“એક હૈ તો સેફ હૈ”ના મુદ્દે રાહુલ ગાંધીના મોદી-અદાણી પર આકરા પ્રહાર, જુઓ વીડિયો

આજે એટલે કે સોમવાર મહારાષ્ટ્ર વિધાનસભા ચૂંટણીના પ્રચારનો છેલ્લો દિવસ છે. મહા વિકાસ આઘાડી (MVA)થી લઈને મહાયુતિ સુધીના દિગ્ગજ નેતાઓએ તેમની સંપૂર્ણ તાકાત ચૂંટણી પ્રચારમાં લગાવી દીધી છે. આ દરમિયાન લોકસભા વિપક્ષના નેતા રાહુલ ગાંધીએ પ્રેસ કોન્ફરન્સમાં ભાજપ પર પ્રહારો કર્યા અને તેના ‘એક હૈ તો સેફ હૈ’ના સૂત્રનો અર્થ સમજાવ્યો. આ દરમિયાન રાહુલે સેફ (તિજોરી)માંથી મોદી અને અદાણીના ફોટા સાથે ‘એક હૈં તો સેફ હૈ’ લખેલ પોસ્ટર કાઢ્યું હતું.

રાહુલે ‘એક હૈ તો સેફ હૈ’નો અર્થ સમજાવ્યો

આ ઉપરાંત રાહુલે તે તિજોરીમાંથી ગૌતમ અદાણી અને પીએમ મોદીના ફોટા અને ધારાવીની તસવીર પણ બતાવી. આ દરમિયાન રાહુલે કહ્યું કે પીએમ મોદીનું સ્લોગન છે કે: એક હૈ તો સેફ હૈ. પરંતુ પ્રશ્ન એ છે કે – કોણ છે સલામત અને કોણ છે અસલામત ? તેનો જવાબ છે- નરેન્દ્ર મોદી, અદાણી, અમિત શાહ સેફ છે. જ્યારે, આમાં નુકસાન મહારાષ્ટ્રના લોકો અને ધારાવીના લોકોનું છે. એક તો ધારાવીનો નાશ થઈ રહ્યો છે. ધારાવીની જમીન છીનવાઈ રહી છે.