24 ઓગસ્ટના મહત્વના સમાચાર : ગુજરાતમાં 7 દિવસ સામાન્ય વરસાદ થવાની હવામાન વિભાગે કરી આગાહી
આજે 24 ઓગસ્ટને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
અમદાવાદઃ બહેરામપુરામાં પથ્થરમારો, વાહનોને નુકસાન
અમદાવાદના બહેરામપુરા પોલીસ ચોકી નજીક પ્રોપર્ટીના વિવાદને લઈને એક જ કોમના બે જૂથ વચ્ચે બોલાચાલી બાદ ઘર્ષણ થયું હતું. રકઝક ઉગ્ર બનતા બંને જૂથ વચ્ચે પથ્થરમારો થયો હતો, જેના પગલે વિસ્તારમાં ભારે તંગદિલી ફેલાઈ હતી. ટોળાએ પાર્ક કરેલા કેટલાક વાહનોને પણ નુકસાન પહોંચાડ્યું હતું. ઘટનાને પગલે પોલીસ કાફલો ઘટનાસ્થળે દોડી આવ્યો હતો. બંને પક્ષો દ્વારા દાણીલીમડા પોલીસ મથકે ગુનો નોંધવાની તજવીજ હાથ ધરાઈ છે.
-
મહારાષ્ટ્રના અમરાવતીમાં હોસ્પિટલના શિશુ વોર્ડમાં ભીષણ આગ, 3 નવજાતના મોત
મહારાષ્ટ્રના અમરાવતી જિલ્લામાં જિલ્લા મહિલા હોસ્પિટલના શિશુ વોર્ડમાં વહેલી પરોઢે ભીષણ આગ લાગતા ત્રણ નવજાતના કરૂણ મોત થયા હતા. પ્રાથમિક માહિતી મુજબ NICUના વેન્ટિલેટરમાં વિસ્ફોટ બાદ આગ ફાટી નીકળી હતી. આગની ઘટનામાં બચી ગયેલા છ નવજાત બાળકોને તાત્કાલિક અન્ય હોસ્પિટલમાં ખસેડવામાં આવ્યા હતા. ઘટનાને પગલે હોસ્પિટલ તંત્ર દ્વારા બચાવ કામગીરી હાથ ધરવામાં આવી હતી.
-
-
ગુજરાતમાં સમગ્ર સિઝનમાં 13 ટકા વધુ વરસાદ
ગુજરાતમાં સમગ્ર સિઝન દરમિયાન સામાન્ય કરતા 13 ટકા વધુ વરસાદ નોંધાયો છે. જોકે, રાજ્યના અલગ-અલગ વિસ્તારોમાં વરસાદની સ્થિતિમાં મોટો તફાવત જોવા મળી રહ્યો છે. સૌરાષ્ટ્ર-કચ્છ વિસ્તારમાં સામાન્ય કરતા 26 ટકા ઓછો વરસાદ નોંધાયો છે. આ વિસ્તારમાં હજુ પણ વરસાદની ઘટ યથાવત છે. સમગ્ર રાજ્યની સરેરાશ સ્થિતિ જોતા હજુ સામાન્ય કરતા 4 ટકા વરસાદની ઘટ છે. આગામી દિવસોમાં વરસાદની સ્થિતિમાં વધુ સુધારો થવાની શક્યતા છે.
-
આગામી 7 દિવસ સામાન્ય વરસાદની આગાહી
ગુજરાતમાં આગામી 7 દિવસ દરમિયાન સામાન્ય વરસાદની આગાહી કરવામાં આવી છે. હવામાન વિભાગના જણાવ્યા મુજબ સાયક્લોનિક સર્ક્યુલેશન, લો પ્રેશર અને મોન્સૂન ટ્રફ સક્રિય હોવા છતાં આગામી સાત દિવસ દરમિયાન ભારે વરસાદની શક્યતા નથી. આગામી દિવસોમાં અમદાવાદ સહિત કેટલાક વિસ્તારોમાં વાદળછાયું વાતાવરણ જોવા મળી શકે છે. જોકે, ભારે વરસાદને લઈને હાલ કોઈ મોટી આગાહી કરવામાં આવી નથી.
આજે 24 ઓગસ્ટને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Aug 24,2026 7:13 AM
