25 જુલાઈના મોટા સમાચાર : રાજકોટ માટે સારા સમાચાર, વર્લ્ડ કપ પહેલા ભારત-ઓસ્ટ્રેલિયાની થશે ટક્કર

વડોદરાની MS યુનિવર્સિટીમાં ક્રેડિટ સિસ્ટમમાં ફેરફાર સહિતના મુદ્દે વિદ્યાર્થી સંગઠનોનું વિરોધ પ્રદર્શન

Vadodara: વડોદરાની MS યુનિવર્સિટીમાં(MS University) વિદ્યાર્થી સંગઠનોએ આંદોલન શરૂ કર્યુ છે.ટેક્નોલોજી ફેકલ્ટીના દ્વિતીય તેમજ તૃતીય વર્ષના વિદ્યાર્થીઓએ ભારે હોબાળો મચાવ્યો હતો. ક્રેડિટ સિસ્ટમ અથવા નો ડિટેન પોલિસીમાં ફેરફાર કરવાની માગ સાથે વિદ્યાર્થીઓએ ધરણાં પ્રદર્શન કર્યા.ટેક્નોલોજી ફેકલ્ટીના પ્રથમ વર્ષના વિદ્યાર્થીઓ માટે યુનિવર્સિટીએ ક્રેડિટ સિસ્ટમ લાગુ કરી છે.

જેના પરિણામ સ્વરૂપે 5 કે 6 જેટલી KT વાળા વિદ્યાર્થીઓ પણ ડિટેન થવાથી બચી ગયા છે. પરંતુ યુનિવર્સિટીએ દ્વિતીય અને તૃતીય વર્ષના વિદ્યાર્થીઓ માટે આ પદ્ધતિ લાગુ કરી નથી.જેના પરિણામે 3 KTવાળા વિદ્યાર્થીઓ પણ ડિટેન થઇ ગયા છે. વિદ્યાર્થીઓનો આક્ષેપ છે કે યુનિવર્સિટી તેમની સાથે અસમાનતાભર્યુ વલણ દાખવી રહી છે.

મુંબઈમાં વરસાદને કારણે ધરાશાયી થયું ઘર

મહારાષ્ટ્રના અનેક જિલ્લાઓમાં ભારે વરસાદ પડી રહ્યો છે. વરસાદના કારણે રાજ્યમાં અનેક પ્રકારની દર્દનાક તસવીરો સામે આવી રહી છે. મંગળવારે સાંજે દહિસર વિસ્તારમાં ભારે વરસાદને કારણે એક મકાન ધરાશાયી થયું હતું. અચાનક ઘરની દિવાલોમાં તિરાડ પડવાનો અવાજ આવતા ઘરમાં ભયનો માહોલ ફેલાયો હતો. પરિવારના બધા સભ્યો બહાર આવીને ઊભા રહ્યા. પછી આખું ઘર ધરાશાયી થયુ.

મોદી કેબિનેટે દિલ્હી વટહુકમને મંજૂરી આપી, સંસદમાં તેની રજૂઆતનો માર્ગ મોકળો

દિલ્હી સર્વિસ ઓર્ડિનન્સના સ્થાને સંસદમાં નવા બિલની રજૂઆત માટે કેન્દ્રીય કેબિનેટ તરફથી મંજૂરી મળી ગઈ છે. સૂત્રોને ટાંકીને એવું કહેવામાં આવ્યું છે કે મંગળવારની બેઠક દરમિયાન, કેન્દ્રીય કેબિનેટે બિલને મંજૂરી આપી દીધી છે, જે રાજધાનીમાં ગ્રુપ-A અધિકારીઓની બદલી અને પોસ્ટિંગ અંગે સત્તાની રચના માટે જાહેર કરવામાં આવેલા વટહુકમને બદલશે.

આણંદમાં ખાનગી પેઢીએ કરોડોનું ફુલેકું ફેરવતા હોબાળો મચ્યો

Anand :આણંદમાં ખાનગી પેઢીએ કરોડોનું ફુલેકું(Fraud) ફેરવતા હોબાળો મચ્યો છે.કરોડો રૂપિયાની FD લઈને ફરાર થયા હોવાની વિદ્યાનગર પોલીસ મથકે ફરીયાદ નોંધાઈ છે.રમેશચંદ્ર જે. પંડિતે કરોડોની છેતરપિંડી કરી હોવાની લોકોએ આક્ષેપ કર્યો છે.શ્રોફ પેઢીમાં લોકો તેની બચત જમા કરીને FD કરાવતા હતા.કોરોના બાદ પેઢીને ખંભાતી તાળા લાગી ગયા હતા.અચાનક પેઢી ઉઠી જતાં થાપણદારો અટવાયા હતા.

