PM મોદી સાથે નાસ્તો, પછી બસ પરેડ, ટીમ ઈન્ડિયાનું 4 જુલાઈનું સંપૂર્ણ શેડ્યૂલ આ રીતે રહેશે

17 વર્ષની રાહ જોયા બાદ ભારતીય ટીમે ફરી T20 વર્લ્ડ કપનો ખિતાબ જીત્યો. તેથી, 2007ની તે જીત પછી, ટીમ ઈન્ડિયાની ખિતાબની સફળતા ફરી એકવાર ચાહકો સાથે ઉજવવામાં આવશે અને આ વખતે પણ ટ્રોફી સાથે આખી ટીમ મુંબઈમાં ખુલ્લી બસમાં વિજય પરેડમાં ભાગ લેશે.

Team India

Smit Chauhan | Updated on: Jul 03, 2024 | 7:58 PM

બાર્બાડોસમાં વર્લ્ડ ચેમ્પિયન જીત્યા બાદ ટીમ ઈન્ડિયાના વર્લ્ડ ચેમ્પિયન સ્ટાર્સ થોડા કલાકો બાદ જ ભારતીય ધરતી પર પગ મૂકશે. છેલ્લા 17 વર્ષથી જેની રાહ જોવાતી હતી તે ટ્રોફી ફરી એકવાર ભારત પરત ફરી રહી છે. રોહિત શર્માની કપ્તાનીવાળી ટીમ ઈન્ડિયા T20 વર્લ્ડ કપ 2024નો ખિતાબ જીતીને 4 જુલાઈ ગુરુવારે સ્વદેશ પરત ફરશે.

ખેલાડીઓને શ્વાસ લેવાનો પણ સમય નહીં

BCCI સેક્રેટરી જય શાહના નેતૃત્વમાં ટીમ ઈન્ડિયા અને સપોર્ટ સ્ટાફ ચાર્ટર પ્લેનમાં ભારત પરત ફરી રહ્યા છે. હવે જ્યારે ટીમ વર્લ્ડ ચેમ્પિયન બની ગઈ છે, તો તે દેશમાં પણ તેની ઉજવણી કરવા માંગે છે અને તેથી 4 જુલાઈએ ટીમે નવી દિલ્હીથી મુંબઈ સુધીના કેટલાક ખાસ કાર્યક્રમોમાં ભાગ લેવાની છે. મતલબ કે ભારતીય ખેલાડીઓને શ્વાસ લેવાનો પણ સમય નહીં મળે.

Web Stories View more

હાર્દિકના ઘરે વર્લ્ડ કપ જીતની ઉજવણી, પત્ની નતાશા ગેરહાજર ! ભાભી પંખુરીએ શેર કરી તસવીર

વિરાટ કોહલી તેના બાળપણના કોચને ગળે મળતા જ થયો ભાવુક, જુઓ તસવીર

જ્યાં છે અંબાણીનું ઘર એન્ટિલિયા ત્યાં જમીનના ભાવ શું છે? આટલામાં મળશે એક ફ્લેટ

રમ, વ્હિસ્કી, વાઇન અને બીયર... શેમાં નશો વધારે થાય ?

PM મોદી સાથે ખાસ મુલાકાત

29 જૂને ટીમ ઈન્ડિયાએ ફાઈનલમાં દક્ષિણ આફ્રિકાને હરાવીને ટાઈટલ જીત્યું હતું. ટીમ ઈન્ડિયા ત્યારથી બાર્બાડોસમાં અટવાઈ ગઈ હતી, કારણ કે તોફાનના કારણે આ દેશના એરપોર્ટ બંધ થઈ ગયા હતા. આવી સ્થિતિમાં ભારતીય બોર્ડે એર ઈન્ડિયાના સ્પેશિયલ પ્લેનનો ઓર્ડર આપ્યો અને હવે આખરે 3 જુલાઈએ ટીમ ઈન્ડિયા ત્યાંથી રવાના થઈ ગઈ. ટીમ ઈન્ડિયા સીધી નવી દિલ્હી આવશે, જ્યાં વડાપ્રધાન નરેન્દ્ર મોદી વર્લ્ડ ચેમ્પિયન ખેલાડીઓ સાથે ખાસ મુલાકાત કરશે અને ત્યારબાદ ટીમ મુંબઈમાં ચાહકો વચ્ચે ઉજવણી કરશે.

Join us for the Victory Parade honouring Team India’s World Cup win! Head to Marine Drive and Wankhede Stadium on July 4th from 5:00 pm onwards to celebrate with us! Save the date! #TeamIndia #Champions @BCCI @IPL pic.twitter.com/pxJoI8mRST

— Jay Shah (@JayShah) July 3, 2024

17 વર્ષ બાદ ખુલ્લી બસમાં પરેડ

આ દિવસ ભારતીય ટીમ અને પ્રશંસકો માટે ખૂબ જ ખાસ રહેવાનો છે કારણ કે 17 વર્ષ બાદ ભારતીય ખેલાડીઓ ફરી એકવાર ‘ઓપન બસ પરેડ’માં ભાગ લેશે. એટલે કે ખેલાડીઓ અને સપોર્ટ સ્ટાફ ખુલ્લી બસમાં વર્લ્ડ કપ ટ્રોફી સાથે હાજર રહેશે અને મરીન ડ્રાઈવ પર ચાહકો વચ્ચે પરેડ થશે. અગાઉ 2007માં પણ T20 વર્લ્ડ કપ જીત્યા બાદ મુંબઈમાં આવી પરેડ કાઢવામાં આવી હતી. 4 જુલાઈ માટે ટીમ ઈન્ડિયાનું સંપૂર્ણ શેડ્યૂલ કેવું છે, ચાલો અમે તમને અહીં જણાવીએ.