IND vs PAK: સૂર્યકુમાર યાદવ પછી હરમનપ્રીત કૌરનો વારો, પાકિસ્તાન ફરી ભારત સામે હારશે, આ રવિવારે 12-0થી જીત નિશ્ચિત
છેલ્લા ત્રણ રવિવારે, તમે એશિયા કપ 2025માં ભારત અને પાકિસ્તાનની પુરુષ ટીમો વચ્ચે મુકાબલો જોયો હશે. હવે ભારત અને પાકિસ્તાનની મહિલા ટીમનો વારો છે. આવતા રવિવારે ભારતની દીકરીઓ પાકિસ્તાનને પાઠ ભણાવતી જોવા મળશે.
રવિવાર આવી ગયો છે, ભારત અને પાકિસ્તાન ફરી ટકરાવવા માટે તૈયાર છે. હા, આ સતત ચોથો રવિવાર લડાઈ વિના નહીં જાય. ભારત-પાકિસ્તાન મેચનો રોમાંચ આ રવિવારે પણ જોવા મળશે. ફરક માત્ર એટલો જ હશે કે આ વખતે ભારતની મહિલા ટીમ પાકિસ્તાનને હાર તરફ ધકેલીને પાઠ ભણાવતી જોવા મળશે. આ વખતે સૂર્યકુમાર યાદવની ટીમ ઈન્ડિયા નહીં, પરંતુ હરમનપ્રીત કૌરની ભારતીય ટીમ પાકિસ્તાનને હરાવતી જોવા મળશે. ભારત અને પાકિસ્તાન વચ્ચેનો આ મુકાબલો મહિલા ODI વર્લ્ડ કપમાં થશે.
5 ઓક્ટોબરે પણ ભારત vs પાકિસ્તાન
ભારત અને શ્રીલંકા દ્વારા આયોજિત મહિલા ODI વર્લ્ડ કપ શરૂ થઈ ગયો છે. આ ICC ઈવેન્ટમાં આવતા રવિવાર, 5 ઓક્ટોબરના રોજ ભારત અને પાકિસ્તાનની મહિલા ટીમો વચ્ચે ક્રિકેટનો જંગ જોવા મળશે. પુરુષો અને મહિલાઓની મેચ મળીને રવિવારે આ ભારત-પાકિસ્તાન વચ્ચે સતત ચોથો મુકાબલો હશે.
છેલ્લા 3 રવિવારે ભારતે પાકિસ્તાને હરાવ્યું
અગાઉ, સૂર્યકુમાર યાદવના નેતૃત્વ હેઠળની ભારતની પુરુષ ક્રિકેટ ટીમે ત્રણ રવિવારે યોજાયેલી મેચમાં પાકિસ્તાનને હરાવ્યું હતું. ભારત-પાકિસ્તાન પુરુષ ટીમો પ્રથમ વખત 14 સપ્ટેમ્બરના રોજ એશિયા કપ 2025ના ગ્રુપ સ્ટેજમાં ટકરાઈ હતી, ત્યારબાદ 21 સપ્ટેમ્બરના રોજ સુપર ફોર રાઉન્ડમાં મુકાબલો થયો હતો. ત્યારબાદ 28 સપ્ટેમ્બરના રોજ એશિયા કપ 2025ની ફાઈનલમા ભારત સામે પાકિસ્તાન હારી ગયું હતું.
સૂર્યકુમાર પછી હવે હરમનપ્રીતનો વારો
ભારત અને પાકિસ્તાનની મહિલા ટીમો હવે 5 ઓક્ટોબરે એકબીજા સામે ટકરાશે. કોલંબોમાં રમાનારી આ મેચમાં, ભારતીય મહિલા ટીમ પાકિસ્તાન સામેના પોતાના રેકોર્ડને 12-0 કરવાનો લક્ષ્ય રાખશે. ભારતીય મેન્સ ટીમ બાદ હવે વુમન્સ ટીમનો વારો છે. સૂર્યકુમાર પછી હવે હરમનપ્રીતની સામે પાકિસ્તાનને હરાવવાની તક છે.
આ રવિવારે 12-0 નો સ્કોર નક્કી
છેલ્લા 20 વર્ષમાં ભારત અને પાકિસ્તાનની મહિલા ક્રિકેટ ટીમો 11 વખત ODIમાં એકબીજા સામે આવી છે, જેમાંથી દરેક વખતે ભારતનો વિજય થયો છે. આનો અર્થ એ થયો કે આ 12મી વખત હશે જ્યારે ભારત અને પાકિસ્તાની ટીમો ODIમાં એકબીજા સામે આવશે. ભારતીય મહિલા ટીમના અત્યાર સુધીના રેકોર્ડને જોતાં, તેઓ આવતા રવિવારે પાકિસ્તાન પર 12-0 થી વિજય મેળવશે તે નિશ્ચિત લાગે છે.
આ પણ વાંચો: IND vs WI : ભારતને એશિયા કપ ચેમ્પિયન બનાવનારા ફક્ત 4 ખેલાડી ટીમમાં સામેલ, બાકીના 11 ટીમની બહાર
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
