03 ડિસેમ્બરના મહત્વના સમાચાર : રાજ્યસભામાં ઝીરો અવરમાં ગૂંજ્યો ખ્યાતિ હોસ્પિટલ કાંડનો મુદ્દો, શક્તિસિંહે કહ્યુ સમજી વિચારીને કરાયેલુ ષડયંત્ર, ન માત્ર અમદાવાદ કે ગુજરાત પૂરતુ પરંતુ દેશવ્યાપી રેકેટ, CBI તપાસ જરૂરી

જુનાગઢ: દેવલોક તનસુખગીરી બાપુના નિવાસસ્થાને મામલતદાર ટીમે કરી તપાસ

• જુનાગઢ: ગિરનાર અંબાજી મંદિરના મહંત પદનો વિવાદ
• દેવલોક તનસુખગીરી બાપુના નિવાસસ્થાને મામલતદાર ટીમે કરી તપાસ
• ભીડ ભંજન મહાદેવ મંદિરમાં સીલ કરાયેલા રૂમને ખોલવામાં આવ્યો
• તનસુખગીરીના રૂમમાંથી સોનું ચાંદી પણ નીકળ્યું
• આવતીકાલે સંપૂર્ણ યાદદી તૈયાર કરવામાં આવશે
• મામલતદાર અને સમગ્ર ટીમ તથા પરિવારને સાથે રાખીને રૂમમાં તપાસ હાથ ધરાઈ
• ભવિષ્યમાં કોઈ વિવાદ ન થાય તે માટે રૂમમાં રહેલી તમામ વસ્તુની યાદી બનાવાઈ
• તનસુખગીરી બાપુના દેહ વિલય બાદ તંત્ર દ્વારા સીલ કરાયો હતો રૂમ
• કલેક્ટર દ્વારા હાલ અંબાજી મંદિરનો વહીવટ મામલતદારને સોંપાયો છે

અમદાવાદ: કિડની હોસ્પિટલમાં નર્સની ભરતીનો વિવાદ

• અમદાવાદ: કિડની હોસ્પિટલમાં નર્સની ભરતીનો વિવાદ
• હોસ્પિટલમાં નર્સ ઉમેદવારોનું આંદોલન યથાવત
• ગેટ બંધ કરી દેવાતા ઉમેદવારોમાં રોષ
• સરકાર-સંસ્થા એકબીજાને ખો આપતી હોવાનો ઉમેદવારોનો આક્ષેપ
• IKDRC દ્વારા સ્ટાફ નર્સની પોસ્ટ ઘટાડ્યા બાદ વકર્યો વિવાદ
• ભરતીની જાહેરાત સમયે 650 જગ્યા માટે કરાઈ હતી જાહેરાત
• પાછળથી ઘટાડો કરીને 430 જગ્યા કરાતાં વિવાદ
• 430 જગ્યા ઉપર પણ ભરતીની ખાતરી નહીં નો ઉમેદવારોનો આક્ષેપ

ભાજપની ભગીની સંસ્થાના હોદ્દેદારો જ BZ ગ્રુપના એજન્ટ: પાર્થિવરાજ કઠવાડિયા

• BZ ગ્રુપના કૌભાંડ મુદ્દે ગરમાયું રાજકારણ
• કોંગ્રેસ પ્રવક્તા પાર્થિવરાજસિંહ કઠવાડીયાના ગંભીર આક્ષેપ
• ભાજપની ભગીની સંસ્થાના હોદ્દેદારો જ BZ ગ્રુપના એજન્ટ: પાર્થિવરાજ
• “ગાંધીનગર BZ ઓફિસનો એજન્ટ અમનસિંહ ચાવડા ABVPનો પૂર્વ સહમંત્રી”
• અમનસિંહ ચાવડાએ મે મહિનામાં સેક્ટર 11માં શરૂ કરી હતી BZ ફાયનાન્સ ઓફિસ
• CID ક્રાઈમની ઓફિસથી નજીક છતાં હજુ તપાસ કેમ નહીં ?: પાર્થિવરાજ
• પોલીસ અમનસિંહ ચાવડા સામે ફરિયાદ દાખલ કરે તેવી માંગ
• ભાજપના નેતાઓ સાથે કૌભાંડીઓ સીધા સંપર્કમાં હોવાનો કોંગ્રેસનો આક્ષેપ

