19 મેના મહત્વના સમાચાર: રાજ્યમાં ગરમીમાંથી મળશે આંશિક રાહત, તાપમાનમાં એકથી બે ડિગ્રી ઘટવાનું અનુમાન
આજે 19 મેને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
બનાસકાંઠા: દાંતામાં પૌરાણિક અંબાજી માતાના મંદિરમાં લાગી આગ
બનાસકાંઠાના દાંતા તાલુકામાં આવેલા પૌરાણિક અંબાજી માતાના મંદિરમાં અચાનક આગ લાગતા અફરાતફરીનો માહોલ સર્જાયો હતો. આગ મંદિરની છત તેમજ બાજુમાં આવેલી ફિલ્મ સિટીના અંબા મહેલ સુધી ફેલાઈ ગઈ હતી. મંદિરની પાછળ આવેલા ફિલ્મ સિટીના અનેક ઓરડાઓ આગની ચપેટમાં આવતા ભારે નુકસાન થયું હતું. દાંતામાં પૂરતી ફાયર સુવિધાનો અભાવ હોવાને કારણે આગે થોડા જ સમયમાં વિકરાળ સ્વરૂપ ધારણ કર્યું હતું અને અનેક ઓરડાઓ બળીને ખાખ થઈ ગયા હતા. ઘટનાની જાણ થતાં અંબાજીથી ફાયર બ્રિગેડની ટીમ તાત્કાલિક દોડી આવી હતી અને ભારે જહેમત બાદ આગ પર કાબૂ મેળવ્યો હતો. હાલ આગ કયા કારણોસર લાગી તે અંગે તંત્ર દ્વારા તપાસ હાથ ધરવામાં આવી છે.
-
આગ ઝરતી ગરમીમાં દેશના અનેક રાજ્યો શેકાયા
દેશભરમાં આગ ઝરતી ગરમીનો કહેર યથાવત રહ્યો છે. ઉત્તર ભારતના અનેક રાજ્યોમાં હીટવેવ જેવી સ્થિતિ સર્જાતા જનજીવન પર ગંભીર અસર જોવા મળી રહી છે. દેશના 22થી વધુ શહેરોમાં તાપમાન 45 ડિગ્રીને પાર પહોંચતા લોકો ગરમીથી ત્રાહિમામ પોકારી ઉઠ્યા છે. રાષ્ટ્રીય રાજધાની દિલ્લીમાં 43 ડિગ્રી સાથે સિઝનનો સૌથી ગરમ દિવસ નોંધાયો હતો. બીજી તરફ રાજસ્થાન અને મધ્ય પ્રદેશમાં ભારે ગરમીને ધ્યાનમાં રાખીને હવામાન વિભાગે ઓરેન્જ એલર્ટ જાહેર કર્યું છે. તાપમાનમાં સતત વધારો થતાં બપોરના સમયે રસ્તાઓ સૂમસામ જોવા મળી રહ્યા છે.
-
-
રાજ્યમાં ગરમીમાંથી મળશે આંશિક રાહત
આજે 19 મેને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - May 19,2026 7:36 AM