Delhi: સ્પાઈસ જેટના વિમાનમાં લાગી આગ

Delhi: દિલ્હી એરપોર્ટ પર સ્પાઈસ જેટના (Spice Jet Plane) વિમાનમાં આગ લાગવાની ઘટના સામે આવી છે. વિમાનને રિપેરિંગ માટે લઈ જઈ રહ્યા હતા, તે સમયે અચાનક તેમાં આગ લાગી અને ધુમાડા નીકળી રહ્યા હતા. જો કે સારી વાત એ સામે આવી છે કે આ દુર્ઘટનામાં કોઈ પણ પ્રકારની જાનહાનિ કે કોઈને પણ ઈજા થઈ નથી. જો કે હાલમાં એ જાણી શકાયુ નથી કે વિમાનમાં આગ કયા કારણસર લાગી હતી.

Amreli ની શાંતાબા હોસ્પિટલમાં મોતીયાની સર્જરીમાં બેદરકારી બદલ સરકારે પાંચ કરોડનો દંડ ફટકાર્યો

Amreli :અમરેલી જિલ્લા સ્થિત શાંતાબા કોલેજમાં મોતીયાની સર્જરી માટે દાખલ દર્દી સાથે થયેલ બેદરકારી બદલ આરોગ્ય વિભાગે કડક કાર્યવાહી કરી છે. રાજ્ય આરોગ્ય વિભાગ દ્વારા શાંતાબા મેડિકલ કોલેજ અને હોસ્પિટલને આ ગંભીર બેદરકારી અને ગેરરીતિ બદલ રૂ. પાંચ કરોડનો દંડ ફડકારવામાં આવ્યો છે. ઉલ્લેખનીય છે કે, કુલ 12 જેટલા દર્દીઓ શાંતાબા મેડિકલ કૉલેજની બેદરકારીનો ભોગ બન્યા હતા.

રાજકોટ માટે સારા સમાચાર, વર્લ્ડ કપ પહેલા ભારત-ઓસ્ટ્રેલિયાની થશે ટક્કર

ભારતે આગામી 2023-24 સીઝન માટે ઘરઆંગણે વર્લ્ડ કપ પહેલા ઓસ્ટ્રેલિયા સામે ત્રણ મેચની ODI શ્રેણી સાથે તેમના શેડ્યૂલની જાહેરાત કરી છે. BCCI એ ભારતની હોમ સીઝન 2023-24 માટે કુલ 16 આંતરરાષ્ટ્રીય મેચો સાથે શેડ્યૂલ જાહેર કર્યું છે, જેમાં 5 ટેસ્ટ, 3 ODI અને 8 T20I સામેલ છે.

Rajkot: વાંચવાના શોખીન રાજકોટિયન્સ માટે નવી ભેટ, PM નરેન્દ્ર મોદી 27મીએ વિશાળ લાઈબ્રેરીનું કરશે લોકાર્પણ

જેમા વાંચનપ્રેમીઓ માટે પુસ્તકોના વિશાળ ખજાના સાથે કલા, સાહિત્યલક્ષી પ્રવૃતિઓ માટે વિવિધ સુવિધાઓ ઉપલબ્ધ છે. વાંચવાના શોખીન રાજકોટિયન્સ માટે રાજકોટ મ્યુનિસિપલલ કોર્પોરેશન દ્વારા વોર્ડ નંબર 6માં ગોવિંદબાગ પાસે 1596 ચોરસ મીટર જેવી વિશાળ જગ્યામાં ત્રણ માળની લાઈબ્રેરીનું બાંધકામ કરવામાં આવ્યુ છે.

સુરત ઉર્જાવિભાગ ડમીકાંડમાં ક્રાઇમ બ્રાન્ચે 5 મહિલા કર્મચારી સહીત 11 કર્મચારીઓની ધરપકડ કરી

સુરત ઉર્જાવિભાગ ડમીકાંડમાં ક્રાઇમ બ્રાન્ચે 5 મહિલા કર્મચારી સહીત 11 કર્મચારીઓની ધરપકડ કરી છે. રાજ્યની જુદી જુદી વીજકંપની માટે વિદ્યુત સહાયકની નિમણૂક માટે ઓનલાઇન લેવાયેલી પરીક્ષામાં ડમીકાંડ નો પર્દાફાશ કરનારી સુરત ક્રાઇમ બ્રાન્ચે ખોટી રીતે પરીક્ષા પાસ કરી નોકરી મેળવાનારા 5 મહિલા કર્મચારી સહીત કુલ 11 કર્મચારીઓની ધરપકડ કરી છે.

