Jamnagar Rain : જામજોધપુર પંથકમાં આવેલા સોગઠી ડેમમાં પડ્યુ ગાબડું, વહીવટી તંત્ર દોડતું થયુ , જુઓ Video

ભારે વરસાદને કારણે જામજોધપુર તાલુકાના જસાપર ખાતે આવેલા સોગઠી ડેમમાં ગાબડું પડ્યુ છે. જેના પગલે જિલ્લા વહીવટી તંત્ર તથા પોલીસ તંત્ર દોડતુ થયુ છે. હાલમાં પ્રાંત અધિકારી, મામલતદારે ડેમ સાઇટ પર પહોંચી સ્થિતિનો તાગ મેળવ્યો છે. ગાબડામાંથી લીકેજ ઓછુ કરવા માટે ખાસ કેમિકલનો ઉપયોગ કરવામાં આવશે.

તો ડેમમાં ગાબડુ પડતા જ રાજકોટ અને જામનગરની સિંચાઇ વિભાગની ટીમ કામે લાગી છે. આ ઉપરાંત સાવચેતીના ભાગરુપે નીચાણવાળા દરેક ગામોમાં જરૂરી સ્ટાફની નિમણૂક કરવામાં આવી છે. જેથી કોઈ પણ દુર્ઘટના ન બને. તો બીજી તરફ મામલતદાર કચેરી જામજોધપુરના ડિઝાસ્ટર કંટ્રોલ રૂમ ખાતે પણ પળેપળની જરૂરી વિગતો મેળવી તંત્ર દ્વારા જરૂરી કાર્યવાહી કરવામાં આવી રહી છે.

( વીથ ઈનપુટ – દિવ્યેશ વાયડા )