Ahmedabad : મિર્ઝાપુર પાસે કબાડી માર્કેટમાં ભીષણ આગ, લોકોમાં અફરાતફરીનો માહોલ, જુઓ Video

રાજ્યમાં અવારનવાર આગ લાગવાની ઘટના બનતી હોય છે. ત્યારે અમદાવાદના મિર્ઝાપુર પાસે કબાડી માર્કેટમાં ભીષણ આગ લાગી હોવાની ઘટના બની છે. અચનાક સળગતુ રોકેટ કબાડી માર્કેટમાં આવી જતા આગ લાગી હતી. આગે વિકરાળ રુપ ધારણ કરતા લોકોમાં ભયનો માહોલ સર્જાયો હતો. ફાયર વિભાગની ટીમ સ્થળ પર પહોંચી હતી. ફાયર વિભાગની ટીમે આગ પર કાબૂ મેળવ્યો છે. આગની ઘટનામાં જાનહાનીના કોઈ સમાચાર મળ્યા નથી.

ફટાકડાની દૂકાનમાં લાગી આગ

બીજી તરફ સુરતના પાલ વિસ્તારમાં રીબો એમ્પાયર નજીક આગ લાગવાની ઘટના બની છે. પાર્ટી પ્લોટમાં ફટાકડાના લીધે ભીષણ આગ લાગી હતી. લગ્નના પાર્ટી પ્લોટમાં મંડપ પણ આગની ઝપેટમાં આવ્યો હતો. આગમાં લગ્ન મંડપ સહિત અન્ય સામાન બળીને ખાખ થઈ ગયો છે. ફાયર વિભાગે પાણીનો મારો ચલાવી આગ પર કાબૂ મેળવ્યો હતો. સદનસીબે કોઈ જાનહાની સર્જાઈ ન હતી.