Cyber Crime : નકલી ‘સ્ટોક ટ્રેડિંગ’ ગ્રૂપમાં જોડાયેલા છો? તો તમે રુપિયા ગુમાવી શકો છો, આ રીતે આપવામાં આવે છે લાલચ
Stock Trading Group Scam : આજકાલ સાયબર ગુનેગારો લોકોને છેતરવા માટે અવનવી ટ્રિક અપનાવી રહ્યા છે. આ દિવસોમાં શેરબજારમાં રોકાણ કરનારાઓને નિશાન બનાવવામાં આવી રહ્યા છે. સાયબર ગુનેગારો નકલી સ્ટોક ટ્રેડિંગ ગ્રુપ બનાવી રહ્યા છે અને લોકોને નફાની લાલચ આપીને પૈસાની છેતરપિંડી કરી રહ્યા છે.
Stock Trading Group Link Scam : શેરબજારમાં રોકાણ કરવું એ આજકાલ ઘણા લોકો માટે પૈસા કમાવવાનો એક લોકપ્રિય માર્ગ બની ગયો છે. જો કે આ વધતી લોકપ્રિયતાનો લાભ લઈને સાયબર ગુનેગારો પણ એક્ટિવ થયા છે. તેઓ સોશિયલ મીડિયા પ્લેટફોર્મ પર નકલી સ્ટોક ટ્રેડિંગ જૂથો બનાવે છે અને લોકોને નફો કમાવવાની લાલચ આપીને છેતરે છે. ભારતના નેશનલ સાયબર ક્રાઈમ રિપોર્ટિંગ પોર્ટલે નકલી સ્ટોક ટ્રેડિંગ જૂથોથી દૂર રહેવાની સલાહ આપી છે.
સાયબર હેકર્સ આ રીતે લૂંટે છે રુપિયા
સાયબર ગુનેગારો શેરબજારમાં રસ ધરાવતા લોકોને ફોલો કરવા માટે નકલી એકાઉન્ટનો ઉપયોગ કરે છે. આ પછી તેઓ આ લોકોને નકલી સ્ટોક ટ્રેડિંગ જૂથોમાં જોડે છે અને તેમને ખાતરી આપે છે કે તેઓ તેમને મોટો નફો મેળવી શકે છે. એકવાર લોકો આ જૂથોમાં જોડાયા પછી તેઓને નાણાંનું રોકાણ કરવાનું કહેવામાં આવે છે. પછી સાયબર હેકર્સ તે પૈસા ગાયબ કરી દે છે.
સરકારે લોકોને ચેતવણી આપી
નેશનલ સાયબર ક્રાઈમ રિપોર્ટિંગ પોર્ટલે માઇક્રોબ્લોગિંગ પ્લેટફોર્મ X (અગાઉ ટ્વિટર) પર આ ખતરાની ચેતવણી આપી છે. આ સરકારી પોર્ટલ X પર સાયબર દોસ્તના નામ પર ઓફિશિયલ એકાઉન્ટ ધરાવે છે. તાજેતરમાં તે જ એકાઉન્ટમાંથી એક પોસ્ટ શેર કરવામાં આવી હતી, જેમાં કહેવામાં આવ્યું હતું કે કેવી રીતે નકલી સ્ટોક ટ્રેડિંગ ગ્રુપ લિંક્સ દ્વારા લોકોને છેતરવામાં આવે છે.
સ્ટોક ટ્રેડિંગના નામે છેતરપિંડી
સાયબર ગુનેગારો માઇક્રોબ્લોગિંગ પ્લેટફોર્મ X (અગાઉ ટ્વિટર) પર નકલી એકાઉન્ટ બનાવે છે. આ ખાતાઓ એકદમ વાસ્તવિક લાગે છે અને તેમાં શેરબજાર સંબંધિત માહિતી શેર કરવામાં આવે છે. આ ગુનેગારો શેરબજારમાં રસ ધરાવતા લોકોને ફોલો કરે છે. તેમની પ્રોફાઇલમાં નકલી સ્ટોક ટ્રેડિંગ ગ્રુપની લિંક છે. જ્યારે કોઈ વ્યક્તિ આ લિંક પર ક્લિક કરે છે, ત્યારે તેને નકલી વેબસાઈટ પર લઈ જવામાં આવે છે જ્યાં તેને પૈસાનું રોકાણ કરવાનું કહેવામાં આવે છે.
નકલી સ્ટોક ટ્રેડિંગ ગૃપથી બચો
અજાણ્યા લોકો પર વિશ્વાસ ન કરો : સોશિયલ મીડિયા પર કોઈ અજાણ્યા વ્યક્તિ પર વિશ્વાસ ન કરો.
પ્રોફાઈલને ધ્યાનથી જુઓ : ફેક એકાઉન્ટની પ્રોફાઈલમાં રહેલી કોઈપણ માહિતી અસલી હોતી નથી. પ્રોફાઇલમાં ખોટી અને ભ્રામક માહિતી હોય છે.
નકલી લિંક્સ પર ક્લિક કરશો નહીં : કોઈપણ અજાણી લિંક પર ક્લિક કરશો નહીં.
ઓફિશિયલ વેબસાઇટ્સનો ઉપયોગ કરો : શેરબજારમાં રોકાણ કરવા માટે હંમેશા ઓફિશિયલ વેબસાઇટ્સનો ઉપયોગ કરો.
આ છેતરપિંડીથી કેવી રીતે બચવું?
માહિતી એકત્ર કરો : માત્ર વિશ્વાસુ સ્ત્રોતો પાસેથી જ શેરબજાર સંબંધિત માહિતી એકત્રિત કરો.
સાવચેત રહો: કોઈપણ આકર્ષક ઓફર પર તરત જ વિશ્વાસ ન કરો.
પૈસાનું રોકાણ કરતા પહેલા વિચાર કરો : કોઈપણ સ્કીમ કે પ્લાનમાં પૈસા રોકતા પહેલા તેના વિશે સંપૂર્ણ માહિતી મેળવી લો.
મદદ લો : જો તમને કોઈ શંકા હોય તો નિષ્ણાતની સલાહ લેવામાં કોઈ નુકસાન નથી.
સાયબર ફ્રોડ વિશે ફરિયાદ કરો
શેરબજારમાં રોકાણ એ તમારી બચતનું રોકાણ કરીને પૈસા કમાવવાનો એક સારો માર્ગ છે. પરંતુ તમારે સાવચેત રહેવાની જરૂર છે. સાયબર ગુનેગારો લોકોને છેતરવા માટે હંમેશા નવા રસ્તાઓ શોધતા હોય છે. તેથી હંમેશા સાવચેત રહો અને કોઈપણ અજાણી વ્યક્તિ અથવા લિંક પર વિશ્વાસ ન કરો.
જો તમે સાયબર ક્રાઈમનો શિકાર છો તો તરત જ પોલીસમાં ફરિયાદ કરો. તમે નેશનલ સાયબર ક્રાઈમ રિપોર્ટિંગ પોર્ટલની ઓફિશિયલ વેબસાઈટ પર જઈને પણ ફરિયાદ નોંધાવી શકો છો.