ડ્રગ્સ પેડલરના નેટવર્કમાં મહિલાનું પ્રમાણ વધ્યું, 24 કલાકમાં બે મહિલા સહિત ચાર લોકોની ધરપકડ

Ahmedabad : અમદાવાદમાં ડ્રગ્સ પેડલરના(Drugs Pedalar)નેટવર્કમાં મહિલાનું પ્રમાણ વધ્યું છે. જેમાં SOGક્રાઇમે 24 કલાકમાં 2 ડ્રગ્સના કેસ કર્યા જેમાં 2 મહિલા સહિત 4ની કરી ધરપકડ કરી છે. જેમાં એક કેસમાં મહિલા ડ્રગ્સ કેરિયર તરીકે પકડાઈ. જ્યારે અન્ય કેસ માં મહિલા પોતાના પતિને ડ્રગ્સના નેટવર્ક ચાલુ રાખવા માટે ખુદ ડ્રગ્સ પેડરલ બની છે.

વડાપ્રધાન નરેન્દ્ર મોદી 27 જુલાઈએ 14મો હપ્તો રિલીઝ કરી શકે છે

PM Kisan 14th Installment: પ્રધાનમંત્રી કિસાન સન્માન નિધિ યોજનાના (PM Kisan Yojana) 14મા હપ્તાની રાહ જોઈ રહેલા ખેડૂતોના ખાતામાં 2000 રૂપિયાની રકમ ટૂંક સમયમાં પહોંચશે. વડાપ્રધાન નરેન્દ્ર મોદી 27 જુલાઈએ 14મો હપ્તો રિલીઝ કરી શકે છે. આ પહેલા પીએમ મોદીએ 27 ફેબ્રુઆરીએ 13મા હપ્તાની રકમ જાહેર કરી હતી. 13મા હપ્તા દરમિયાન 8 કરોડથી વધુ ખેડૂતોએ પીએમ કિસાન યોજનાનો લાભ લીધો હતો. ત્યારબાદ પીએમ મોદીએ 13મા હપ્તા માટે 16 હજાર કરોડ રૂપિયાથી વધુની રકમ જાહેર કરી હતી. તે જ સમયે, ગયા વર્ષે 17 ઓક્ટોબરે પીએમ મોદીએ 12મો હપ્તો બહાર પાડ્યો હતો.

કચ્છના ગાંધીધામ થયેલી 1.45 કરોડની લૂંટનો ભેદ ઉકેલાયો,પાંચ આરોપીની ધરપકડ

ગુજરાતના કચ્છમાં ગાંધીધામ થયેલી લૂંટનો ભેદ ઉકેલાયો છે. જ્યારે રૂપિયા 1.45 કરોડની લૂંટ મામલે પાંચ આરોપીની ધરપકડ કરવામાં આવી છે. જેમા સગા ભત્રીજાએ મિત્રો સાથે મળીને લૂંટ ચલાવી હોવાનો ખુલાસો થયો છે. જેમાં સંબંધીના ઘરે રાખેલી રોકડ કાળું નાણું હોવાની આશંકા થતા લૂંટ ચલાવી હતી. આ સમગ્ર ઘટનાની વિગત મુજબ ગાંધીધામ 400 ક્વાર્ટરમાં 18 તારીખે લૂંટનો બનાવ બન્યો હતો અને ઘરમાં સેટીની અંદર રાખેલા પૈસા લઇ 3 શખ્સ ફરાર થઇ ગયા હતા.

Maharashtra: ઉદ્ધવ ઠાકરેના શિંદે-ફડણવીસ પર પ્રહાર, કહ્યુ- મારી સરકાર પડી નથી, કરચલાઓએ જ ડેમ તોડ્યો

મહારાષ્ટ્રમાં (Maharashtra) છેલ્લા ઘણા સમયથી રાજકીય ઉથલપાથલ ચાલી રહી છે. આ બધા વચ્ચે શિવસેના (ઉદ્ધવ બાળાસાહેબ ઠાકરે) પ્રમુખ ઉદ્ધવ ઠાકરેએ (Uddha Thackeray) આપેલા ઈન્ટરવ્યુનો કેટલોક ભાગ સામે આવ્યો છે. ઉદ્ધવ ઠાકરેએ તેમાં મુખ્યમંત્રી એકનાથ શિંદે અને ડેપ્યુટી સીએમ દેવેન્દ્ર ફડણવીસ પર આકરા પ્રહારો કર્યા છે. એક પ્રશ્નના જવાબમાં તેમણે કહ્યું કે, રાજ્યમાં તેમની સરકાર પડી નથી, પરંતુ કરચલાઓએ ડેમ જ તોડી નાખ્યો છે.

