Stree 2 Release Date: આ દિવસે પરત ફરી રહે છે ‘સ્ત્રી 2’, અનોખા અંદાજમાં ફિલ્મની રિલીઝ ડેટની કરી જાહેરાત, જુઓ Video
Stree 2 Release Date: બોલિવુડ એક્ટ્રેસ શ્રદ્ધા કપૂર (Shraddha Kapoor) અને રાજકુમારની અપકમિંગ કોમેડી હોરર ફિલ્મ સ્ત્રી 2ની રિલીઝ ડેટ સામે આવી ગઈ છે. એક્ટરે એક વીડિયો દ્વારા તેને અનોખી રીતે શેર કરી છે.
કોમેડી-હોરર ફિલ્મ ‘સ્ત્રી‘ને દર્શકોએ ખૂબ પસંદ કરી હતી. આ ફિલ્મમાં શ્રદ્ધા કપૂર, રાજકુમાર રાવ અને પંકજ ત્રિપાઠીની જબરદસ્ત એક્ટિંગે લોકોને ખૂબ જ ઈમ્પ્રેસ કર્યા હતા. ડરની સાથે સાથે ફિલ્મમાં કોમેડીનો પણ ડોઝ હતો. ફિલ્મ ‘ભેડિયા’ની રિલીઝ સાથે એ પણ સ્પષ્ટ હતું કે ‘સ્ત્રી’ની સિક્વલ પણ બનાવવામાં આવશે. આ સમાચાર સાંભળ્યા પછી ફેન્સ ખૂબ જ ખુશ થઈ ગયા હતા.
અનોખા અંદાજમાં ફિલ્મની રિલીઝ ડેટની કરી જાહેરાત
હવે ‘સ્ત્રી 2’ની રિલીઝ ડેટનું એનાઉન્સમેન્ટ કરવામાં આવ્યું છે. બોલિવુડ એક્ટર રાજકુમાર રાવે પોતાના સોશિયલ મીડિયા એકાઉન્ટ પર એક વીડિયો શેયર કર્યો છે. આ વીડિયોમાં રાજકુમારની સાથે પંકજ ત્રિપાઠી, શ્રદ્ધા કપૂર અને અપારશક્તિ ખુરાના પણ જોવા મળે છે. ફિલ્મની રિલીઝ ડેટની જાહેરાત ખૂબ જ ખાસ રીતે કરવામાં આવી છે. વીડિયોમાં જોઈ શકાય છે કે રાજકુમાર એક સ્ત્રી જોવા મળી રહી છે. જેને જોઈને તે ડરી જાય છે.
View this post on Instagram
એક્ટર સ્ત્રી તરફ આગળ વધે છે પરંતુ તે ગાયબ થઈ જાય છે. પછી પંકજ અને અપારશક્તિ પણ જોવા મળે છે. ત્યાં શ્રદ્ધા આવીને કહે છે કે સ્ત્રી નહીં હમ હૈ. એક્ટ્રેસ કહે છે કે ટૂંક સમયમાં એક મોટી અને ખતરનાક સમસ્યા આવવાની છે. બધા પૂછે છે કે ક્યારે. પરંતુ તે કંઈ બોલતી નથી અને ત્યાંથી જતી રહે છે. જે પછી પંકજ ત્રિપાઠી એક લેટર વાંચે છે અને જણાવે છે કે સ્ત્રી 2 આવતા વર્ષે ઓગસ્ટ 2024માં આવવાની છે.
આ પણ વાંચો : શહેનાઝ ગિલે ફોટો સેશન રોકીને ફેન માટે કર્યું આ કામ, લોકોએ કહ્યું- ફ્લાવર મત સમજના, ફાયર હૈ, જુઓ Video
આ વીડિયોની શરૂઆતમાં લખ્યું છે કે ઓ સ્ત્રી કલ આના. પરંતુ સ્ત્રી 2 હવે આવતા વર્ષે આવશે. ફિલ્મની રિલીઝ ડેટની જાહેરાતનો આ અંદાજ ફેન્સને પસંદ આવી રહ્યો છે. તમને જણાવી દઈએ કે સ્ત્રી 2 એ જીયો સ્ટુડિયોના હાલમાં જ જાહેર કરાયેલા 100 પ્રોજેક્ટનો એક ભાગ છે. સ્ત્રીની સ્ટોરીને લોકોએ ખૂબ જ પસંદ કરી હતી. જે બાદ ફિલ્મના ડાયરેક્ટરે તેનો બીજો ભાગ બનાવવાનું મન બનાવી લીધું હતું.
મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…
