આ ભારતીય ખેલાડીએ ICC T20 રેન્કિંગમાં ધૂમ મચાવી, T20 વર્લ્ડ કપમાં 88 સ્થાનની છલાંગ લગાવી

ICCએ T20 વર્લ્ડ કપ 2024 પછી પ્રથમ T20 રેન્કિંગ જાહેર કર્યું છે. આ વખતે ભારતીય ખેલાડીઓને T20 રેન્કિંગમાં ઘણો ફાયદો થયો છે. અક્ષર પટેલ, કુલદીપ યાદવ, અર્શદીપ સિંહ અને જસપ્રીત બુમરાહે બોલરોની રેન્કિંગમાં મોટી છલાંગ લગાવી છે. આ સમગ્ર ટૂર્નામેન્ટ દરમિયાન એક ભારતીય ખેલાડીએ કુલ 88 સ્થાનની છલાંગ લગાવી છે.

T20 રેન્કિંગમાં ભારતીય બોલરોને ફાયદો

અક્ષર પટેલ નવીનતમ ICC T20 રેન્કિંગમાં સાતમા સ્થાને આવી ગયો છે, અગાઉ તે આઠમા સ્થાને હતો. કુલદીપ યાદવ 3 સ્થાનની છલાંગ લગાવીને આઠમા સ્થાને પહોંચી ગયો છે. જસપ્રીત બુમરાહે 12 સ્થાનની છલાંગ લગાવી છે અને હવે તે બારમાં સ્થાને પહોંચી ગયો છે. અર્શદીપ સિંહને તેના સારા પ્રદર્શન માટે પુરસ્કાર પણ મળ્યો છે. તે હવે 4 સ્થાનની છલાંગ સાથે 13મા નંબર પર પહોંચી ગયો છે.

ICC T20 રેન્કિંગમાં 88 સ્થાનની છલાંગ

T20 વર્લ્ડ કપ 2024માં જસપ્રીત બુમરાહ સૌથી સફળ બોલરોમાંથી એક હતો. પોતાની જોરદાર રમતના આધારે તેણે ટીમ ઈન્ડિયાને T20 વર્લ્ડ કપનો ખિતાબ અપાવ્યો. T20 વર્લ્ડ કપની શરૂઆત પહેલા જસપ્રીત બુમરાહની T20 રેન્કિંગ 100 હતી. પરંતુ તેણે T20 વર્લ્ડ કપમાં શાનદાર પ્રદર્શન કરવાનું ચાલુ રાખ્યું અને ટૂર્નામેન્ટના અંત સુધીમાં 88 સ્થાનની છલાંગ લગાવી. વાસ્તવમાં, જસપ્રીત બુમરાહ T20 ફોર્મેટથી દૂર હતો, જેના કારણે તે રેન્કિંગમાં નીચે સરકી ગયો હતો. પરંતુ પાછા ફરતાની સાથે જ તેણે રેન્કિંગમાં પણ પોતાનું વર્ચસ્વ સ્થાપિત કર્યું.

Web Stories View more

નવા વર્ષમાં મુકેશ અંબાણીના Jio એ યુઝર્સને આપી ભેટ, 20GB ઇન્ટરનેટ મળશે ફ્રી

સારા તેંડુલકરે લિઝાર્ડ આઈલેન્ડથી શેર કરી સિઝલિંગ તસવીરો, જુઓ

ગુજરાતના જામનગરમાં આ સ્થળો પર ફરવા જાય છે અમીર લોકો, જાણો નામ

Narsingh Mantra : આ એક મંત્રથી ભૂત પ્રેત ભાગી જશે, દેવરાહા બાબા એ જણાવ્યો

Jaggery Tea : શિયાળામાં ગોળ વાળી ચા પીવાના અનેક ફાયદા ? જાણો બનાવવાની રીત

ઊભી પૂંછડીએ ઘરમાંથી ભાગી જશે ઉંદર, કરો ફક્ત આ 5 કામ

‘પ્લેયર ઓફ ધ ટુર્નામેન્ટ’

જસપ્રીત બુમરાહને સમગ્ર ટૂર્નામેન્ટ દરમિયાન તેની ઘાતક બોલિંગ માટે પ્લેયર ઓફ ધ ટુર્નામેન્ટ પસંદ કરવામાં આવ્યો હતો. જસપ્રીત બુમરાહે ટુર્નામેન્ટમાં 29.4 ઓવર નાંખી અને માત્ર 4.17ની ઈકોનોમીમાં રન આપ્યા. આ દરમિયાન તેણે કુલ 15 વિકેટ પોતાના નામે કરી હતી. T20 વર્લ્ડ કપના ઈતિહાસમાં જસપ્રીત બુમરાહ એકમાત્ર એવો બોલર છે જેણે પ્લેયર ઓફ ધ ટૂર્નામેન્ટ જીતી છે. આ પહેલા દુનિયાનો કોઈ બોલર આ સિદ્ધિ મેળવી શક્યો નથી.

આ પણ વાંચો: ભારત પહોંચતા જ ટીમ ઈન્ડિયા સૌથી પહેલા PM મોદીને મળશે, ખેલાડીઓનું સન્માન કરવામાં આવશે