Pakistan Viral Video: પાકિસ્તાનના F-16 ફાઈટર જેટને જંગલી સુવરે કરી દીધુ ખતમ
રક્ષા મંત્રીએ કહ્યું કે એરબેઝને જંગલી ડુક્કરથી અલગ કરવા અને ભવિષ્યમાં અકસ્માતોને રોકવા માટે તેની આસપાસ છ ફૂટ ઊંચી દિવાલ બનાવવામાં આવી છે. પાકિસ્તાની સંરક્ષણ પ્રધાને સ્વીકાર્યું છે કે વાયુસેનાએ અમેરિકન નિર્મિત એફ-16 ફાઇટર જેટ ગુમાવ્યું હતું. જેને ઘણા પાકિસ્તાનીઓ અજેય વિમાન તરીકે ઓળખે છે.
રક્ષા મંત્રી રાણા નઈમ મહમૂદ ખાને સંસદમાં પૂછપરછ દરમિયાન જણાવ્યું હતું કે ડિસેમ્બરમાં નાઈટ-ટાઈમ ઓપરેશનલ મિશન પર ટેકઓફ માટે રનવે પરથી નીચે સરકી જતાં 18 મિલિયન ડોલરનું હાઇ-ટેક ફાઇટર પ્લેન જંગલી ડુક્કર સાથે અથડાયું હતું. સંરક્ષણ પ્રધાને કહ્યું કે રનવે પાર કરતી વખતે ડુક્કરને ટક્કર મારતાં નોઝ ગિયર તૂટી ગયો અને F-16માં આગ લાગી અને તે નાશ પામ્યું. રાજધાનીથી લગભગ 125 માઈલ દક્ષિણમાં સરગોધા એર બેઝ પર 17 ડિસેમ્બરે આ દુર્ઘટના બની હતી.
રક્ષા મંત્રીએ કહ્યું કે એરબેઝને જંગલી ડુક્કરથી અલગ કરવા અને ભવિષ્યમાં અકસ્માતોને રોકવા માટે તેની આસપાસ છ ફૂટ ઊંચી દિવાલ બનાવવામાં આવી છે. પાકિસ્તાની સંરક્ષણ પ્રધાને સ્વીકાર્યું છે કે વાયુસેનાએ અમેરિકન નિર્મિત એફ-16 ફાઇટર જેટ ગુમાવ્યું હતું. જેને ઘણા પાકિસ્તાનીઓ અજેય વિમાન તરીકે ઓળખે છે.
પાકિસ્તાનને F-16 ફાઈટર જેટ કેવી રીતે મળ્યા?
અફઘાનિસ્તાન પર સોવિયત સંઘના હુમલા વખતે પાકિસ્તાન અને અમેરિકા વચ્ચે ગાઢ મિત્રતા હતી. તે સમયે 1981માં અમેરિકાએ પાકિસ્તાનને F-16 ફાઈટર એરક્રાફ્ટ વેચવાની ડીલ ફાઈનલ કરી હતી. પરંતુ આ પછી પાકિસ્તાનના પરમાણુ પરીક્ષણને કારણે બંને દેશો વચ્ચેના સંબંધો બગડવા લાગ્યા હતા. અમેરિકાને ડર હતો કે પાકિસ્તાન તેના ફાઈટર જેટ્સનો ઉપયોગ પરમાણુ હુમલો કરવા માટે કરી શકે છે.
પાકિસ્તાને અમેરિકા પાસેથી 28 F-16 ફાઈટર જેટ ખરીદવા માટે 658 મિલિયન ડોલરની ચૂકવણી કરી હતી, જે પાછળથી પરત કરવામાં આવી હતી. પરંતુ, વર્ષ 2001માં અમેરિકાના વર્લ્ડ ટ્રેડ સેન્ટર પર થયેલા આતંકવાદી હુમલા બાદ બંને દેશો વચ્ચેના સંબંધોમાં ફરી ગરમાવો આવ્યો હતો. આતંકવાદ વિરુદ્ધ અભિયાનમાં પાકિસ્તાનના સહયોગને જોઈને અમેરિકાએ પ્રતિબંધો હટાવી લીધા અને 18 F-16 ફાઈટર જેટ વેચ્યા. 2016માં અમેરિકાએ પાકિસ્તાન સાથે લગભગ 700 મિલિયન ડોલરની ડીલ કરી હતી. આ અંતર્ગત તેને આઠ એફ-16 બ્લોક 52 એરક્રાફ્ટ વેચવામાં આવ્યા હતા.
