31 ઓક્ટોબરના મહત્વના સમાચાર : આજે એકતાદિવસ પર SoU પર હેલિકોપ્ટર દ્વારા પુષ્પવર્ષા

વડોદરા: CM ભૂપેન્દ્ર પટેલની ઉપસ્થિતિમાં રાષ્ટ્રીય એકતા દિવસની ઉજવણી

વડોદરામાં મુખ્યમંત્રી ભૂપેન્દ્ર પટેલની ઉપસ્થિતિમાં રાષ્ટ્રીય એકતા દિવસની ઉજવણી કરવામાં આવી હતી. આ પ્રસંગે મુખ્યમંત્રીએ ‘રન ફોર યુનિટી’ને લીલી ઝંડી બતાવી પ્રસ્થાન કરાવ્યું હતું. આ દોડમાં સેંકડો યુવાનો ઉત્સાહભેર જોડાયા હતા. મુખ્યમંત્રી ભૂપેન્દ્ર પટેલે પણ યુવાનો સાથે ‘રન ફોર યુનિટી’માં ભાગ લીધો હતો. સરદાર વલ્લભભાઈ પટેલની જન્મજયંતિ નિમિત્તે યોજાયેલા આ કાર્યક્રમમાં રાષ્ટ્રીય એકતા, અખંડિતતા અને ભાઈચારાનો સંદેશ આપવામાં આવ્યો હતો.

વડોદરા: ડભોઈમાં Dy CM હર્ષ સંઘવીની ઉપસ્થિતિમાં એકતા દિવસની ઉજવણી

વડોદરાના ડભોઈમાં નાયબ મુખ્યમંત્રી હર્ષ સંઘવીની ઉપસ્થિતિમાં રાષ્ટ્રીય એકતા દિવસની ઉજવણી કરવામાં આવી હતી. આ પ્રસંગે હર્ષ સંઘવીએ ‘રન ફોર યુનિટી’માં ભાગ લીધો હતો અને ઉપસ્થિત લોકોને રાષ્ટ્રીય એકતાના સંકલ્પ લેવડાવ્યા હતા. તેમણે જણાવ્યું હતું કે, સરદાર વલ્લભભાઈ પટેલે દેશના રજવાડાઓને એકત્ર કરીને ભારતને એક રાખવાનું ઐતિહાસિક કાર્ય કર્યું હતું. સરદાર પટેલના આદર્શોને આગળ વધારવાની જરૂરિયાત પર ભાર મૂકતાં તેમણે સૌને સંકલ્પ કરાવ્યો હતો કે, આવનારી પેઢી એકતાની ભાવના સાથે દેશના વિકાસની દોડમાં સહભાગી બને.

આજે સરદાર વલ્લભભાઈ પટેલની જન્મજયંતિ, રાષ્ટ્રપતિ મુર્મુ અને ગૃહમંત્રી શાહે શ્રદ્ધાંજલિ આપી

રાષ્ટ્રપતિ દ્રૌપદી મુર્મુ, ઉપરાષ્ટ્રપતિ સીપી રાધાકૃષ્ણન, કેન્દ્રીય ગૃહમંત્રી અમિત શાહ અને દિલ્હીના મુખ્યમંત્રી રેખા ગુપ્તાએ સરદાર વલ્લભભાઈ પટેલને તેમની જન્મજયંતિ પર પુષ્પાંજલિ અર્પણ કરી.

#WATCH | Delhi: Union Home Minister Amit Shah pays floral tributes at the statue of Sardar Vallabhbhai Patel on his 151st birth anniversary. https://t.co/UQbwZECVQm

— ANI (@ANI) October 31, 2026