07 જૂનના મહત્વના સમાચાર : સરકારે રસોડાની રસોઈ કરી મોંધી ! ઘરેલુ LPG સિલિન્ડરના ભાવમાં આજથી જ રૂ.29નો કર્યો વધારો
Gujarat Live Updates આજ 07 જૂનના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો..
LIVE NEWS & UPDATES
-
દક્ષિણ ગુજરાતના ઉકાઈમાં ભૂકંપનો આંચકો
દક્ષિણ ગુજરાતના ઉકાઈમાં ભૂકંપનો આંચકો. ભૂકંપનું કેન્દ્રબિંદુ ઉકાઇથી 32km દૂર નોંધાયું છે. સિસ્મોગ્રાફ પર ઉકાઈ નજીક આવેલા ભૂકંપના આંચકાની તીવ્રતા 2.7 મેગ્નિટ્યુડ નોંધાઈ છે.
-
જામનગરમાં યુવાને પીધી ઝેરી દવા, પોલીસે દમન ગુજાર્યું હોવાનો કર્યો આક્ષેપ
જામનગરમાં, પોલીસને દમન ગુજાર્યું હોવાનો આક્ષેપ કરીને આરોપી દ્વારા દવા પી આપઘાતનો પ્રયાસ કર્યો છે. પોલીસ કાર્યવાહીથી બચવા માટે આત્મહત્યાનો પ્રયાસ કર્યાનો ગંભીર આક્ષેપો થઈ રહ્યાં છે. મારામારીના ગુનામાં આરોપી રહેલા યુવકે પોલીસ પર મારપીટના ગંભીર આરોપ લગાવ્યા છે. ડીવાયએસપી જયવીરસિંહ ઝાલા સામે ઢોર માર માર્યાનો આક્ષેપ. થોડા દિવસ અગાઉ હોટલ વિશાલ પાસે થયેલા પ્રકરણમાં પોલીસ કાર્યવાહી કરાઈ હતી. પોલીસ દ્વારા પૂછપરછ અને કાર્યવાહી બાદ યુવકે દવા પી હોવાનું સામે આવ્યું. ધર્મેન્દ્રસિંહ વીરેન્દ્રસિંહ સોઢા હાલ જી.જી. હોસ્પિટલમાં સારવાર હેઠળ છે.
-
-
સરકારે રસોડાની રસોઈ કરી મોંધી ! ઘરેલુ LPG સિલિન્ડરના ભાવમાં આજથી જ રૂ.29નો કર્યો વધારો
પેટ્રોલ અને ડીઝલના રોજબરોજ વધતા જતા ભાવની સાથે સાથે હવે સરકારે ઘરેલુ LPG સિલિન્ડરના ભાવમાં વધારો કર્યો છે. જોકે, 28 ફેબ્રુઆરીથી શરૂ થયેલા ઈરાન, ઇઝરાયલ અને અમેરિકાના સંઘર્ષને કારણે ગેસ કે ઈંધણના પુરવઠામાં કોઈ નોંધપાત્ર વિક્ષેપ પડ્યો નથી, આમ છતાં સરકારે ઘરેલુ LPG સિલિન્ડરના ભાવમાં આજે 7 જૂનને રવિવારથી જ અમલમાં આવે તે રીતે રૂપિયા 29નો વધારો લોકોના માથે ઝીક્યો છે.
આજે 07 જૂનને રવિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jun 07,2026 7:20 AM
