01 મેના મહત્વના સમાચાર : મોંધવારીના નામે મત મેળવનાર મોદી સરકાર નહીં મોંધી સરકાર, હવે પેટ્રોલ ડિઝલમા ખિસ્સા ખાલી કરાવશેઃ કોંગ્રેસ

કડીમાં SMC એ ઝડપ્યો 35.70 લાખના મુદ્દામાલ સાથેનો દારૂ

કડીમાં SMC નો સપાટો, 35.70 લાખના મુદ્દામાલ સાથે દારૂ ઝડપાયો. કડીની નારે કોરોલા ફાર્મા કંપની પાસે સ્ટેટ મોનિટરિંગ સેલનો દરોડો. વાહનમાંથી રૂપિયા 25.46 લાખની 7272 વિદેશી દારૂની બોટલ જપ્ત. ભૂસાની આડમાં સંતાડીને લઈ જવાતો હતો વિદેશી દારૂનો જથ્થો. દારૂ, વાહન, રોકડ અને મોબાઈલ મળી કુલ રૂ. 35.70.820 નો મુદ્દામાલ રિકવર કરાયો છે. દાંતીવાડાના 2 આરોપીઓ ઝડપાયા, સપ્લાયર સહિત 7 શખ્સો વોન્ટેડ.

નવી બંધાતી બિલ્ડગમાંથી ઈલેક્ટ્રીક વાયર ચોરી જતી ગેંગ ઝડપાઈ

જામનગરમાં ઇલેક્ટ્રિક કેબલ વાયરની ચોરી કરતી ગેંગ ઝડપાઇ. શહેરમાં નવા બાંધકામો પરથી ઇલેક્ટ્રીક વાયરની કરતા ચોરી. ત્રણ નવા બાંધકામો પરથી વાયરની ચોરી થવાની ફરિયાદ નોંધાઈ હતી. ફરિયાદ બાદ આરોપીઓને પકડવા ચક્રો કર્યા હતા ગતિમાન. પોલીસે 48 નંગ ઇલેક્ટ્રિક વાયર, મોટરસાયકલ સહિતનો મુદ્દમાલ જપ્ત કર્યો. સંજય રાઠોડ, પરબત રાઠોડ અને અમિતની ધરપકડ કરવામાં આવી. સુમાર પરમાર નામનો શખ્સ ફરાર હોવાનું સામે આવ્યું. પોલીસે રૂ.2.04 લાખનો મુદ્દામાલ પોલીસે જપ્ત કર્યો. સમગ્ર મામલે ગુનો નોંધી વધુ તપાસ હાથ ધરી.

અમદાવાદના વટવા અને નારોલ વિસ્તારમાં અસામાજીક તત્વોએ વાહનો અને મકાનમાં કરી તોડફોડ

વટવા અને નારોલ વિસ્તારમાં એક જ દિવસે બે ઘટનાઓ. પોલીસે સગીર અને મહિલાઓ સહિત 5 આરોપીની ધરપકડ કરી. આયેશા ઉર્ફે આશા ગેંગનો ખુલ્લેઆમ આતંક. ગેંગ દ્વારા સોસાયટીમાં તોડફોડ અને દહેશત ફેલાવવાનો પ્રયાસ. વાહનો અને મકાનના દરવાજા-બારણાને પહોંચાડ્યું નુકસાન. 25 માર્ચે પણ નારોલના સોફિયા પાર્કમાં કરી હતી તોડફોડ. તલવાર અને ધારીયા જેવા હથિયારો સાથે ગેંગ સક્રિય. નારોલ પોલીસે ગુનો નોંધી તપાસ શરૂ કરી

ગુજરાત રાજ્ય GST વિભાગની આવક 44 % વધીને રૂપિયા 9,916 કરોડની થઈ

ગુજરાત રાજ્ય GST વિભાગની આવકમાં 44 % નો વધારો નોંધાયો છે. એપ્રિલ-2026 માં રૂપિયા 9,916 કરોડની થઈ આવક. ગત વર્ષે GST ને એપ્રિલ-2026 માં થઈ હતી રૂપિયા 6,901 કરોડની આવક. GST ના અમલીકરણ બાદની સૌથી ઊંચી માસિક આવક. રાષ્ટ્રીય કક્ષાએ GST આવકનો ગ્રોથ 8.7% રહ્યો. વેટ હેઠળ એપ્રિલ-2026 માં 2,711 કરોડ, વિદ્યુત શુલ્ક હેઠળ 1,055 કરોડ અને વ્યવસાય વેરા હેઠળ 21 કરોડની થઈ આવક. આમ કુલ આવક 13,703 કરોડની આવક નોંધવામાં આવી.