પાકિસ્તાન પાસે કેટલા એફ-16 છે
પાકિસ્તાની વાયુસેના પાસે કુલ 85 F-16 ફાઈટર જેટ છે. ફોરેન પોલિસી રિસર્ચ ઈન્સ્ટિટ્યૂટના એરોન સ્ટેઈન અને રોબર્ટ હેમિલ્ટન દ્વારા 2020ના રિપોર્ટમાં આ દાવો કરવામાં આવ્યો છે. તેમાંથી 66 જૂના બ્લોક 15ના છે અને 19 આધુનિક બ્લોક 52 મોડેલના છે. પાકિસ્તાને તેનો F-16 કાફલો ભારત સાથેની સરહદો પર તૈનાત કર્યો છે. આ ફાઈટર એરક્રાફ્ટના કારણે પાકિસ્તાન વારંવાર હવાઈ શ્રેષ્ઠતાના વખાણ કરતું રહે છે.
2019માં 27 ફેબ્રુઆરીના રોજ પાકિસ્તાને F-16 એરક્રાફ્ટ દ્વારા ભારત-પાકિસ્તાન સરહદ નજીક ભારતીય સૈન્ય મથકો પર હુમલો કરવાનો પ્રયાસ કર્યો. જવાબી કાર્યવાહીમાં સ્ક્વોડ્રન લીડર અભિનંદન વર્થમાને નૌશેરા સેક્ટરમાં મિગ-21 બાઈસન સાથે પાકિસ્તાની F-16ને તોડી પાડ્યું હતું. જો કે, અપમાનથી બચવા માટે પાકિસ્તાને ક્યારેય આ ઘટનાનો સ્વીકાર કર્યો નથી.
F-16 ફાઈટર જેટ કેટલું ખતરનાક છે?
જનરલ ડાયનેમિક્સ એફ-16 ફાઇટીંગ ફાલ્કન એ સિંગલ એન્જીન મલ્ટીરોલ ફાઇટર જેટ છે. તે મૂળરૂપે યુએસ એર ફોર્સ માટે જનરલ ડાયનેમિક્સ દ્વારા વિકસાવવામાં આવ્યું હતું. તે હવાઈ શ્રેષ્ઠતાના સર્વ-હવામાન મલ્ટીરોલ ફાઈટર જેટ તરીકે બનાવવામાં આવ્યું હતું. 1976માં ઉત્પાદનને મંજૂરી આપવામાં આવી, ત્યારથી 4,600થી વધુ એરક્રાફ્ટ બનાવવામાં આવ્યા છે.
જો કે, યુએસ એરફોર્સ હવે પોતાના માટે F-16 ખરીદશે નહીં. તેના બદલે તે અન્ય દેશોમાં નિકાસ માટે બનાવવામાં આવે છે. 1993માં જનરલ ડાયનેમિક્સે તેનો એરક્રાફ્ટ મેન્યુફેક્ચરિંગ બિઝનેસ લોકહીડ કોર્પોરેશનને વેચ્યો હતો. જનરલ ડાયનેમિક્સ ત્યારબાદ 1995માં માર્ટિન મેરીએટા સાથેના વિલીનીકરણ બાદ લોકહીડ માર્ટિનનો ભાગ બની.
F-16 25 દેશોની એરફોર્સમાં સામેલ છે
F-16 ફાઈટર એરક્રાફ્ટનું વજન 9,207 કિલો છે. તેની રેન્જ 4,220 કિમી હોવાનું કહેવાય છે. F-16ના એક યુનિટની કિંમત 14600000થી 18800000 ડોલરની વચ્ચે છે. અમેરિકા સિવાય આ વિમાનનો ઉપયોગ વિશ્વના 25 દેશોની વાયુસેના કરે છે. આ એરક્રાફ્ટ અદ્યતન એરોડાયનેમિક્સ અને એવિઓનિક્સથી સજ્જ છે.
એરક્રાફ્ટને હવામાં ચાલાકી માટે ફ્લાય-બાય-વાયર અને ફ્લાઈટ કંટ્રોલ સિસ્ટમ્સથી પણ સજ્જ કરવામાં આવ્યું છે. F-16 એ 9-G પ્રેશર જનરેટિંગ દાવપેચ કરવા માટે રચાયેલ પ્રથમ ફાઇટર એરક્રાફ્ટ હતું. તે Mach 2 થી વધુની મહત્તમ ઝડપે પહોંચી શકે છે. તે પાઇલટને વધુ સારી રીતે દૃશ્યતા પ્રદાન કરવા માટે ફ્રેમલેસ કેનોપી, સાઇડ માઉન્ટેડ કંટ્રોલ સ્ટીક અને પાઇલોટ પર G ફોર્સની અસર ઘટાડવા માટે એક વિશિષ્ટ સીટ પણ મેળવે છે.
