Breaking News : મુંબઈ અને ચેન્નાઈ સુપર કિંગ્સની LIVE મેચમાં ખેલાડીની ઘડિયાળ તુટી, 2.13 કરોડ રુપિયાનું નુકસાન થયું
CSK vs MI : ચેન્નાઈ સુપર કિંગ્સ અને મુંબઈ ઈન્ડિયન્સની મેચમાં ખેલાડીની ઘડિયાળ તુટી ગઈ છે. તેની ઘડિયાળને સીએસકેના ખેલાડીએ તોડી નાંખી છે. જેની કિંમત 1 કરોડથી પણ વધારે છે.
ચેન્નાઈ સુપર કિંગ્સ વિરુદ્ધ મુંબઈ ઈન્ડિયન્સની 8 વિકેટથી હાર થઈ છે. પરંતુ તેની આ હાર દરમિયાન બેટ્સમેન તિલક વર્માને મોટું નુકસાન થયું છે. મેચ દરમિયાન તિલક વર્માની કરોડો રુપિયાની ઘડિયાળ તુટી ગઈ છે. સીએસકેના ખેલાડી જેમી ઓવર્ટનના કારણે તેની ઘડિયાળ તુટી છે. ઓવર્ટનનો તિલક વર્માની ઘડિયાળ તોડવાનો કોઈ ઈરાદો ન હતો. તેમણે આ જાણી જોઈને કર્યું નથી. આ બધું એક મેચ સાથે જોડાયેલી ઘટનામાં થયું છે.તિલક વર્માની જે ઘડિયાળ મેચ દરમિયાન તુટી તેની અંદાજે કિંમત 2.13 કરોડ રુપિયા બતાવવામાં આવી રહી છે.
ઓવર્ટને ક્યારે અને કેવી રીતે તોડી તિલક વર્માની ઘડિયાળ?
હવે આ સવાલ છે કે, સીએસકેના ઓલરાઉન્ડર જેમી ઓવર્ટને તિલક વર્માની કરોડો રુપિયાની ઘડિયાળ ક્યારે અને કેવી રીતે તોડી? મુંબઈ ઈન્ડિયન્સની બેટિંગ દરમિયાન મુંબઈની 12મી ઓવર ચાલું હતુ. જે ઓવર્ટન નાંખી રહ્યો હતો. ઓવર્ટને આ ઓવરના છેલ્લા બોલ પર તિલક વર્માને કોઈ રન તો બનાવવા ન દીધો પરંતુ તેની કરોડો રુપિયાનું નુકસાન જરુર કર્યું છે. બોલ લાગવાથી તેની 2.13 કરોડ રુપિયાની ઘડિયાળ તુટી નીચે પડી હતી. જેનો વીડિયો હવે સોશિયલ મીડિયા પર વાયરલ થઈ રહ્યો છે.વીડિયોમાં તમે જોઈ શકો છો કે, ઘડિયાળ તુટી જમીન પર પડે છે. ત્યારબાદ તિલક વર્મા ઘડિયાળ લે છે અને ડ્રેસિંગ રુમ તરફ ઈશારો કરે છે.
Jamie Overton just broke Tilak Varma’s ₹2.13 crore watch ⌚
Then casually goes, “Are you okay, Tilak?” like nothing happened. pic.twitter.com/hombdpNliA
— AdityaVarma (@AdityaVarma45_) May 2, 2026
તિલક વર્મા અને ઓવર્ટનનું મેચમાં પ્રદર્શન
મુંબઈ ઈન્ડિયન્સે સીએસકે વિરુદ્ધ પહેલા બેટિંગ કરી 20 ઓવરમાં 7 વિકેટ પર 159 રન બનાવ્યા હતા. જેમાં તિલક વર્માએ 8 બોલમાં માત્ર 5 રન બનાવ્યા હતા. તેની વિકેટ નુર અહમદે લીધી હતી.
તિલક વર્માની ઘડિયાળ તોડનાર સીએસકેનો બોલર જેમી ઓવર્ટનના પરફોર્મન્સની જો આપણે વાત કરીએ તો. તેમણે 4 ઓવરમાં 23 રન આપી 1 વિકેટ લીધી હતી. ઓવર્ટને માત્ર નમન ધીરની વિકેટ લીધી હતી.
સીએસકે મુંબઈને 8 વિકેટથી હરાવ્યું
ચેન્નાઈ સુપર કિંગ્સે મુંબઈ ઈન્ડિયન્સને મળેલા 160 રનના ટાર્ગેટનો પીછો 11 રન પહેલા કર્યો હતો. તેનો આ ટાર્ગેટ 18.1 ઓવરમાં 2 વિકેટ ગુમાવી મેળવ્યો હતો. સીએસકે 8 વિકેટથી મેચ જીતી હતી.
IPL એ વિશ્વની સૌથી મોટી અને સૌથી લોકપ્રિય ક્રિકેટ લીગ છે. આ લીગને બીસીસીઆઈનો માસ્ટર સ્ટ્રોક માનવામાં આવે છે. અહી ક્લિક કરો