મોંધવારીના નામે મત મેળવનાર મોદી સરકાર નહીં મોંધી સરકાર, હવે પેટ્રોલ ડિઝલમા ખિસ્સા ખાલી કરાવશેઃ કોંગ્રેસ

કોમર્શિયલ ગેસ સિલિન્ડરના ભાવ વધારા અંગે કોંગ્રેસ પ્રવક્તા મનીષ દોશીની પ્રતિક્રિયા આપતા કહ્યું કે, મોદી સરકાર સૌથી મોંઘી સરકાર છે. રેસ્ટોરન્ટો અને નાના ધાબાઓ પર ભાવ વધારાની સીધી અસર થાય છે. 1 જાન્યુઆરીથી અત્યાર સુધીમાં 7 વાર કોમર્શિયલ ગેસમાં ભાવ વધારો કરાયો છે. કોમર્શિયલ ગેસના સિલિન્ડરનો ભાવ 3100 રૂપિયા થશે. 2026માં કોમર્શિયલ ગેસના ભાવમાં રૂ.1500 સુધીનો વધારો થયો છે. ચૂંટણી પૂર્ણ થતા હજી પણ અનેક ક્ષેત્રમાં ભાવ વધારો આવશે એવું લાગી રહ્યું છે. માર્ચ મહિનામાં ઘરેલું ગેસ પર પણ ભાવ વધારો કર્યો હતો પણ ચૂંટણી હોવાથી વધુ ભાવ વધારો કર્યો નહોતો. મોંઘવારીના નામે મતો મેળવ્યા એ જ સરકાર આજે સૌથી મોંઘી સરકાર સાબિત થઈ રહી છે. કોમર્શિયલ ગેસ,પેટ્રોલ-ડીઝલનો કેટલો જથ્થો છે તેની વિગતો સરકાર જાહેર કરે. પેટ્રોલ ડીઝલના ભાવ વધારા માટે પણ જનતા તૈયારી રાખે.

જગદીશ વિશ્વકર્માએ મહિલાઓના પાલવ સુધીની વાત કરીને ઠાકોર સમાજની દીકરી અને દલિત સમાજના નેતાનું અપમાન કર્યુંઃ બળદેવ ઠાકોર

ભાજપ પ્રદેશ પ્રમુખના વિવાદિત નિવેદન મુદ્દે બળદેવજી ઠાકોર લાલઘૂમ થયા છે. જગદીશ વિશ્વકર્માએ સાંસદ ગેનીબેન ઠાકોર વિશે કરેલી ટિપ્પણીની કરી આકરી નિંદા. મહિલાઓના પાલવ સુધી વાત પહોંચાડવી એ ભાજપ નેતાનો અતિ અભદ્ર વ્યવહાર. ઠાકોર સમાજની દીકરી અને દલિત સમાજના નેતાનું અપમાન કર્યું હોવાનો આક્ષેપ કર્યો છે. જગદીશ વિશ્વકર્માને બાળબુદ્ધિ ગણાવી તાત્કાલિક જાહેરમાં માફી માંગવા કરી માંગ. જો માફી નહીં મંગાય તો ભાજપના આગામી કાર્યક્રમોનો સખત વિરોધ કરવાની આપી ચીમકી. નારી સન્માનની વાતો કરતી ભાજપ પાર્ટીના પ્રમુખને બોલવાનું ભાન ન હોવાનો કટાક્ષ. સમગ્ર મામલે માતૃશક્તિ અને સમાજને આગળ આવી વિરોધ નોંધાવવા બળદેવજીની અપીલ.

