હું અને ઐશ્વર્યા છૂટાછેડા લઇ રહ્યા છીએ ! અભિષેક બચ્ચનનો આ વીડિયો થઇ રહ્યો છે વાયરલ, જાણો શું છે હકીકત
અભિષેક અને ઐશ્વર્યા જાહેરમાં સાથે જોવા મળતા નથી, જેના કારણે લોકો માની રહ્યા છે કે તેમના સંબંધોમાં તિરાડ આવી ગઈ છે. જો કે આ દરમિયાન વાયરલ થયેલા એક વીડિયોએ બધાને ચોંકાવી દીધા છે.
અભિષેક બચ્ચન અને ઐશ્વર્યા રાય બચ્ચન આ દિવસોમાં પોતાના અંગત સંબંધોને લઈને ચર્ચામાં છે. અનંત અંબાણીના લગ્ન બાદ હવે પેરિસ ઓલિમ્પિકની તસવીરો સામે આવ્યા બાદ બંને વચ્ચે અણબનાવની અફવાઓ તેજ થઈ ગઈ છે. અભિષેક અને ઐશ્વર્યા જાહેરમાં સાથે જોવા મળતા નથી, જેના કારણે લોકો માની રહ્યા છે કે તેમના સંબંધોમાં તિરાડ આવી ગઈ છે. જો કે આ દરમિયાન વાયરલ થયેલા એક વીડિયોએ બધાને ચોંકાવી દીધા છે. આ વીડિયોમાં અભિષેક કથિત રીતે કહેતો સંભળાયો છે કે તે ઐશ્વર્યાથી છૂટાછેડા લઈ રહ્યો છે.
વિડીયોમાં છૂટાછેડા વિશે વાત કરી
વાયરલ થઈ રહેલા આ વીડિયોને ડીપફેક કહેવામાં આવી રહ્યો છે. જે AI ટૂલ્સ દ્વારા અભિષેકના વીડિયો સાથે અવાજને સિંક કરીને બનાવવામાં આવ્યો છે. વીડિયોમાં અભિષેકને એવું કહેતા સાંભળવા મળે છે કે ઐશ્વર્યા અને મેં આ જુલાઈમાં છૂટાછેડા લેવાનું નક્કી કર્યું છે. તેઓ આરાધ્યા માટે આ કરી રહ્યા છે.
સોશિયલ મીડિયા પર વાયરલ થઈ રહેલા આ વીડિયોમાં એવો દાવો કરવામાં આવી રહ્યો છે કે અભિષેક બચ્ચન ઐશ્વર્યા રાયથી છૂટાછેડાની જાહેરાત કરી રહ્યો છે. વીડિયોમાં અભિનેતા કહેતો જોવા મળી રહ્યો છે, ‘આ જુલાઈમાં ઐશ્વર્યા અને મેં અમારા છૂટાછેડા લેવાનું નક્કી કર્યું છે.’
View this post on Instagram
યુઝર્સે લીધા આડે હાથ
જોકે, વીડિયો જોયા બાદ સ્પષ્ટ થાય છે કે તે નકલી છે અને તેને AI ટૂલ્સની મદદથી બનાવવામાં આવ્યો છે. વીડિયો અને અવાજો મેળ ખાતા નથી. આ વીડિયો વાયરલ થયા બાદ સોશિયલ મીડિયા પર લોકો આવી અફવા ફેલાવનારાઓની આકરી ટીકા કરી રહ્યા છે. કેટલાક લોકોએ આવા લોકો સામે કાર્યવાહી કરવાની પણ માંગ કરી છે.
