અમરેલીમાં સતત બીજા દિવસે પડ્યો સાવરકુંડલા, રાજુલાના ગ્રામ્ય પંથકમાં પડ્યો ધોધમાર વરસાદ- Video
અમરેલીમાં સતત બીજા દિવસે મેઘરાજાએ દસ્તક દીધી. હવામાન વિભાગની આગાહી મુજબ સૌરાષ્ટ્રમાં અમરેલી પંથકમાં બપોર બાદ વાતાવરણમાં પલટો જોવા મળ્યો. સાવરકુંડલા અને રાજુલાના ગ્રામ્ય વિસ્તારોમાં ધોધમાર વરસાદ ખાબક્યો હતો.
અમરેલી જિલ્લાના વાતાવરણમાં સતત બીજા દિવસે પલટો જોવા મળ્યો. જિલ્લાના સાવરકુંડલાના ગ્રામ્ય વિસ્તારમાં બપોર બાદ વાદળો ઘેરાયા અને પવન સાથે મેઘાએ દસ્તક દીધી. વીજપડી સહિતના ગામોમાં પવન સાથે ધોધમાર વરસાદ ખાબક્યો. આ તરફ રાજુલા પંથકમાં પણ પવન સાથે વરસાદ પડ્યો. ભારે પવનને પગલે વીજળી ડૂલ થઈ હતી. બપોરના સમયે અસહ્ય ઉકળાટ અને બફારા વચ્ચે વરસાદ પડતા વાતાવરણમાં આંશિક ઠંડક પ્રસરી હતી.
આ તરફ રાજુલાના માંડરડીમાં પણ ધોધમાર વરસાદ ખાબક્તા ગામની બજારોમાં જળબંબાકારની સ્થિતિ જોવા મળીય અનેક ગામડામાં સારા વરસાદથી ખેડૂતો ખુશ થઈ ગઈ હતી. આ તરફ બાબરા તાલુકાના ત્રબોડા ગામે વોકળામાં બોલેરો કાર તણાઈ હતી. ભારે જહેમત બાદ ફાયર વિભાગને એક મૃતદેહ મળ્યો. બોલેરો કાર ચાલક મૂળ રાજસ્થાનનો હોવાનુ સામે આવ્યુ. કારમાં ત્રણ લોકો સવાર હોવાની પ્રાથમિક વિગતો મળી હતી. સુખનાથ મહાદેવ મંદિર પાસે પાણીના પ્રવાહમાં કાર તણાઈ હતી. ફાયર વિભાગ દ્વારા તણાયેલી કારને બહાર કાઢવામાં આવી છે. હજુ સુધી કારમાં સવાર એક વ્યક્તિનો મૃતદેહ મળ્યો છે જ્યારે અન્ય લોકોની શોધખોળ શરૂ છે.
આ પણ વાંચો:Rajkot: ગોંડલના વાસાવડ ગામમાં ખાબક્યો ભારે વરસાદ, બે કાંઠે વહેતી થઈ વાસાવડી નદી- જુઓ વીડિયો
ખાનગી સ્કૂલ વાન સંચાલક સામે દુષ્કર્મનો આરોપ, પોલીસે આરોપીની કરી ધરપકડ
દ્વારકા બાદ જામનગરમાં મેગા ડિમોલિશન
ખેડામાં રસ્તા વચ્ચે નીલ ગાય આવી જતા સર્જાયો અકસ્માત, માતા-પુત્રનું મોત
અમદાવાદ એરપોર્ટ પરથી ઝડપાયું 7 કરોડનું ડ્રગ્સ, 10 પેકેટ જપ્ત કરાયા
