16 એપ્રિલના મહત્વના સમાચાર : ત્રણ દિવસીય સંસદનું વિશેષ સત્ર યોજાશે, જેમાં સરકાર ‘નારી શક્તિ વંદના અધિનિયમ’ મહિલા અનામત બિલ રજૂ કરશે

ભરૂચઃ કોંગ્રેસ નેતા મુમતાઝ પટેલની પોસ્ટ

ભરૂચમાં ચૂંટણીના માહોલ વચ્ચે કોંગ્રેસ નેતા મુમતાઝ પટેલની સોશિયલ મીડિયા પોસ્ટે રાજકીય ચર્ચા જગાવી છે. તેમણે કોંગ્રેસમાં આંતરિક મતભેદ હોવાનો સંકેત આપતા લખ્યું કે તેમને પ્રચાર માટે બોલાવવામાં આવી રહી છે, પરંતુ એકજુટતા વગર પ્રચારનો કોઈ અર્થ નથી. તેમણે વધુમાં ઉમેર્યું કે જીતવા માટે પહેલા પાર્ટીને અંદરથી મજબૂત બનવું પડશે. તેમની આ ટિપ્પણીથી કોંગ્રેસમાં એકતા અંગે પ્રશ્નો ઉભા થયા છે અને સ્થાનિક રાજકારણમાં ગરમાવો આવ્યો છે.

ભાજપમાં બિનહરીફ ઉમેદવારોનો સર્જાયો વિક્રમ

સ્થાનિક સ્વરાજની ચૂંટણીઓ પહેલા જ ભાજપે બિનહરીફ ઉમેદવારોના મામલે નોંધપાત્ર વિક્રમ સર્જ્યો છે. પોરબંદર કોર્પોરેશનમાં સૌથી વધુ 11 બેઠકો બિનહરીફ રહી છે, જ્યારે આણંદમાં 12, મહેસાણામાં 5 અને વડોદરા તથા અમદાવાદમાં 2-2 ઉમેદવારો બિનહરીફ જાહેર થયા છે. કુલ 1816 ઉમેદવારો ફોર્મ પાછા ખેંચતા ભાજપની 720 બેઠકો બિનહરીફ બની છે, જેના કારણે કડીમાં ભાજપને બે તૃતિયાંશ બહુમતિ મળી ગઈ છે અને ઊંઝા, બાયડ, ગણદેવી તેમજ સહેરા સહિત 8થી વધુ પાલિકાઓમાં ચૂંટણી પહેલાં જ સત્તા મેળવી લીધી છે. હાઈવોલ્ટેજ રાજકીય નાટક બાદ હવે બાકી રહેલી 9237 બેઠકો માટે મતદાન યોજાશે, જેમાં ઉમેદવારોને પ્રચાર માટે 9 દિવસનો સમય મળશે. 26મીના મતદાન બાદ 28મીના પરિણામ જાહેર કરવામાં આવશે.

ગાંધીનગરઃ દહેગામ કડજોદરામાં લોહીયાળ જંગ

ત્રણ દિવસીય સંસદનું વિશેષ સત્ર યોજાશે

સંસદનું ખાસ સત્ર આજથી શરૂ થઈ રહ્યું છે. તે ત્રણ દિવસ ચાલશે. આ સત્ર દરમિયાન ત્રણ મહત્વપૂર્ણ બિલો પર ચર્ચા થશે. 16-17 એપ્રિલે લોકસભામાં અને 18 એપ્રિલે રાજ્યસભામાં આ બિલો પર ચર્ચા થશે. પીએમ મોદી મહિલા અનામત બિલ પર પણ વાત કરશે. કાયદા મંત્રી અર્જુન મેઘવાલ બિલ રજૂ કરશે. કેન્દ્રીય ગૃહ મંત્રી અમિત શાહ બંને ગૃહોમાં ચર્ચાનો જવાબ આપશે.