Breaking News : સુપરસ્ટાર સલમાન ખાનના ઘરની બહાર ફાયરિંગ થયું, CCTV ફુટેજ આવ્યા સામે, જુઓ વીડિયો

સુપરસ્ટાર સલમાન ખાન હંમેશા સમાચારોમાં રહે છે. પરંતુ આ દરમિયાન સુપરસ્ટાર સાથે જોડાયેલા એક ચોંકાવનારા સમાચાર સામે આવ્યા છે. આજે સવારે 5 વાગ્યાની આસપાસ સલમાન ખાનના ઘરની બહાર ફાયરિંગ થયું હતું. એવું માનવામાં આવે છે કે ગેલેક્સી એપાર્ટમેન્ટની બહાર બે અજાણ્યા લોકોએ ગોળીબાર કર્યો હતો. જે બાદ પોલીસ સલમાનના ઘરે ગેલેક્સી એપાર્ટમેન્ટ પહોંચી ગઈ છે. પોલીસ આ કેસની તપાસ કરી રહી છે. મુંબઈ પોલીસની સાથે ક્રાઈમ બ્રાંચ પણ ઘટનાસ્થળે પહોંચી ગઈ છે.

બાંદ્રા પોલીસની ટીમ પણ લોકેશન પર પહોંચી

પ્રાપ્ત માહિતી અનુસાર અજાણ્યા લોકો બાઇક પર આવ્યા હતા. તેઓએ સલમાનના ઘરની બહાર 4 રાઉન્ડ ફાયરિંગ કર્યું હતું. એટલું જ નહીં એવું માનવામાં આવે છે કે જ્યારે આ ફાયરિંગ થયું ત્યારે સલમાન ખાન ઘરે હાજર હતો. સામાન્ય રીતે સલમાન ખાનના ઘરની બહાર પોલીસ વાન હાજર હોય છે. પરંતુ હવે ફાયરિંગ બાદ વધુ બે પોલીસ વાન લોકેશન પર પહોંચી ગઈ છે. મુંબઈ ક્રાઈમ બ્રાન્ચની સાથે બાંદ્રા પોલીસની ટીમ પણ લોકેશન પર પહોંચી ગઈ છે. આ ઉપરાંત ફોરેન્સિક ટીમને પણ ઘટનાસ્થળે બોલાવવામાં આવી છે.

Web Stories View more

અથાણું આ કન્ટેનરમાં રાખશો તો વર્ષો સુધી ખરાબ નહીં થાય

આજનું રાશિફળ તારીખ : 03-05-2024

ગરમીમાં નસકોરી ફુટે તો ઘબરાશો નહીં, આ ઘરેલુ ઉપચારથી મળશે તરત રાહત

એપ્રિલમાં 77 ટકા... 4 વર્ષમાં 400%, ટાટાનો આ શેર બન્યો રોકેટ

ફૂટબોલ ગ્રાઉન્ડ કરતાં પણ મોટું છે જાહન્વી કપૂરનું ઘર, હવે આપશે ભાડે

ઉનાળામાં મોઢાં પર બરફ ઘસવાના ફાયદા છે ચોંકાવનારા, જાણી લો

Gunshots heard outside #SalmanKhan‘s #GalaxyApartment early this morning, #MumbaiPolice launched probe into the incident#TV9News pic.twitter.com/yqCUfKXztB

— Tv9 Gujarati (@tv9gujarati) April 14, 2024

(Credit Source : @tv9gujarati)

ડીસીપી પણ ઘટના સ્થળે

આ મામલે તપાસ કરતી વખતે પોલીસે ગેલેક્સી એપાર્ટમેન્ટની બહાર રોડની બંને બાજુએ લગાવેલા સીસીટીવી કેમેરાના ફુટેજ ચેક કરી રહી છે. સીસીટીવી ફૂટેજ દ્વારા આરોપીઓની ઓળખ કરવાનો પ્રયાસ કરવામાં આવશે. હજુ સુધી અજાણ્યા લોકો સંબંધિત કોઈ માહિતી મળી નથી. ડીસીપી પણ ઘટના સ્થળે પહોંચી ગયા છે. મુંબઈ પોલીસના જણાવ્યા અનુસાર, આ ફાયરિંગને સલમાનની સુરક્ષા સાથે કોઈ સંબંધ છે કે નહીં તેવી કોઈ શક્યતાને નકારી શકાય નહીં.

View this post on Instagram

A post shared by Viral Bhayani (@viralbhayani)

(Credit Source : Viral bhayani)

ગેલેક્સી એપાર્ટમેન્ટની સુરક્ષા વધારી

જોઈન્ટ સીપી L&O અનુસાર, દરેક એંગલથી તપાસ કરવામાં આવી રહી છે. આ કેસ બાદ ગેલેક્સી એપાર્ટમેન્ટની સુરક્ષા વધારી દેવામાં આવી છે. જોકે સલમાન ખાનને પહેલાથી જ સુરક્ષા આપવામાં આવી છે. તેની સાથે હંમેશા બે પોલીસકર્મી હોય છે. આ સિવાય તેની પોતાની પર્સનલ સિક્યોરિટી હંમેશા સલમાન સાથે હોય છે.

આ મુદ્દે શિવસેનાના પ્રવક્તા આનંદ દુબેનું નિવેદન સામે આવ્યું છે. તેમનું કહેવું છે કે સલમાન ખાનના ઘરની બહાર ફાયરિંગની ઘટના દુર્ભાગ્યપૂર્ણ છે, કાયદો અને વ્યવસ્થાની સ્થિતિ નબળી પડી છે. સરકારે સંજ્ઞાન લેવું જોઈએ. ગુનેગારો નિર્ભયપણે ફરતા હોય છે.