Assembly Election 2024 Voting LIVE રિતેશ દેશમુખ, જેનેલિયા દેશમુખે તેમના મતાધિકારનો કર્યો ઉપયોગ, જુઓ વીડિયો

અભિનેતા રિતેશ દેશમુખ અને અભિનેત્રી જેનેલિયા દેશમુખે લાતુરમાં મતદાન મથક પર જઈને મતદાનના અધિકારનો ઉપયોગ કર્યો હતો. તેઓએ સામાન્ય જનતા સાથે કતારમાં ઉભા રહીને મતદાન કર્યું હતું. રિતેશ દેશમુખ ચૂંટણીમાં બંને ભાઈઓના પ્રચારમાં સક્રિય હતા, તેમણે ઘણી જગ્યાએ ભાષણો પણ આપ્યા હતા.

મહારાષ્ટ્ર વિધાનસભા ચૂંટણીમાં શરદ પવારે પોતાના મતવિસ્તાર બારામતીથી મતદાન કર્યું હતું. મતદાન કર્યા બાદ, શરદ પવારે વિશ્વાસ વ્યક્ત કર્યો હતો કે, મહારાષ્ટ્રના મતદારો મોટી સંખ્યામાં શાંતિપૂર્ણ મતદાન કરશે.

મહારાષ્ટ્ર વિધાનસભાની ચૂંટણીમાં પ્રથમ બે કલાકમાં 6.61 ટકા અને ઝારખંડ વિધાનસભા ચૂંટણીના બીજા તબક્કામાં 12.71 ટકા મતદાન થયું છે.

ફિલ્મ કલાકાર ફરહાન અખ્તરે મુંબઈના બાંદ્રા મતક્ષેત્રમાં મહારાષ્ટ્ર વિધાનસભા ચૂંટણીમાં મતાધિકારનો ઉપયોગ કર્યો હતો.

ભારતીય ક્રિકેટ ટીમના પૂર્વ ક્રિકેટર સચિન તેંડુલકરે પરિવાર સાથે મતદાન કર્યું હતું. સચિનની સાથે અંજલિ અને સારાએ મતાધિકારનો ઉપયોગ કર્યો હતું.

વડાપ્રધાન નરેન્દ્ર મોદીએ, મહારાષ્ટ્ર અને ઝારખંડના લોકોને તેમના મતાધિકારનો ઉપયોગ કરવા અપીલ કરી હતી. અત્રે ઉલ્લેખનીય છે કે, વડાપ્રધાને મતદાન માટેની અપીલ ગુયેના ખાતેથી કરી હતી. તેઓ જી20માં ભાગ લેવા માટે બ્રાઝિલ ગયા હતા.

ફિલ્મ કલાકાર અક્ષયકુમારે મુંબઈમાં પોતાનો મતાધિકારનો ઉપયોગ કર્યો હતો. અક્ષય કુમારે ચૂંટણ પંચ દ્વારા વરિષ્ઠ નાગરિકો માટે કરાયેલ વ્યવસ્થાના વખાણ કર્યાં હતા.

રિઝર્વ બેંક ઓફ ઈન્ડિયાના ગવર્નર શક્તિસિંહ દાસે મુંબઈમાં મતદાન કર્યું હતું. તેમણે મતદારો માટે કરાયેલ વ્યવસ્થાના વખાણ કર્યા હતા અને આશા કરી હતી કે, મતદાનની ટકાવારી ખૂબ ઊંચી રહેશે.

ફિલ્મ ડાયરેકટર કબિર ખાને પણ મુંબઈમાં મતદાન કરીને પોતાનો મતાધિકાર ભગોવ્યો હતો.

એકનાથ શિંદે જૂથની શિવસેનાની ટિકિટ પર મહારાષ્ટ્રના મુંબઈની મુંબાદેવી બેઠક પરથી ચૂંટણી લડી રહેલ શાઈના એનસીએ, પોતાનો મતાધિકાર ભોગવ્યો હતો. શાઈનાની પુત્રી શનાયાએ પણ માતાની સાથે મતદાન કર્યું હતું.

ફિલ્મ કલાકાર રાજકુમાર રાવે કર્યું મતદાન, મતદાન કર્યા બાદ રાજુકમાર રાવે સૌને અપીલ કરતા કહ્યું કે, મતદાન અવશ્ય કરવું જોઈએ.  જુઓ વીડિયો

મુંબઈ ભાજપના પ્રમુખ અને બાંદ્રા પશ્ચિમ વિધાનસભા મતવિસ્તારના ઉમેદવાર આશિષ શેલારે મુંબઈમાં બાંદ્રાની સેન્ટ સ્ટેનિસ્લૉસ હાઈસ્કૂલ ખાતે મતદાન મથક પર પોતાનો મત આપ્યો.

રાષ્ટ્રીય સ્વયંસેવક સંઘના સરસંઘચાલક મોહન ભાગવતે નાગપુરમાં મતદાનના અધિકારનો ઉપયોગ કર્યો હતો.

દરેકે ખુલ્લા વાતાવરણમાં મતદાન કરવું જોઈએ. કોણ સારું કામ કરી શકે છે, કોણ નેતૃત્વ કરી શકે છે તે વિશે આપણે કાળજીપૂર્વક વિચારવું જોઈએ, દરેક વ્યક્તિએ પોતાના સારા વિવેક મુજબ મતદાન કરવું જોઈએ. નાયબ મુખ્યમંત્રી અને એનસીપી નેતા અજિત પવારે મતદારોને અપીલ કરી હતી કે લોકોએ કોઈના દબાણને વશ ન થવું જોઈએ.

મહારાષ્ટ્ર વિધાનસભાની 288 બેઠક પર આજે મતદાન યોજાઈ રહ્યું છે. તમામ બેઠકો પર સવારે 7 વાગે મતદાનનો પ્રારંભ થઈ ચૂક્યો છે.

મહારાષ્ટ્રના ભંડારા જિલ્લાના સાકોલી વિધાનસભા મતવિસ્તાર હેઠળના શામરાવ બાપુ કાપગેટ સિનિયર કૉલેજ સાકોલી ખાતેના મતદાન મથક પર મોક મતદાન કરવામાં આવી રહ્યું છે. રાજ્યની તમામ 288 વિધાનસભા બેઠકો પર સવારે 7 વાગ્યાથી મતદાન શરૂ થશે. તમામ મતદાન મથકો પર મતદાન શરુ થાય તે પૂર્વે મોક પોલનું આયોજન કરીને મતદાનમાં કોઈ તકલીફ તો નથી તેની ચકાસણી કરવામાં આવી હતી.