રાજ્યના ઓદ્યોગિક વિકાસને વેગ આપતો મુખ્યમંત્રી ભૂપેન્દ્ર પટેલનો વધુ એક નિર્ણય, બનાસકાંઠામા મુ઼ડેઠા ખાતે સ્થપાશે નવી ઓદ્યોગિક વસાહત

Gandhinagar: મુખ્યમંત્રી ભૂપેન્દ્ર પટેલે રાજ્યના અંતરિયાળ વિસ્તારોમાં ઔદ્યોગિક વિકાસ માટે મહત્વનો નિર્ણય કર્યો છે. તેમણે બનાસકાંઠામાં ડીસા તાલુકાના મુડેઠા ખાતે ગુજરાત ઔદ્યોગિક વિકાસ નિગમને નવી ઔદ્યોગિક વસાહતની સ્થાપના માટે 2,45,000 ચો.મી. જમીન ફાળવવા અંગેની મંજૂરી આપી છે.

Gandhinagar: વડાપ્રધાન નરેન્દ્ર મોદી 28 જૂલાઈએ ગાંધીનગરમાં સેમિકોન ઈન્ડિયા 2023નું કરશે ઉદ્દઘાટન

દિલ્હીના સમયપુર બાદલીમાં એક ફેક્ટરીમાં લાગી આગ

દિલ્હીના સમયપુર બાદલીના અંબે ગાર્ડનમાં એક ફેક્ટરીમાં આગ લાગવાના સમાચાર છે. આ અકસ્માતમાં એક વ્યક્તિનું મોત થયું છે જ્યારે અન્ય ચારનો આબાદ બચાવ થયો છે. મળતી માહિતી મુજબ ફેક્ટરીમાં આગ લાગવાનું કારણ શોર્ટ સર્કિટ જણાવવામાં આવી રહ્યું છે.

તેલંગાણા : સૂર્યપેટમાં સિમેન્ટ ફેક્ટરીમાં મોટી દુર્ઘટના, ઘણા લોકોના મોતની આશંકા

તેલંગાણાના સૂર્યપેટ જિલ્લાના મેલાચેરુવુ ગામમાં માય હોમ સિમેન્ટ ફેક્ટરીમાં એક મોટો અકસ્માત થયો છે. આમાં અનેક લોકોના મોતની આશંકા છે. આ અકસ્માત અંગે હજુ વધુ માહિતી આવવાની બાકી છે.

Breaking News : ઇસ્કોન બ્રિજ અકસ્માત કેસ મામલે જેગુઆર કંપનીનો રિપોર્ટ આવ્યો, જાણો શું થયા ખુલાસા

દિલ્લી-મુંબઈ નેશનલ હાઇવે ઉપર ચક્કાજામ, વાહનોની લાંબી કતાર

Maharashtra : હેલ્થ સિસ્ટમના નામે ખાલી વાતો, ખાટલાને બાઇક પર બાંધી લઇ જવી પડી લાશ

Iskcon Bridge Accident: ઈસ્કોન બ્રિજ અકસ્માતમાં કેસમાં તથ્ય પટેલના મિત્રો જ બનશે કોર્ટમાં સાક્ષી

મુસ્લિમ પક્ષે જ્ઞાનવાપી સર્વે સામે અલ્હાબાદ હાઈકોર્ટમાં અરજી કરી દાખલ

જ્ઞાનવાપીના સર્વેના મામલે મુસ્લિમ પક્ષે અલ્હાબાદ હાઈકોર્ટના મુખ્ય ન્યાયાધીશની કોર્ટમાં અરજી દાખલ કરી હતી. જેમાં તાકીદના આધારે સુનાવણીની માગ કરી હતી. વારાણસી ડિસ્ટ્રિક્ટ કોર્ટના 21 જુલાઈના આદેશ પર રોક લગાવવાની માગ કરવામાં આવી છે.

Gujarat News Live : સરકાર સામે અવિશ્વાસ પ્રસ્તાવ લાવવા વિપક્ષનો વિચાર

વિરોધ પક્ષોની આજની બેઠકમાં સરકાર સામે અવિશ્વાસની દરખાસ્ત લાવવાની બાબત પર ચર્ચા કરવામાં આવી હતી. સંસદના ચોમાસુ સત્રમાં વિપક્ષ દ્વારા મણિપુર હિંસા મુદ્દે સતત હોબાળો મચાવવામાં આવી રહ્યો છે. જેના કારણે સંસદની કાર્યવાહી પણ ખોરવાઈ જવા પામી છે.

