Breaking News : કોમનવેલ્થ ગેમ્સમાં એક જ દિવસમાં ભારતે ગોલ્ડ સહિત જીત્યા 2 મેડલ, જુઓ CWG મેડલનું લિસ્ટ

કોમનવેલ્થ 2026નો ચોથો દિવસ ભારત માટે ગુડ ન્યુઝ લઈને આવ્યો હતો. જેમાં દેશના ખાતામાં કુલ 3 મેડલ આવ્યા હતા. જેમાં સૌથી મોટી સફળતા વેટલિફ્ટર મીરાબાઈ ચાનુએ આપી હતી. જેમણે ગોલ્ડ મેડલ જીતી ઈતિહાસ રચ્યો હતો. આ ગ્લાસગો ગેમ્સમાં ભારતનો પહેલો ગોલ્ડ મેડલ હતો પરંતુ તેના સિવાય 2 સિલ્વર મેડલ પણ વેટલિફ્ટિંગમાં આવ્યા હતા. જેમાં બીજો મેડલ ખુબ ખાસ છે. જે રાજા મુતુપંડિએ જીત્યો હતો. 8 વર્ષ બાદ કોમનવેલ્થમાં પરત ફરેલા રાજાએ 286 કિલોગ્રામનું વજન ઉઠાવી સિલ્વર મેડલ પોતાને નામ કર્યો હતો.

રવિવાર 26 જુલાઈના રોજ ગ્લાસગો કોમનવેલ્થ ગેમ્સ 2026ના ચોથા દિવસે ભારતીય વેટલફિટ્રોનો જલવો રહ્યો હતો. જેની શરુઆત ઋષિકાંતા સિંહએ કરી હતી. જેમણે પુરુષોના 60 કિલોગ્રામ ભારવર્ગમાં સિલ્વર મેડલ જીત્યો હતો. ઓલિમ્પિક મેડાલિસ્ટ મીરાબાઈ ચાનુએ કોમનવેલ્થ ગેમ્સમાં ગોલ્ડ મેડલની હેટ્રિક લગાવી ઈતિહાસ રચ્યો હતો. દિવસની છેલ્લી વેટલિફ્ટિંગ ઈવેન્ટમાં રાજા મુતુપંડીએ ભારત માટે દાવેદારી રજુ કરી અને 26 વર્ષના આ વેટલિફ્ટરના હાથમાં મેડલ આવ્યું હતુ.

CWG 2026માં ભારતના મેડલ વિજેતાઓ

તમને જણાવી દઈએ કે, કોમનવેલ્થ ગેમ્સ 2026માં ભારત માટે પહેલો મેડલ પહેલા દિવસે ભારતના પેરા-એથલિટ ઝંડુ કુમારે બ્રોન્ઝ મેડલ સાથે શરુ આત કરી હતી. તેમજ વેટલિફ્ટર ચનામબમ ઋષિકાંતા સિંહે સિલ્વર મેડલ જીત્યો છે. તો મીરાબાઈ ચાનુએ કોમનવેલ્થ ગેમ્સમાં ગોલ્ડ મેડલ જીત્યો છે.

મીરાબાઈ ચાનુને એક મોટી સફળતા મળી છે. તેમણે વેટલિફ્ટિંગમાં સતત ત્રીજી વખત કોમનવેલ્થ ગેમ્સમાં ગોલ્ડ મેડલ જીત્યો છે. કોમનવેલ્થ ગેમ્સ 2026માં ભારતનો આ પહેલો ગોલ્ડ મેડલ છે. 48 કિલોગ્રામ ઈવેન્ટમાં મીરાબાઈ ચાનુએ કુલ 190 કિલો વજન ઉઠાવ્યું હતુ.

મીરાબાઈ ચાનુએ ફરી ત્રિરંગો લહેરાવ્યો

મીરાબાઈ ચાનુએ ગ્લાસગો કોમનવેલ્થ ગેમ્સ 2026 માં ભારત માટે પહેલો ગોલ્ડ મેડલ જીત્યો, મહિલાઓની 48 કિલોગ્રામ ઇવેન્ટમાં કુલ 190 કિલોગ્રામ વજન ઉપાડ્યું. તે અગાઉ 2018 ગોલ્ડ કોસ્ટ અને 2022 બર્મિંગહામ કોમનવેલ્થ ગેમ્સમાં ભારત માટે ગોલ્ડ મેડલ જીત્યા હતા. આ વખતે વેઇટલિફ્ટિંગ સ્ટેજ પર પોતાનું વર્ચસ્વ ચાલુ રાખ્યું. મીરાબાઈ ચાનુને વડાપ્રધાન નરેન્દ્ર મોદીએ પણ શુભકામના પાઠવી છે.

કોમનવેલ્થમાં સતત ત્રણ ગોલ્ડ મેડલ જીતનાર અને ઓલિમ્પિકમાં દેશને ગૌરવ અપાવનાર મીરાબાઈ ચાનુના પરિવારમાં કોણ છે? અહી ક્લિક કરો