દ્વારકામાં દબાણ હટાવ ઝુંબેશ યથાવત

દ્વારકા જિલ્લામાં દબાણ હટાવ ઝુંબેશ યથાવત રાખવામાં આવી છે. પોશીત્રા ગામમાં તંત્ર દ્વારા કાર્યવાહી હાથ ધરી સર્વે નંબર 567માં થયેલા ધાર્મિક દબાણોને દૂર કરવામાં આવ્યા છે. અંદાજે 650 ચોરસ મીટર વિસ્તારમાં ફેલાયેલા આ દબાણો પર બુલડોઝર ફરી વળ્યું હતું. તંત્રના જણાવ્યા મુજબ આશરે 16.25 લાખ રૂપિયાનાં આ ગેરકાયદેસર દબાણોને દૂર કરીને જમીન મુક્ત કરાવવામાં આવી છે. સમગ્ર કાર્યવાહી દરમિયાન કાયદો અને વ્યવસ્થા જાળવવા માટે પોલીસ બંદોબસ્ત પણ ગોઠવવામાં આવ્યો હતો.

ગેનીબેન ઠાકોર પર ભાજપ પ્રદેશ પ્રમુખનું વિવાદિત નિવેદન

48 કલાક બાદ તાપમાનમાં 2-3 ડિગ્રી ઘટાડાની આગાહી

રાજ્યમાં હવામાન વિભાગે ગરમી અંગે મહત્વપૂર્ણ આગાહી કરી છે. હાલમાં પશ્ચિમ દિશાથી પવન ફૂંકાઈ રહ્યા હોવાથી આગામી 48 કલાક સુધી તાપમાનમાં ખાસ ફેરફાર થવાની શક્યતા નથી. અમદાવાદમાં આજે મહત્તમ તાપમાન 42 ડિગ્રી સુધી નોંધાયું છે. જોકે 48 કલાક બાદ પવનની દિશામાં ફેરફાર થતાં તાપમાનમાં 2 થી 3 ડિગ્રી જેટલો ઘટાડો થવાની શક્યતા વ્યક્ત કરવામાં આવી છે. હવામાન વિભાગના અનુમાન મુજબ મે મહિનામાં મહત્તમ તાપમાન સામાન્ય કરતા વધુ રહેવાની સંભાવના છે, જ્યારે મોટા ભાગના વિસ્તારોમાં લઘુતમ તાપમાન પણ સામાન્ય કરતા ઊંચું રહી શકે છે. જોકે ઉત્તર ગુજરાતના કેટલાક વિસ્તારોમાં લઘુતમ તાપમાન સામાન્ય કરતા થોડું નીચું રહેવાની શક્યતા દર્શાવવામાં આવી છે.

રાજકોટના પડવલા ગામમાં ‘દાદાનું બુલડોઝર’ ફરી વળ્યું: કુખ્યાત અલી મોહમદ સોઢાનું ગેરકાયદેસર મકાન જમીનદોસ્ત