અમદાવાદના લાંભા વોર્ડમાં દૂષિત પીવાનું પાણી આવતા સ્થાનિકો પરેશાન

છેલ્લા 10 વર્ષથી લાંભા વિસ્તારનો અમદાવાદ મહાનગરપાલિકામાં સમાવેશ કરાયો છે. છતાં અહીંના લોકો પાયાની સુવિધાઓથી વંચિત હોવાથી લોકોમાં તંત્ર સામે ભારે આક્રોશ જોવા મળી રહ્યો છે. ઘણા સમયથી પીવાનું પાણી દૂષિત આવતું હોવાથી સ્થાનિકો ત્રાહિમામ પોકારી ઉઠ્યા છે. આપ જોઈ શકો છો મહિલાઓના હાથમાં જે બોટલ છે.. એ ગટરનું નહીં પરંતુ પીવાનું પાણી છે જે સ્થાનિકોને પીવા માટે આપવામાં આવી રહ્યું છે. આ ઉપરાંત રસ્તા, ડ્રેનેજ લાઈન સહિત પ્રાથમિક સુવિધાઓ ન મળતા લોકોએ AMC સામે બાંયો ચઢાવી છે અને તાત્કાલિક ધોરણે તમામ સમસ્યાનું નિરાકરણ લાવવાની માગ કરી છે. પરંતુ કોઈ નિરાકરણ ન આવતા વિપક્ષે સત્તાપક્ષની કામગીરી પર સવાલ ખડા કર્યા છે..

રાજકોટઃ શહેરની કાયદો અને વ્યવસ્થાની સ્થિતિ કથળવાનો પુરાવો

રાજકોટઃ શહેરની કાયદો અને વ્યવસ્થાની સ્થિતિ કથળવાનો પુરાવો સામે આવ્યો છે. એક જ ટોળકીએ એક રાતમાં જ હત્યા સહિતના ચાર ગુના આચર્યા. માત્ર દોઢ કલાકની અંદર હત્યાના પ્રયાસ સહિતની ચાર ઘટનાઓ બની. ટોળકીના 3 શખ્શો સહિત એકની ધરપકડ થઇ છે. ભગવતી ઓવરબ્રિજ પર માવા મામલે છરી વડે હુમલો કર્યો. ગ્રીનલેન્ડ ચોકડી પાસે પાણીપુરીની લારી ચલાવતો વ્યકિત લૂંટાયો.

વડોદરાઃ ઊર્મિ સ્કૂલમાં વિદ્યાર્થીઓ વચ્ચે મારામારી

વડોદરાઃ ઊર્મિ સ્કૂલમાં વિદ્યાર્થીઓ વચ્ચે મારામારી થવાની ઘટના સામે આવી છે. ક્રિકેટ રમવાની વાતને લઈને મારામારી સર્જાઇ હતી. મારામારીની ઘટનામાં 5 વિદ્યાર્થીઓ ઇજાગ્રસ્ત થયા છે. એકને માથાના ભાગે ઇજા, તો અન્યને નાની ઈજા પહોંચી છે. સ્કૂલમાં અભ્યાસ કરતા બાળકોની સુરક્ષા મુદ્દે સવાલ ઉઠ્યા છે. મારામારી સમયે શિક્ષક હાજર હતા કે નહિં એ પણ સવાલ ઠેય વિદ્યાર્થીઓ વચ્ચે મારામારીને પગલે વાલીઓમાં રોષ જોવા મળી રહ્યો છે.

સુરત: હીરા ઉદ્યોગમાં મંદીને કારણે ચોરીના રવાડે ચઢનાર આરોપી ઝડપાયો

સુરત: હીરા ઉદ્યોગમાં મંદીને કારણે ચોરીના રવાડે ચઢનાર આરોપી ઝડપાયો છે. પુણાગામ ખાતેથી ક્રાઈમ બ્રાન્ચે આરોપીની ધરપકડ કરી છે. કામની શોધમાં ફરવા માટે વાહનની જરૂર હોવાથી બાઈકની ચોરી કરી હોવાનું સામે આવ્યુ છે. આરોપી હીરાના કારખાનામાં મજૂરી કામ કરતો હોવાનું સામે આવ્યું છે. દિવાળી પછી હીરા ઉદ્યોગમાં મંદી આવી જતા આરોપી બેરોજગાર હતો. બાઈકની ચોરી કર્યા આરોપી બાદ નંબર પ્લેટ કાઢીને ચલાવતો હતો.

