Ahmedabad Video : દિવાળીના દિવસે અમદાવાદ ફાયર બ્રિગેડ ખડેપગે , 80થી વધારે ઈમરજન્સી કોલ આવ્યા

ગુજરાતભરમાં દિવાળીનો તહેવાર ધામધૂમથી ઉજવાયો છે. ત્યારે અમદાવાદમાં દિવાળીના પગલે ફાયર બ્રિગેડ ખડેપગે હતા. ફાયર બ્રિગેડને સંખ્યાબંધ નાની મોટી આગના કોલ આવ્યા હતા. તમામ સ્થળોએ ફાયર બ્રિગેડની ટીમો આગ બુઝવવા પહોંચી હતી.

સર્કિટથી આગ લાગવાના 03 કોલ આવ્યા

અમદાવાદ ફાયરબ્રિગેડને 80 ઈમરજન્સી કોલ આવ્યા હતા. આ ઉપરાંત કચરામાં આગ લાગવાના 35 કોલ આવ્યા હતા. મકાનમાં 20, દુકાનમા આગ લાગવાના 8 કોલ આવ્યા હતા. તેમજ ફેકટરીમાં આગ લાગવાના 2 ફોન આવ્યા હતા. જ્યારે શોર્ટ સર્કિટથી આગ લાગવાના 03 કોલ આવ્યા હતા.

બીજી તરફ અમદાવાદના મિર્ઝાપુર પાસે કબાડી માર્કેટમાં ભીષણ આગ લાગી હોવાની ઘટના બની છે. અચનાક સળગતુ રોકેટ કબાડી માર્કેટમાં આવી જતા આગ લાગી હતી. આગે વિકરાળ રુપ ધારણ કરતા લોકોમાં ભયનો માહોલ સર્જાયો હતો. ફાયર વિભાગની ટીમ સ્થળ પર પહોંચી હતી. ફાયર વિભાગની ટીમે આગ પર કાબૂ મેળવ્યો છે. આગની ઘટનામાં જાનહાનીના કોઈ સમાચાર મળ્યા નથી.