અમદાવાદ: વિવાદિત સેવન્થ ડે સ્કૂલના ધોરણ 10ના વિદ્યાર્થીઓનું રિઝલ્ટ અટવાયુ

અમરેલીઃ ગીર જંગલના ખજૂરી નેસ નેસડામાં વિવાદ બાદ કાર્યક્રમ રદ

ભરૂચઃ ભાજપનો ખેસ પહેરીને બદલો લેવાની ધમકી આપવાનો વીડિયો વાયરલ

પોરબંદર: પરણિતાએ પ્રેમીથી થયેલા બાળકને દાટી દેતા ચકચાર

એર ઇન્ડીયાએ ફ્લાઇટ ઘટાડવાનો કર્યો નિર્ણય

સુરેન્દ્રનગર: પાવડરની આડમાં દારૂની હેરાફેરીનો પર્દાફાશ

સુરેન્દ્રનગર જિલ્લામાં દારૂની હેરાફેરીનો એક મોટો પર્દાફાશ થયો છે. ધાંગધ્રા-હળવદ હાઈવે પર LCB પોલીસે દરોડા પાડી શંકાસ્પદ ટ્રકની તપાસ કરતાં ચોંકાવનારો ખુલાસો થયો હતો. ટ્રકમાં સફેદ પાવડરની આડમાં છુપાવીને રાખવામાં આવેલી દારૂની 3518 બોટલો મળી આવી હતી. પોલીસે અંદાજે રૂ.10 લાખની કિંમતનો દારૂ તેમજ ટ્રક સહિત કુલ રૂ.30.34 લાખનો મુદ્દામાલ જપ્ત કર્યો છે. આ મામલે ટ્રક ડ્રાઈવરની ધરપકડ કરી તેની સામે કાયદેસરની કાર્યવાહી હાથ ધરવામાં આવી છે.

સુરતના ચોર્યાસીમાં દેશનો પહેલો માનવ રહિત ટોલબુથ લોન્ચ

ગીરના ખજુરી નેસમાં મંજૂરી વગર ‘સંસ્કૃતિ દર્શન’ કાર્યક્રમથી વિવાદ

કચ્છઃ દાદા સાથે ઘર નજીક રસ્તો ક્રોસ કરી રહેલા પૌત્રને કારે મારી ટક્કર

કચ્છ જિલ્લામાં દુર્ઘટનાની એક ચોંકાવનારી ઘટના સામે આવી છે. ઘર નજીક રસ્તો ક્રોસ કરી રહેલા દાદા સાથેના પૌત્રને એક કારએ ટક્કર મારી હતી. આ અકસ્માત મોટાપીર રોડ પર મુસ્લિમ ચોકડી નજીક સર્જાયો હતો, જેની સમગ્ર ઘટના CCTV કેમેરામાં કેદ થઈ છે. અકસ્માતમાં પૌત્ર ગંભીર રીતે ઘાયલ થતા તેને તાત્કાલિક સારવાર માટે હોસ્પિટલમાં ખસેડવામાં આવ્યો છે.

મધ્ય પ્રદેશઃ જબલપુરના ક્રુઝ દુર્ઘટનાનો મૃત્યુઆંક વધીને 6 પર પહોંચ્યો

મધ્ય પ્રદેશના જબલપુર નજીક આવેલા બરગી ડેમમાં થયેલી ક્રુઝ દુર્ઘટનાએ ચિંતા ફેલાવી છે. પર્યટકોથી ભરેલી ક્રુઝ ગઇકાલે ડેમના પાણીમાં ડૂબી જતા અત્યાર સુધીમાં 6 લોકોનાં મોત થયા હોવાનું સામે આવ્યું છે, જ્યારે હજુ પણ 9 લોકો લાપતા હોવાનું જણાવવામાં આવે છે. દુર્ઘટના સમયે ક્રુઝમાં કુલ 31 લોકો સવાર હતા, જેમાંથી 22 લોકોને બચાવી લેવામાં આવ્યા છે. લાપતા લોકોની શોધખોળ માટે રેસ્ક્યૂ ઑપરેશન સતત ચાલુ છે. આ ક્રુઝનું સંચાલન મધ્ય પ્રદેશ પર્યટન નિગમ દ્વારા કરવામાં આવે છે.

ગુજરાતનો 66મો સ્થાપના દિવસ, CM ભૂપેન્દ્ર પટેલનું પ્રજાજોગ સંબોધન

ગુજરાતના 66માં સ્થાપના દિવસે મુખ્યપ્રધાન ભૂપેન્દ્ર પટેલે ગુજરાત અને દેશ વિદેશમાં વસતા ગુજરાતીઓને શુભકામના પાઠવી. CM ભૂપેન્દ્ર પટેલે પ્રજાજોગ સંબોધન આપતા ગુજરાતના છેલ્લા અઢી દાયકાની અવિરત વિકાસ યાત્રાને યાદ કરી. રાજ્યમાં થયેલા વીજ, પાણી, આરોગ્ય અને શિક્ષણના ક્ષેત્રે આમુલ પરિવર્તનને બિરદાવતા. સ્થાનિક સ્વરાજની ચૂંટણીમાં મળેલા જનસમર્થન માટે આભાર માન્યો.