મેટાએ મલ્ટિપલ એકાઉન્ટ માટે રજૂ કરી નવી સુવિધા, ફેસબુક અને ઈન્સ્ટાગ્રામને એક જ એકાઉન્ટથી કરી શકાશે મેનેજ
આ ખાસ ફીચર દ્વારા ફેસબુક અને ઈન્સ્ટાગ્રામને એક જ એકાઉન્ટથી મેનેજ કરી શકાય છે. મેટાએ આ એકાઉન્ટમાં કેટલીક મહત્વપૂર્ણ સેટિંગ્સ ઉમેરી છે. જો કે, એકાઉન્ટમાં તમામ સેટિંગ્સ વિકલ્પો રોલઆઉટ કરવામાં આવ્યા નથી.
મેટાના સીઈઓ માર્ક ઝુકરબર્ગે હાલમાં જ સોશિયલ મીડિયા પર એક્ટિવ રહેતા લોકો માટે એક ખાસ ફીચર રજૂ કર્યું છે. મેટાએ મલ્ટિપલ એકાઉન્ટ યુઝર્સ માટે નવી સુવિધા ઉમેરી છે. આ નવી સુવિધા સેન્ટ્રલાઈઝ એકાઉન્ટ સેન્ટરની છે. આ ખાસ ફીચર દ્વારા ફેસબુક અને ઈન્સ્ટાગ્રામને એક જ એકાઉન્ટથી મેનેજ કરી શકાય છે.
આ પણ વાંચો: WhatsApp પર હાઈ ક્વાલિટી ફોટો મોકલવા બનશે વધુ સરળ, જલદી જ રજુ થશે નવું ફીચર
મેટાએ આ એકાઉન્ટમાં કેટલીક મહત્વપૂર્ણ સેટિંગ્સ ઉમેરી છે. જો કે, એકાઉન્ટમાં તમામ સેટિંગ્સ વિકલ્પો રોલઆઉટ કરવામાં આવ્યા નથી, જેનો અર્થ એ થશે કે વપરાશકર્તાઓએ કેટલીક સેટિંગ્સ માટે અલગથી Facebook અને Instagram એપ્લિકેશન્સની મુલાકાત લેવી પડશે.
શું છે મલ્ટી એકાઉન્ટને મેનેજ કરતું નવું ફીચર
ખરેખર મેટાએ એકાઉન્ટ સેન્ટર ટૂલ રજૂ કર્યું છે. એકાઉન્ટ સેન્ટર એકમાત્ર એવી જગ્યા હશે જ્યાં ફેસબુક અને ઇન્સ્ટાગ્રામને મેનેજ કરવા માટે ઘણા વિકલ્પો આપવામાં આવશે. આનો સીધો અર્થ એ થશે કે મેટા એપ્સ યુઝર્સને એકાઉન્ટ સંબંધિત કોઈપણ સેટિંગ માટે એકાઉન્ટની મુલાકાત લેવાની જરૂર રહેશે નહીં, તેમનું કામ એકાઉન્ટ સેન્ટર પર જ થશે.
આ સેટિંગ્સ મલ્ટિપલ એકાઉન્ટ્સ મેનેજ કરવા માટે ઉપલબ્ધ છે
કંપનીએ એકાઉન્ટ સેન્ટર પર મેટાના સોશિયલ મીડિયા એકાઉન્ટને મેનેજ કરવા માટે વ્યક્તિગત વિગતો, પાસવર્ડ અને સુરક્ષા જેવા વિકલ્પો રજૂ કર્યા છે. આ ઉપરાંત, સમાન એકાઉન્ટ પર માહિતી અને પરવાનગીઓ, જાહેરાત પસંદગીઓ અને ચુકવણીઓ જેવા વિકલ્પો પણ આપવામાં આવી રહ્યા છે.
એકાઉન્ટ સેન્ટર પર આ સેટિંગ્સ વિકલ્પો ઉપલબ્ધ રહેશે નહીં
જો કે, કેટલીક સેટિંગ્સને મેનેજ કરવા માટે, મેટા એપ્સ યુઝર્સને એપમાં જ જવું પડશે. કારણ કે એકાઉન્ટ સેન્ટરમાં તમામ સેટિંગ વિકલ્પો લાવવામાં આવ્યા નથી. આમાં, Device Setting, specific Preferences, Who can see and interact with users and post અને Off-Facebook Activity જેવા વિકલ્પો આપવામાં આવશે નહીં. તમને જણાવી દઈએ કે એકાઉન્ટ સેન્ટરમાંથી એકથી વધુ એકાઉન્ટનું સંચાલન યુઝર્સ માટે વૈકલ્પિક રાખવામાં આવ્યું છે.
જણાવી દઈએ કે મેટાને ગુરુવારે આઈરિશ રેગ્યુલેટર દ્વારા વધારાના 5.5 મિલિયન યુરો (આશરે રૂ. 47.8 કરોડ)નો દંડ ફટકારવામાં આવ્યો છે. આપને જણાવી દઈએ કે બે અઠવાડિયા પહેલા યુરોપિયન યુનિયને મેટાના ઈન્સ્ટાગ્રામ અને ફેસબુક પ્લેટફોર્મ પર સમાન નિયમોનું ઉલ્લંઘન કરવા બદલ 390 મિલિયન યુરો (લગભગ 3,429 કરોડ રૂપિયા)નો દંડ લગાવ્યો હતો.
Latest News Updates