Gujarat News Live : મણિપુરને લઈને સંસદમાં બબાલ યથાવત, લોકસભા 2 વાગ્યા સુધી સ્થગિત

લોકસભામાં મણિપુર હિંસાના મુદ્દે વિપક્ષે મચાવેલા હોબાળાને લઈને, અધ્યક્ષે સંસદની કાર્યવાહી 2 વાગ્યા સુધી સ્થગિત કરી દીધી છે. સરકારે મણિપુર હિંસા મુદ્દે ચર્ચા કરવાની તૈયારી દર્શાવી હોવા છતા, વિપક્ષે સંસદની બહાર ધરણા કર્યા છે.

Gujarat News Live : ટેકનિકલ ખામીને કારણે IRCTC પર ટિકિટ બુકિંગ બંધ થઈ ગયું

IRCTC પર ટિકિટ બુકિંગ થઈ રહ્યું નથી. ટેકનિકલ ખામીના કારણે આ સમસ્યા થઈ રહી છે. IRCTCએ ટ્વિટ કરીને આ અંગેની માહિતી આપી છે. ખામી સુધારવાના પ્રયાસો ચાલુ છે.

Gujarat News Live : હિમાચલ પ્રદેશઃ કુલ્લુમાં વાદળ ફાટ્યું, 5 મકાનો સંપૂર્ણપણે ક્ષતિગ્રસ્ત

હિમાચલ પ્રદેશના કુલ્લુમાં આજે સવારે લગભગ 4 વાગ્યે વાદળ ફાટ્યું છે. કુલ્લુની ગડસા ખીણના પંચનાલામાં વાદળ ફાટ્યું છે. વાદળ ફાટવાના કારણે 5 મકાનોને સંપૂર્ણ નુકસાન થયું છે અને 15 મકાનોને આંશિક નુકસાન થયું છે.

Gujarat News Live : ગુજરાતમાં છેલ્લા 24 કલાકમાં 201 તાલુકામાં વરસાદ, સૌથી વધુ સુરતના કામરેજમાં નોંધાયો

ગુજરાતમાં સોમવાર સવારના 6 વાગ્યાથી મંગળવાર સવારના છ વાગ્યા સુધીના 24 કલાકમાં 201 તાલુકામાં વરસાદ વરસ્યો છે. સૌથી વધુ વરસાદ સુરત જિલ્લાના કામરેજ તાલુકામાં નોંધાયો છે. કામરેજ તાલુકામાં 4 ઈંચ વરસાદ વરસ્યો છે. મંગળવાર સવાર સુધીમાં વરસેલા વરસાદથી રાજ્યમાં વર્તમાન ચોમાસામાં સરેરાશ 71 ટકા વરસાદ વરસી ચૂક્યો છે. કચ્છ વિસ્તારમાં 132 ટકા અને સૌરાષ્ટ્ર વિસ્તારમાં 105 ટકા વરસાદ આ ચોમાસામાં વરસ્યો છે.

Gujarat News Live : કેનેડાના પીએમ જસ્ટિન ટ્રુડો તેમના કેબિનેટમાં ફેરબદલ કરશે

સરકારી સૂત્રોએ જણાવ્યું છે કે કેનેડાના વડા પ્રધાન જસ્ટિન ટ્રુડો આ અઠવાડિયે તેમના કેબિનેટમાં ફેરબદલ કરવાની યોજના બનાવી રહ્યા છે. તે એવા મંત્રીઓને બદલવાની સંભાવના છે કે, જેઓ તેમના મંત્રી તરીકેના હોદ્દા પર રહ્યા છતા યોગ્ય દેખાવ કે ઉત્તમ કામગીરી કરી શકયા નથી, અથવા જેમને આગામી ચૂંટણીમાં ફરીથી લડાવવાનું વિચારતા નથી.

Gujarat News Live : સીએમ ઓફિસ પર હુમલા બાદ મેઘાલયના તુરા શહેરમાં રાત્રિ કર્ફ્યુ લાદવામાં આવ્યો

સોમવારે સાંજે તુરામાં મેઘાલયના મુખ્યમંત્રી કોનરાડ સંગમાની ઓફિસ પર થયેલા હુમલા બાદ, શહેરમાં નાઇટ કર્ફ્યુ લાદવામાં આવ્યો છે. જણાવી દઈએ કે સીએમ સંગમા સુરક્ષિત છે, પરંતુ આ હુમલામાં તેમના પાંચ સુરક્ષાકર્મીઓ ઘાયલ થયા છે.