આવતીકાલે રાજ્યના મુખ્ય પ્રધાન ભૂપેન્દ્ર પટેલ જશે દિલ્લી

આવતીકાલે રાજ્યના મુખ્ય પ્રધાન ભૂપેન્દ્ર પટેલ દિલ્હી જશે. મુખ્ય પ્રધાન સહિત રાજ્યનું મંત્રી મંડળી દિલ્હીના પ્રવાસે જશે. ભાજપના પ્રદેશ પ્રમુખ સી.આર.પાટીલ દ્વારા સ્નેહમિલનનું આયોજન કરવામાં આવ્યુ છે. ગુજરાત ભાજપના તમામ ધારાસભ્ય, સાંસદને દિલ્હી માટે આમંત્રણ મળ્યુ છે. સ્નેહમિલનમાં PM મોદી તથા કેન્દ્રીય ગૃહમંત્રી અમિત શાહ પણ હાજર રહે એવી શક્યતા છે.

સુરત: પતંગની દોરીએ લીધો વધુ એકનો જીવ

સુરત: પતંગની દોરીએ લીધો વધુ એકનો જીવ લીધો છે. ઓલપાડના કિમ ગામે પતંગની દોરીથી 37 વર્ષના યુવકનું મોત થયુ છે. રેલવે ઓવરબ્રિજ પર ગત સાંજે યુવકનું ગળુ કપાયું હતું. યુવકને સારવાર માટે ખાનગી હોસ્પિટલ લઈ જવાયો હતો. પ્રાથમિક સારવાર બાદ સુરત સિવિલમાં ખસેડતી વખતે યુવકનું મોત થયુ. મૃતક યુવક ઉમરપાડા તાલુકાના શરદા ગામનો રહેવાસી હોવાની માહિતી છે.

સુરત: વરાછા વિસ્તારમાં અસામાજિક તત્વોનો આતંક

સુરત: વરાછા વિસ્તારમાં અસામાજિક તત્વોનો આતંક જોવા મળી રહ્યો છે. અર્ચના સ્કૂલની બાજુમાં આવેલી દુકાનોમાં તોડફોડ કરી. રાત્રી દરમિયાન આંતક મચાવતા ઈસમો CCTVમાં કેદ થયા છે. લુખ્ખાતત્વોની દાદાગીરીના CCTV વાયરલ થયા છે.

વડોદરા : ક્રિકેટર યુસુફ પઠાણે કરેલા દબાણ દૂર કરવાની માગણી

વડોદરા : ક્રિકેટર યુસુફ પઠાણે કરેલા દબાણ દૂર કરવાની માગણી ઉઠી છે. વિશ્વામિત્રી બચાવો સમિતિ દ્વારા માગણી કરાઇ છે. પાલિકાના દસ હજાર પાચસો ફૂટ પ્લોટ કબજે કર્યો હોવાનો આક્ષેપ છે. 12 વર્ષથી દબાણ કર્યુ હોવાનો આક્ષેપ છે. મામલો કોર્ટમાં હોવાથી કાર્યવાહી નહીં થતી હોવાનો પાલિકાનો દાવો છે.

અમદાવાદ : ઇસ્કોન બ્રિજ અકસ્માત કેસ

અમદાવાદ : ઇસ્કોન બ્રિજ અકસ્માત કેસમાં આરોપી તથ્ય પટેલના નિયમીત જામીન અંગે આજે ચુકાદો છે. જામીન અરજી પર ગ્રામ્ય સેશન્સ કોર્ટ આજે ચુકાદો આપશે.

આજે રાજ્યભરની ખાનગી પ્રી પ્રાયમરી શાળાઓ બંધ

આજે રાજ્યભરની ખાનગી પ્રી પ્રાયમરી શાળાઓ બંધ. પ્રી પ્રાયમરી શાળાઓના બનેલા નિયમના વિરોધમાં બંધ પાળવામા આવ્યો. નવા નિયમ મુજબ પ્રી સ્કૂલ માટે 15 વર્ષનો ભાડા કરાર જરૂરી છે. શાળાની જેમ પ્રી સ્કૂલ ચલાવવા માટે પણ ટ્રસ્ટ ફરજિયાત કરવામાં આવ્યું. પ્રિ સ્કૂલ માટે રેસિડેન્શિયલ, કોમર્શિયલ કે એજ્યુકેશનલ ત્રણેય માંથી કોઈપણ BU મંજૂર રાખવા માગ.