બિગ બોસ 17ના સ્પર્ધકો ફરી એકસાથે જોવા મળશે ટીવી પર, મચાવશે ધમાલ, Promo આવ્યો સામે
બિગ બોસ 17ના સ્પર્ધકો ફરી એકવાર ટીવી પર આવવા માટે તૈયાર છે. કલર્સ ટીવીએ એક પ્રોમો શેર કર્યો જેમાં તે સ્પર્ધકોની ઝલક બતાવવામાં આવી હતી.
મુનાવર ફારૂકીએ ‘બિગ બોસ 17’ની ટ્રોફી જીતી હતી. અભિષેક કુમાર રનર અપ રહ્યો હતો. ત્રીજા નંબર પર મન્નરા ચોપરા હતી. ટોપ 3 સિવાય પણ ઘણા એવા સ્પર્ધકો હતા જેમણે દર્શકોના દિલ પર રાજ કર્યું હતું. ‘બિગ બોસ’ સમાપ્ત થયાને ઘણો સમય થઈ ગયો છે પરંતુ ઘણા ચાહકો હજુ પણ આ શોને મિસ કરે છે. આવી સ્થિતિમાં, મેકર્સ આ રાહનો અંત લાવવા જઈ રહ્યા છે કારણ કે ‘બિગ બોસ 17’ ના સ્પર્ધકો ફરી એકવાર ટીવી સ્ક્રીન પર મનોરંજન કરવા આવશે.
શોમાં જોવ મળશે કઈક નવીન
‘બિગ બોસ’ સમાપ્ત થતાંની સાથે જ ડાન્સ રિયાલિટી શો ‘ડાન્સ દીવાને 4’ શરૂ થઈ ગયો. માધુરી દીક્ષિત અને સુનીલ શેટ્ટી આ શોના જજ છે. ભારતી સિંહ આ શોની હોસ્ટ છે. ‘બિગ બોસ 17’ના સ્પર્ધકો ‘ડાન્સ દીવાને’ના એપિસોડમાં હલચલ મચાવવા આવશે. કલર્સ ટીવીએ આગામી સેલેબ્સની ઝલક આપતો પ્રોમો શેર કર્યો છે.
ત્રણ મહિલાઓ માટે ભેટ
શેર કરેલા પ્રોમોમાં અંકિતા અને વિકી બતાવવામાં આવ્યા છે. અંકિતા તૈયાર થાય છે અને પછી કેમેરા તરફ જુએ છે અને કહે છે, ‘ડાન્સ દીવાને અમને પહેલીવાર બોલાવ્યા છે, તેથી મને લાગે છે કે અમારે કંઈક લાવવું પડશે.’ ત્યાં સુધીમાં વિકી ત્યાં આવે છે અને કહે છે, ‘આ સાડીઓ ત્રણ નૃત્ય દેવીઓ માટે છે.’
આટલા સેલેબ્સ આવશે
પ્રોમોની સાથેના કેપ્શનમાં લખ્યું છે, ‘કીંગ ઓન ડાન્સ દીવાને ત્રણ ડાન્સ લેડીઝ વિકી અને અંકિતા માટે ગિફ્ટ સાથે. ડાન્સ દીવાને જુઓ, દર શનિવાર અને રવિવારે રાત્રે 9.30 વાગ્યે, ફક્ત કલર્સ અને જિયો સિનેમા પર. ચેનલના અન્ય પ્રોમોમાં ‘બિગ બોસ 17’ના સ્પર્ધકોને બતાવવામાં આવ્યા છે. જેમાં મુનાવર ફારૂકી, મન્નારા ચોપરા, અભિષેક કુમાર, નીલ ભટ્ટ, ઐશ્વર્યા શર્મા, ઈશા માલવીયા, સમર્થ જુરેલ, વિકી અને અંકિતાનો સમાવેશ થાય છે.