ચૂકી ગયો
દિલ્હીમાં હૈદરાબાદની આતિશબાજી, ટ્રેવિસ હેડ સદી ચૂકી ગયો, 32 બોલમાં 89 રન બનાવી આઉટ
-
કુલદીપે લીધી બીજી વિકેટ
કુલદીપે લીધી બીજી વિકેટ, માર્કરામ થયો સસ્તામાં આઉટ, દિલ્હીને બે વિકેટ મળી
-
અભિષેક શર્મા 12 બોલમાં 46 રન બનાવી આઉટ
દિલ્હીમાં હૈદરાબાદની આતિશબાજી, ટ્રેવિસ હેડની ધમાકેદાર ફિફ્ટી, અભિષેક શર્મા 12 બોલમાં 46 રન બનાવી આઉટ, કુલદીપ યાદવે લીધી વિકેટ, અક્ષર પટેલે લીધો દમદાર કેચ.
-
પાવરપ્લેમાં હૈદરબાદે રચ્યો ઈતિહાસ
ટ્રેવિસ હેડે મુકેશ કુમારની ઓવરમાં 22 રન ફટકાર્યા, 4 ચોગ્ગા 1 સિક્સર ફટકારી. પાવરપ્લેમાં હૈદરબાદે રચ્યો ઈતિહાસ. સૌથી વધુ 125 રન ફટકાર્યા
-
પાંચ ઓવરમાં હૈદરાબાદના 100 રન પૂર્ણ
પાંચ ઓવરમાં હૈદરાબાદના 100 રન પૂર્ણ, કુલદીપને હેડ-અભિષેકે 20 રન ફટકાર્યા, ત્રણ સિક્સર ફટકારી
-
ચોથી ઓવરમાં 21 રન ફટકાર્યા
ટ્રેવિસ હેડ અને અભિષેક શર્માએ ચોથી ઓવરમાં 21 રન ફટકાર્યા, દિલ્હીમાં હૈદરાબાદની જોરદાર ફટકાબાજી
-
ટ્રેવિસ હેડની જોરદાર ફિફ્ટી
ટ્રેવિસ હેડની જોરદાર ફિફ્ટી, માત્ર 16 બોલમાં અર્ધસદી ફટકારી, ત્રીજી ઓવરમાં 22 રન ફટકાર્યા.
-
બે ઓવરમાં હૈદરાબાદે 40 રન ફટકાર્યા
બે ઓવરમાં હૈદરાબાદે 40 રન બનાવ્ય, ટ્રેવિસ હેડ અને અભિષેક શર્માએ બીજી ઓવરમાં 21 રન બનાવ્યા ફટકાર્યા
-
હૈદરાબાદની જોરદાર શરૂઆત
હૈદરાબાદની જોરદાર શરૂઆત, પહેલી જ ઓવરમાં 19 રન ફટકાર્યા, ટ્રેવિસ હેડ અને અભિષેક શર્માએ ફટકારી બાઉન્ડ્રી
-
દિલ્હી કેપિટલ્સ પ્લેઈંગ 11
ડેવિડ વોર્નર, જેક ફ્રેઝર-મેકગર્ક, અભિષેક પોરેલ, રિષભ પંત (કેપ્ટન), ટ્રિસ્ટન સ્ટબ્સ, અક્ષર પટેલ, લલિત યાદવ, કુલદીપ યાદવ, એનરિક નોર્ટજે, ખલીલ અહેમદ, મુકેશ કુમાર
-
સનરાઈઝર્સ હૈદરાબાદ પ્લેઈંગ 11
અભિષેક શર્મા, ટ્રેવિસ હેડ, એઇડન માર્કરામ, હેનરિક ક્લાસેન, અબ્દુલ સમદ, નીતિશ રેડ્ડી, શાહબાઝ અહેમદ, પેટ કમિન્સ (કેપ્ટન), ભુવનેશ્વર કુમાર, મયંક માર્કંડે, ટી નટરાજન
-
ઈશાંત બહાર, વોર્નરનું કમબેક
ડેવિડ વોર્નર ઈજા બાદ પરત ફર્યો છે અને તેને સુમિત કુમારની જગ્યાએ સામેલ કરવામાં આવ્યો છે. ઈશાંત શર્મા ઈજાના કારણે બહાર છે.
-
દિલ્હી કેપિટલ્સે જીત્યો ટોસ
દિલ્હીના કેપ્ટન રિષભ પંતે ટોસ જીતી બોલિંગ પસંદ કરી હતી અને હૈદરાબાદને પહેલા બેટિંગ કરવાનું આમંત્રણ આપ્યું હતું.
Published On - Apr 20,2024 7:07 PM